भन्सार छलेको मालसमान सुर्खेतमा पक्राउ

नेपालगन्ज, ८ जेठ ः भारतीय बजारबाट अवैध रुपमा नेपाल भित्र्याइएको लाखौं मूल्य पर्ने ठुलो परिमाणमा मालसमान प्रहरीले पक्राउ गरेको छ । नेपालगन्ज, कोहलपुर हुंदै भित्रीएको सो अवैध मालसमान सुर्खेत प्रहरीले पक्राउ गरेको हो । तस्करहरु र भन्सार कर्मचारीको मिलेमतोमा सो मालसमान त्यहां पुगेको श्रोतले वताएको छ । पक्राउ परेकामा युरिया मल, चिनि र रक्सी लागाएत अन्य मालस मान रहेको छ । सो समान शनिवार सुर्खेत प्रहरीले पक्राउ गरेको हो । छिन्चु बजारस्थित एक घरमा गोदाम गर्न लागेको अवस्थामा शंका लागेपछि प्रहरीले खानतलासी गरेको थियो । इलाका प्रहरी कार्यालय छिन्चुका प्रहरी निरीक्षक दिपक शाहले खानतलासी गर्दा ठुलो परिमाणमा मल, रक्सी र चिनी बरामद गरिएकोे जानकारी दिए ।
कोहलपुरबाट छिन्चु जांदै गरेको ९८५७ को नम्बर प्लेटको मिनि टूकबाट २१ बोरा मल, ७ बोरा चिनि छिन्चु बजारबाट बरामद गरिएको प्रहरी निरिक्षक शाहले जानकारी दिए । छिन्चु बजारमा गोदाम गरी राखेको थप ४ सय २२ बोरा मल र १ सय ३७ पेटी कन्टीसा थ्ा्री एक्स रम प्रहरीले पक्राउ गरेको छ । पक्राउ गरिएका सबै मालसमानहरुले मुचुल्का गराई सिल गरिएको जिल्ला प्रहरी कार्यालय सुर्खेतले जनाएको छ । अवैध समान लिएर आएको आशंका पक्राउ परेका तुलबहादुर विकलाई गाडी र बरामद गरिएको समान सहित आवश्यक छानवीनका लागि आन्तरिक राजस्व कार्यालय कोहलपुरमा पठाइएको प्रहरीले जनाएको छ । पक्राउ परेको सो अवैध समान नेपालगन्ज हुंदै सुर्खेत पुगेको वताइएको छ । समान वैध वा अवैध के हो भन्ने बारेमा आफुलाई थाहा नभएको हुनाले आवश्यक छानवीनका लागि आन्तरिक राजस्व कार्यालय कोहरपुलमा पठाइएको प्रहरी निरीक्षक शाहले बताए ।
भारतीय बजारबाट अवैध रुपमा मालसमान भित्रीदैं आएपनि राजश्वले कडाइका साथ चेकजांच गरिरहेको छैन । भन्सारका कर्मचारी नै तस्करसंग प्रत्यक्ष संलग्न भएर अवैध मालसमानलाई गन्तब्यसम्म पुर्‍याउनमा सहयोग गरिदिने हुनाले यो झनै मौलाउंदै गएको छ । नेपालगन्ज, गुलरिया नाकाबाट अहिले पनि अवैध रुपमा मालसमानहरु भित्रीने गरेको वताइएको छ । भन्सार श्रोतले भन्यो - जब तस्करसंग लेनदेनमा कुरा मिल्दैन तब मात्र तस्करीको समान पक्राउ हुन्छ । यसमा कार्यालय भित्रैका कर्मचारी मिलेका हुन्छन् ।