सह-क्याम्पस प्रमुख ढकाललाई धम्की

नेपालगन्ज ४ जेठ ः अज्ञात व्यक्तिले बांकेको खजुरा स्थित ज्ञानोदय बहुमुखी क्याम्पसका सह क्याम्पस प्रमुख विष्णु ढकाललाई ज्यान मार्ने धम्की दिएका छन् ।
ढकालका अनुसार, गत आइतबार राती १० बजेतिर टेलीफोन मार्फत सो धम्की आएको हो ।
सह क्याम्पस प्रमुख ढकालले मोबाइल नम्बर ९८४५०८५१४४ बाट अज्ञात व्यक्तिले फोन गरी अपहरण गर्ने र ज्यान मार्ने धम्की दिएको वताए । उनले सो व्यक्तिले पहिले घरमा बुवालाई फोन गरी तेरो छोरालाई सुरक्षामा राख होइन भने अपहरण गरी केही दिनमै ठिक बनाइदिन्छु भनेको वताए ।
त्यसपछि केही छिनमै सोही मोबाइल नम्बरबाट फोन गरी आफुलाई धम्क्याएको सह क्याम्पस प्रमुख ढकालले वाताए । बर्दिया जमुनी-२ निवासी ढकालले बांकेका अन्य उच्च माविहरुमा पनि पढाउंदै आएका छन् । उनले यस प्रति सुरक्षा निकाय गम्भिर हुनु पर्ने वताए ।