आयोगले निष्पक्ष रुपमा काम गर्नुपर्ने ः गौतम

नेपालगंज, १३ जेठ ः बांके जिल्ला प्रमुख तारानाथ गौतमले राष्ट्रिय मानव अधिकार आयोगलाई निष्पक्ष रुपमा काम गर्न आग्रह गरेका छन् ।
आयोगको १० औं वाषिर्क उत्सवको अवसरमा आयोजित मध्यपश्चिम मानव अधिकारको अवस्था विषयक छलफल कार्यक्रममा बोल्दै प्रमुख गौतमले पशुको अधिकार खोज्ने यस समयमा मानवको अधिकार खोजी गर्नु दुखदपूर्ण रहेको बताए ।
कार्यक्रममा बोल्ने अधिकांश वक्ताहरुले आयोगभित्र सुद्धिकरणको आवश्यकता भएको कुरामा जोड दिएका थिए ।
आयोगका क्षेत्रिय निर्देशक मुरारी प्रसाद खरेलले मानव अधिकार उल्लघंनका घट्नालाई राजनैतिकरण र आपराधिकरण हुनबाट जोगाउन सके मात्र पनि मानवअधिकारको संरक्षण र सम्वर्द्धन गर्न सकिने विश्वास व्यक्त गरेका थिए ।
कार्यक्रममा राष्ट्रिय मानव आयोग क्षेत्रीय कार्यालय नेपालगञ्जबाट सिफारिश ३ सय २ मानवअधिकार उल्लघंनका घट्ना मध्ये ८ प्रतिशत मात्र सरकारले कार्यान्वयनमा ल्याएको तथ्य सर्वाजनिक गरिएको थियो । सिफारिश घट्ना मध्य ८ प्रतिशत पूर्णक कार्यानवयन, ३५ प्रतिशत आंशिक र ५७ प्रतिशत पुर्ण रुपमा वेवास्ता गरिएको आयोगद्धारा सार्वजनिक विवरणमा उल्लेख गरिएको छ । कार्यान्वयन गरिएका सिफरिशमा पनि पीडितले उचित न्याय पाउन नसक्नु र मानवअधिकारको संरक्षण र प्रतिवद्धताप्रति सरकार उदासिन देखिनुले दण्डहिनताले पश्रय पाइरहेको कुरा पनि सो विवरणपत्रमा उल्लेख गरिएको छ ।
२००५ सालदेखि हालसम्म गरिएका सिफारिश कार्यान्यवयन विवरणमा ३ सय ८२ मध्य २ सय १२ कार्यान्वयन नभएको, १ सय ३६ आंशिक कार्यान्वयन भएको र ३४ वटा मात्र कार्यान्वयनमा आएको तथ्य खुलाइएको छ ।
कार्यक्रममा इन्सेकका क्षेत्रीय संयोजक भोला महत, नेपाल बार एशोसिएसनका अध्यक्ष्ा सुनिल कुमार शर्मा, अधिवक्ता सुशिल लाखे, अधिवक्ता सुनिता शर्मा, हिमराइट्सका प्रकाश उपाध्याय, राससका क्षेत्रीय प्रमुख निरज गौतम, महिला संचारका अछरी पोख्रेल, राजनीतिक दलबाट पदम शाही, अशोक कोइराला, ओम प्रकाश केसी लगायतले आयोगको गतिवीधी र विवरणप्रति सल्लाह, सुझाव दिदै टिप्पणी गरेका थिए ।
शान्तिका अग्रदुत महामानव भगवान गौतम बुद्धको २५ सय ५४ औं जन्मजयन्न्ित आज धुमधामका साथ मनाईदैछ । यसै अवसरमा नेपालगन्जको न्युरोडमा रहेको बुद्ध मन्दिरमा आज बिहानैदेखि बिधि कार्यक्रम भैरहेका छन ।