लागु औषध सहित ४ जना पक्राउ

नेपालगन्ज, १० जेठ ः ठूलो परिणामको लागु औषध चरेस सहित ४ जनालाई सशस्त्र प्रहरीले पक्राउ गरेको छ ।
सशस्त्र प्रहरी बल त्रिपुरा गणबाट गएको गस्ती टोलीले सोमबार सांझ बनकटवा चौकबाट चरेस सहित ४ जनालाई पक्राउ गरेको हो ।
अबैध लागु औषध चरेस भारततर्फ लैजाने क्रममा विशेष सुराकीको आधारमा १३ किलो ७ सय ग्राम चरेस बरामद गरिएको सशस्त्र प्रहरी त्रिपुरा गणका गणपति गणेश बहादुर थापाले जानकारी दिनुभयो । सशस्त्र प्रहरीले कोहलपुर ८ पिपरी बांकेका विशाल चौधरी, सानोश्री ५ बर्दियाका शेर बहादुर बुढा , खैरचन्दनपुर ९ बर्दियाका विष्णु कुमार यादव र ढोढरी ३ बर्दियाका अर्जून विकलाई पक्राउ गरेको हो । सशस्त्र प्रहरीले सोमबार पत्रकार सम्मेलन गरी ४ जनालाई सार्वजनिक गरेको छ ।
प्रहरीले मोटरसाईकल मार्फत लैजाने क्रममा नियन्त्रणमा लिइएको हो । भे २ प ३१६९ नम्बरको मोटरसाईकल प्रहरीले नियन्त्रणमा लिएको छ । उनीहरुसंगबाट ४ थान मोबाईल नगद ९ हजार ७० रुपैयां , साईकल एक थान समेत नियन्त्रणमा लिएको छ ।
लागु औषध पहाडी जिल्लाबाट ल्याई भारतमा विक्रि गर्न लैजाने क्रममा प्रहरी टोलीले पक्राउ गरेको जनाएको छ । सशस्त्र प्रहरीले चारै जनालाई ईलाका प्रहरी कार्यालय कोहलपुरलाई बुझाएको छ ।
यस क्ष्ाेत्रमा आपराधिक क्रियाकलाप नियन्त्रण गर्ने क्रममा यस अघि सशस्त्र प्रहरीले तीन थान मोटरसाईकल पक्राउ गरी भन्सार कार्यालय नेपालगञ्जलाई बुझाएको थियो ।