दिन दहाडे गोली प्रहार

नेपालगन्ज, ३ जेठ ः नेपालगन्जको अति व्यस्त धम्बोझी चोक नजिकको कृषि विकास बैंक अगाडि दिउसै गरिएको गोली प्रहार बाट एक युवक गम्भीर घाईते भएका छन् ।
सोमवार दिउंसो १२ बजे तिर भे २ प ८८२ नं.को मोटर साइकलमा आएका ३ जनाको समूहले गोली प्रहार गर्दा नेपालगन्ज-८ बस्ने २३ वषर्ीय रवि पुन मगर घाइते भएका छन् । घाइते मगरको बायां तिघ्रामा २ वटा छर्रा लागेको छ । एसएलसीको परिक्षा दिन तयारीमा रहेका घाइते मगरको स्थानीय भेरी अञ्चल अस्पतालमा उपचार भईरहेको छ ।
गोली लागेर घाइते भएका मगरका अनुसार प्रहार गर्ने समूहलाई आफूले सामान्य चिनेको हुंदा उनीहरुले बोलाएपछि कुरा गर्दै गर्दा गोली प्रहार गरेको हो । उनीहरुले किन आफूलाई गोली हानेको थाहा नभएको घाइते मगरले बताए । आफूलाई गोली प्रहार गर्नेहरु विक्रम गुरुङ्ग -बबिन), विपिन लामा-कालु) र सुशिल थापा-डोंगा) रहेको घाइते मगरले बताए ।
गोली प्रहार गरी फरार भएका उक्त समूहको खोजी कार्य जारी रहेको र घटनाको अनुसन्धान भईरहेको जिल्ला प्रहरी कार्यालय बांकेले जनाएको छ ।
बांकेका प्रहरी प्रमुख महेश विक्रम शाहका अनुसार घटनामा संलग्नहरुको खोजी कार्यका लागि नेपालगन्जका विभीन्न क्षेत्रमा सुरक्षा ब्यबस्था कडा पारिएको तथा खोजी भैरहेको छ ।