१७ लाख राजस्व संकलन

नेपालगन्ज, १ असार ः वाणिज्य कार्यालय नेपालगञ्जले पछिल्लो ११ महिनाको अबधिमा १७ लाख मुल्य बराबरको राजश्व संकलन गरेको छ ।
२०६६ साउन देखि २०६७ जेठ मसान्त सम्म जिल्लाका बिभिन्न पसलहरुको अनुगमनबाट कार्यालयले राजश्व संकलन गरेको हो ।
निजी फारम दर्ता नगरि पसल संचालन गरेको र म्याद नाघेका बस्तुहरु बिक्री वितरण गर्ने पसलहरुबाट राजश्व असुल गर्ने क्रम जारी रहेको बाणीज्य कार्यालयका देवीप्रसाद श्रेष्ठले जानकारी दिए ।
बाँकेका बजारहरुमा अखाद्य बस्तुको बिक्रि, म्याद नाघेका औषधी तथा अन्य पेय पदार्थको बिक्रि बढेको गुनासो चारैतिरबाट आएपछि पछिल्ला दिनमा आएर सो कार्यालयले बजार अनुगमन कार्यलाई तिव्रता दिएको थियो ।
बजार अनुगमन बढ्दै जाँदा स्थानीय व्यवसायीहरुले आ आफ्नो पसलमा तदारुकताका साथ खाद्य सामाग्री लगायतमा चनाखो भएर राख्न थालेका छन् । उनिहरुले पसलमा मूल्यसूचि राख्ने सोच बनाएका छन् ।