ठगी गरेको भन्दै कार्यालय घेराउ

कोहलपुर, ३१ जेठ ः सहयोग एन्ड बिकाश कम्पनिले ठगी गरेको बताउदैै कोहलपुरका ग्राहकहरुले शाखा कार्यालय घेराउ गरेका छन ।
सो कम्पनीले ठगी गरेको जनाउदै आक्रोशित भएका ग्राहकहरुले सोमवार उक्त कम्पनिको एक भ्यानको टायर निकालेर भ्यान,समेत नियन्त्रणमा लिएका छन ।
सहयोग एण्ड बिकाश कम्पनिले एक जना ग्राहकबाट ६ हजार ५ सय रुपैयांका दरले रकम उठाएको उनिहरुले बताएका छन् । साथै सो कम्पनिले एक जना ग्राहक बनाए बाफत रु ५०० कमीशन दिने समेत जनाएको थियो ।
सरकारले नेटवर्किङ ब्यबसायमा प्रतिबन्ध लगाएपछि सो कम्पनिले इलेक्ट्रोनिक्स सामानमा कारोबार गर्ने बताएको थियो । कोहलपुर क्षेत्रमा मात्र सो कम्पनिका ३०० जना ग्राहक रहेको बताईएको छ ।
यसैबिच इलाका प्रहरी कार्यालय कोहलपुरले कम्पनि संचालकलाई प्रकाउ गरेको छ । यस बारेमा थप अनुसन्धान भईरहेको इलाका प्रहरी कार्यालय कोहलपुरका प्रहरी निरिक्षक रुपेश रावलले बताए ।