करेन्ट लागेर युवकको मृत्यु

नेपालगन्ज, ५ असार ः करेन्ट लागेर शनिवार बांके जिल्लामा एक जनाको मृत्यु भएको छ ।
शनिवार दिउंसो १२ बजेतिर घरमा बिद्युतको काम गरिरहेका बेला करेन्ट लागेर बाँके जिल्लाको उढरापुर गाउं बिकास समिति- ५ का ४५ वषिर्य विद्याराम कमारको मृत्यु भएको ईलाका प्रहरी कार्यालय धनौली खजुराले जनाएको छ ।
इलाका प्रहरी कार्यालय धनौलीका अनुसार कमारको घटनास्थलमै मृत्यु भएको हो ।
विद्युतमा अहिले निकै कम भोल्टेज आईरहेकाले पनि पटक पटक तार लगायतमा मर्मत गर्नु परेकोले यस्तो अवस्था सृजना हुने गरेको स्थानीय वासिन्दाले बताएका छन् ।
जिल्लाका अन्य स्थानमा समेत बिद्युत आपूर्तिमा देखिएको समस्यालाई सर्वसाधारणले आफै समाधान गर्न खोज्दा असावधानी हुंदा करेण्टको शिकार हुनु परेको छ ।