बासिन्दा मर्कामा

सुर्खेत, ११ जेठ ः सुर्खेत र सल्यानको सिमानामा पर्ने भेरी नदीको तुईन एकिकृत माओवादी कार्यकर्ताले चुडाईदिएपछि झण्डै ४ गाविसका बासिन्दा मर्कामा परेका छन् । सुर्खेतको बजेडिचौर र सल्यानको देवस्थल जोड्ने तुईन एकिकृत माओवादी कार्यकर्ताले चुडाएर भेरी नदीमा बगाईदिएपछि बजेडिचौर, राकम, देवस्थल र बामेका २ हजार बढी नागरिकलाई आवत जावतमा कठिनाई भएको स्थानियबासीन्दाले जनाएका छन् । पुल निर्माणका लागि सरकारी तथा गैरसरकारी संघ संस्थालाई पटक पटक आग्रह गर्दा समेत संम्भव नभएपछि स्थानीयवासीको आफ्नै पहलमा एक बर्ष अघि निर्माण गरिएको तुईन गााउमा अन्य पार्टीका गतिविधि सक्रिए भएको भन्दै उनीहरुले चुडाई दिएको बताईएको छ ।