युनाईटेड, पशुपती र अरुणोदय मावि विजयी

नेपालगन्ज, १० असार ः अखिल नेपाल फुृटबल संघको आयोजनामा भएको कोकाकोला अन्तर मावि छात्र तथा छात्रा राष्ट्रिय फुटबल प्रतियोगिताको विहीबारको खेल युनाईटेड एजुकेसनल एकेडेमी कोरियनपुर, पशुपति सेकेण्डरी स्कुल रांझा र अरुणद्धय बोडिडं स्कुल खजुराले जित्न सफल भएको छ ।
नेपालगन्जमा भएको पशुपति सेकेण्डरी स्कुल रांझा र होप इन्टरनेशनल एकेडेमी कारकांदोबीचको पहिलो खेल पशुपतिले शुन्यका विरुद्ध २ गोलले जित्न सफल भएको छ । पशुपतिका तर्फबाट शुभाष गुरुङ्ग र रविन्द्र शाहीले १,१ गोल गरी आफ्नो स्कुललाई जिताउन सफल भए ।
नेपालगन्जमा नै भएको दोश्रो खेल युनाईटेड एजुकेसनल एकेडेमी कोरियनपुर र सनविम हायर स्कुल धम्बोझीबीच भएकोमा युनाईटेडले पेनाल्टीमा १ गोलका विरुद्ध २ गोल गरी खेल जित्न सफल भयो । युनाईटेडका तर्फबाट मेनका चौधरी र लबली बक्सीले १,१ गोलको योगदान गरे भने सनविमका तर्फबाट आश्मा श्रीले १ गोल गरेको संयोजक मोहन थापाले जानकारी दिए ।
बोर्टस नेपाल प्रालिको प्रायोजनमा शुरु भएको प्रतियोगिता तर्फको खजुरमा भएको प्रतियोगितामा अरुणद्धय बोडिडं स्कुलले योगिनी माविलाई १ गोलका विरुद्ध २ गोल गरी खेल जितेको थियो ।