एक्वा लहरको अनुगमन

नेपालगन्ज ८ जेठ ः उपभोक्ता मंच नेपाल बांकेले एक्वा लहर मिनरल वाटरको बोतल भित्र भेटीएको लेउ र अर्को एक बोतलमा भेटीएको चकलेटको प्रकृती हेर्दा नियतबस कसैले कम्पनीको बदनाम गर्न खोजेको जस्तो देखिएको वताएको छ ।
बांकेको गनापुरमा रहेको जेएच इन्डष्ट्रीज प्रालीले उत्पादन गरेको एक्वा लहर मिनरल वाटरमा केही दिन अघि लेउ भेटीएको थियो भने अहिले अर्को एक बोतलमा चकलेट भेटीएको छ । दुइवटै बोतल कोहलपुर चौराहा स्थित भट्टराइ कटेजमा पालैपालो भेटीएपछि अपभोक्ता मंच नेपाल बांकेका अध्यक्ष डा. नारायण सुवेदी शनिवार अनुगमन गर्न त्यहां पुगेका थिए ।
उनले त्यसक्रममा सो कम्पनीमा गइ पानी कसरी, कहांबाट प्याकिङ् गरेर निकालिन्छ भनि सबै अवलोकन गरेको वताए । मंचका अध्यक्षले डा. सुवेदीले पहिले बोतल भित्र लेउ भेटीनु र पछि फेरी चकलेट भेटीनुले कसैले कम्पनीको बदनाम गर्न खोजेको हुनसक्ने आशंका व्यक्त गरे ।
'कम्पनीमा सबै कुरा यसरी व्यवस्थित गरिएको छ, बोतल भित्र कसैले केही सजिलै छिराउन सक्ने स्थित छैन । तिन ठाउंमा चेकजांच भएपछि मात्र प्याकिङ् हुंदोरहेछ । -अध्यक्ष सुवेदीले भने - कम्पनीले आफ्नो बदनाम आफैं त पक्कै गर्न चाहन्न । एउटा कुरा के छ भने सबै मिनरल वाटरको बिर्कोको साइज एउटै भएकाले बाहिर जस्लेे पनि कुनै वस्तु छिराएर शिल गर्न सक्छ । बोतल भित्र लेउ, चकलेट भेटीनुले पनि कसैले जानाजान फट्याइ गरेको जस्तो देखिन्छ ।
उनले यस विषयमा अनुशन्धान भइरहेकाले अहिल्यै किटान गरेर केही भन्न नसकिने वताए । यस विषयमा जिल्ला प्रशासन कार्यालय बांकेले लेउ भेटीएको पानीको बोतल खाद्य प्रयोगशालामा पठाइ अनुशन्धान भइरहेको कानुन अधिकृत देव वहादुर भारतीले वताए ।
जेएच इन्डष्ट्रीज प्रालीका संचालक वसन्त लामिछानेले उपभोक्ताको स्वास्थ्य प्रति कम्पनी सधैं संवेदनशिल रहेको वताउंदै आफ्नो कम्पनीको बदनाम गर्नलाई गिरोह सकि्रए रहेको वताए । आफ्नो एक्वा लहर मिनरल वाटरको शिल गरेको बोतलको शिल फाली नराम्रा वस्तु बोतल भित्र राखेर पुनः शिल गरेर गिरोहले कम्पनीलाइ बदनाम गर्न खोजेकोले त्यसप्रति सचेत रहन उपक्ताहरुलाई आग्रह गरे ।