सहकारीद्धारा एम्बुलेन्स सञ्चालन

कोहलपुर ८ जेठ ः कोहलपुर बहुउद्धेश्यीय सहकारी संस्थाले शनिवार देखी कोहलपुरमा एम्बुलेन्स सेवा संचालनमा ल्याएको छ । सर्वसाधारणलाई सेवा पुर्याउने उद्धेश्यले शुरु गरिएको सो एम्बुलेन्स सेवाको उद्घाटन सहकारी डिभिजन कार्यालयका प्रमुख कमल प्रसाद पौडेलले गरेका थिए । ८ लाख ५० हजार रुपैयाको लागतमा सो सेवा सुरुगरेको हो ।एम्बुलेन्ससेवा संचालनमा आएपछि यस क्षेत्रका बासिन्दालाई नेपालका सवै स्थान र भारतको लखनउ सम्म विरामी पुर्‍याउन मद्दत पुग्ने छ । २०६६ जेष्ठ २८ गते स्थापना भएको सो संस्थाले केहि दिन पछि शव वाहन पनि संचालनमा ल्याउने एम्बुलेन्स खरिद रमितीका संयोजक चन्द्र खनालले जानकारी दिए । २३ जना महिला र ४७ जना पुरुष शेयर सदस्य रहेको सो संस्थाले आगामी दिनमा स्वास्थ्य क्षेत्रमा मात्र नभई शिक्षा र सामुदायिक विकासमा लगानी गर्नै बताईएको छ । उद्घाटन कार्यक्रममा बोल्दै सहकारी प्रशिक्षण तथा डिभिजन कार्यालयका प्रमुख कमल प्रसाद पौडेलले सहकारीको शिद्धान्त अनुरुप कार्यगर्दै गएमा सहकारीले अझै प्रगती गर्दै जाने वताए । कार्यक्रम सहकारी संस्थाका अध्यक्ष विष्णु खनालको सभापतित्वमा सम्पन्न भएको थियो । यो एम्बुलेन्स नेपालका सवै स्थान र भारतको लखनउ सम्म र्लैजान सक्नेछन । संस्थाले फागुन मसान्त सम्म ३ लाख ८९ हजार मुनाफा गरेको बताइएको छ ।