पोलियो खोप अभियान

नेपालगन्ज, ८ जेष्ठ ः राष्ट्रिय पोलियो खोप अभियान अन्तर्गत बांके जिल्लामा पनि पांच बर्ष मुनिका बालबालिकाहरुलाई पोलियो थोपा खुवाईदैछ ।
शनिबार र आईतबार गरी दुई दिने बांके जिल्लाका ८२ हजार २ सय बालबालिकालाई पोलियो थोपा खुवाईने लक्ष्य लिइएको बताइएको छ । दोस्रो चरणको कार्यक्रम अन्तर्गत बांकेका ४६ गाविस र १ नगरपालिकामा गरि ५ सय १५ वटा खोप केन्द्र तोकिएको जिल्ला जनस्वास्थ्य कार्यालय प्रमुख धिरजंग शाहले बताए । राष्ट्रिय पोलियो खोप कार्यक्रम अन्तर्गत शनिबारदेखि सरकारले तराईका २७ जिल्ल्ाामा हिजो र आज दुई दिन र पहाडी र हिमाली जिल्ल्ाामा हिजो मात्र १ दिने अभियान शुरु गरेको हो । शनिबार विहान ८ बजे देखि देशभरीका गाविस तथा नगरपालिकाका वडा कार्यालयमा रहेका खोपकेन्द्रहरुमा स्वास्थ्यकर्मी तथा स्वास्थ्य स्वंमसेविकाहरु मार्फत पोलियो थोपा खुवाइयो । खोप केन्द्रमा गई पोलियो थोपा खुवाउन छुटेकालाई आज घरदैलो मार्फत पोलियो थोपा खुवाईने प्रमुख शाहले जनाकारी दिए । सरकारले नेपालमा झण्डै १२ बर्ष अगाडीदेखि प्रत्येक बर्ष दुई पटक पोलियो थोपा खुवाउदै आएको छ । यसअघि पोलियो थोपा खाइसकेका बालबालिकालाई जतिपटक पोलियो थोपा खुवाए पनि हानी गर्दैन । बालबालिकालाई अपाङग हुनबाट जोगाउन नेपालमा २०५३ सालदेखि पोलियो उन्मुलनका लागि राष्ट्रिय पोलियो खोप अभियान सन्चालन हुदै आएको छ ।