पत्रकार बोहराको अवस्था अज्ञात

दाङ, १७ असार ः अपहरणमा परेका प्युठानका पत्रकार केशव बोहराको अवस्था अझै अज्ञात छ । प्युठानको बाग्दुलाबाट बडडांडातर्फ जांदै गरेका पत्रकार बोहोरा बुधबार दिउंसो ३ बजे अपहरणमा परेका थिए । वोहरा रेडियो माण्डवी प्यूठानका उपाध्यक्ष समेत हुन् ।
अपहरणकारीले बुधबार दिउंसोे ३ बजे बोहोराकै मोबाइलबाट पत्रकार महासंघ प्यूठानका सचिव दिपक भण्डारीलाई फोन गरि अपहरण गरेको वताएका थिए । महासंघका सचिव भण्डारीसंग फोनमा कुरा गर्दैगर्दा पत्रकार बोहोराको रोएको आवाज आएको भण्डारीले बताए । अपहरण लगतैदेखि उनको फोन सुइचअप गरीएको छ ।
उनको खोजीमा बुधबार बेलुका हिडेको प्रहरी र स्थानीय पत्रकारको टोलीले विहीबार बिहानसम्म पत्ता लगाउन सकेको छैन । बोहोराले रेडियोमा स्वर्गद्घारी आश्रमको जग्गा माओबादीले अझै फिर्ता गरेका छैनन् भन्ने समाचार प्रसारण पछि आफुलाई नो नम्बरबाट मार्ने धम्की आउने गरेको बताउदै आएका थिए । उनलाई कसले र किन अपहरण गरीयो अहिलेसम्म खुल्न सकेको छ्रैन ।
प्यूठानका प्रमुख जिल्ला अधिकारी नन्दीकेशर त्रीपाठीले तिरामको जंगल आसपासका क्षेत्रमा प्रहरीहरुले व्यापक शर्च अभियान सञ्चालन गरेको र अझै अवस्था अज्ञात रहेको बताए । प्यूठानका सम्पूर्ण पत्रकारहरु समेत खोजी अभियानमा छन् । यसैविच नेपाल पत्रकार महासंघ, प्रेस युनियन, प्रेस चौतारी, क्रान्तिकारी पत्रकार संघ, विकास पत्रकार समूह लगाएतका सञ्चारसंग सम्वन्धीत विभिन्न संघ संस्थ्ााले पत्रकार वोहोराको सिघ्र शकुशल रिहाइका लागि अपिल गरेका छन् ।

बांकेमा १ हजार साना उद्योग धराशायी

नेपालगन्ज, १७ असार ः शान्ति सुरक्षाको विग्रदो अवस्था, चन्दा आतंक, चक्काजाम र श्रम विवादका कारण बांके जिल्लाका एक हजार बढी साना तथा घरेलु उद्योग धराशायी भएका छन् ।
हालसम्म बांकेमा दर्ता भएका १५६० साना तथा घरेलु उद्योग मध्ये करिब एक हजार साना उद्योगहरुले उपरोक्त कारणहरुले गर्दा आफुलाई स्थापित गर्न नसकि धराशायी भएको घरेलु तथा साना उद्योग कार्यालय बांकेको तथ्यांकले देखाएको छ ।
विहिबार नेपालगन्जमा घरेलु तथा साना उद्योग कार्यालयद्धारा आयोजना गरिएको साना उद्योग सम्बन्धि एक दिने अन्तरक्रिया कार्यक्रमा घरेलु तथा साना उद्योग कार्यालय बांकेका प्रमुख उद्योग अधिकृत दण्डपाणी भूसालले प्रस्तु गरेको कार्यपत्रमा बांकेमा घरेलु तथा साना उद्योगहरु ठुलो संख्यामा दर्ता भएपनि ती उद्योगहरु फस्टाउने वातावरण बन्न नसकेका कारण ती मध्य एक हजार जति उद्योगहरुले यस बर्ष नविकरण नगराएको उल्लेख गरिएको छ ।
उत्पादित बस्तुको बजार अभाव, सीमापारीबाट हुने कच्चा पदार्थको चोरी पैठारी, सरकारी सहयोग र अनुदान पाउन नसक्नु तथा बिभिन्न भूमिगत संगठनका चन्दा आतंक र बन्द हडतालका कारण साना उद्योग धराशायी भएको जानकारी स्थानीय उद्यमीहरुले दिएको पनि प्रमुख उद्योग अधिकृत भूसालले जनाए ।
आर्थिक बर्ष ०६४ । ६५ मा १४२२ उद्योग संचालनमा रहेको घरेलु तथा साना उद्योग कार्यालयको तथ्यांकले देखाएको छ भने गत आवमा ती मध्ये ३५८ वटा उद्योगले मात्र नविकरण गराएका छन् । यसरी १ हजार ६४ वटा उद्योगले नविकरण नगराएको देखिएको छ ।
एकातिर दर्ता रहेका १०६४ वटा उद्योगले जिर्ण भै बन्द हुंदा नविकरणनै गराएका छैनन् भने अर्कोतिर ३५८ वटा नयां उद्योग पनि दर्ता भएको घरेलु तथा साना उद्योग कार्यालय बांकेले जनाएको छ ।
माओवादीको जनयुद्ध शुरु भएदेखिनै नेपालगन्जका अधिकांश साना उद्योग द्धन्द, चन्दा आतंक र बन्द हडतालको चपेटामा परेका कारण बन्द भएको घरेलु तथा साना उद्योग महासंघ बांकेका अध्यक्ष जिवनाथ सापकोटाले बताए ।
उनले द्धन्दको बेला बन्द र धराशायी भएका उद्योगहरुलाई सरकारले विशेष प्राथमिकतामा राखेर सहयोग गरि फस्टाउने वातावरण नबनाएको कारण नै धमाधम सबै उद्योग बन्द हुंदै गएको बताए ।
साना तथा घरेलु उद्योगलाई कर, विघुत तथा कच्चा पदार्थको आयातमा बिशेष छुट नदिएसम्म ती उद्योग फस्टाउन नसक्ने दावी गर्दै त्यसो नगरिए एकदिन बांकेका सबै साना उद्योग बन्द हुने र जिल्ला साना तथा घरेलु उद्योगविहीन बन्ने निश्चित भएको घरेलु तथा साना उद्योग महासंघका केन्दि्रय सदस्य ओम प्रताप राणाले बताए ।
अदूरदर्शी सरकारी निती तथा सीमापारीबाट सामाग्री आयातमा कडाइ नगरिएकै कारण जिल्लाका सबै साना उद्योग धराशायी बनेको लघु उद्यमी समूह संघका अध्यक्ष कृष्णा कुमारी थापाले बताइन् ।
यसअघि सो कार्यक्रमको उद्घाटन बांकेका प्रमुख जिल्ला अधिकारी बासुदेव दाहालले गरेका थिए । कार्यक्रममा घरेलु कार्यालयका प्रमुख भुसाल र घरेलु तथा साना उद्योग महासंघ बांकेका सचिव खेम कुमारी न्यौपानेले कार्यपत्र प्रस्तुत गरेका थिए ।
कार्यपत्रमाथि जिल्ला प्रशासन कार्यालय बांकेका प्रशासकीय अधिकृत मोहन जीसी र महासंघका केन्दि्रय सदस्य ओमप्रताप राणाले टिप्पणी गरेका थिए ।

कोहलपुर टेलिभिजनमा तालाबन्दी

नेपालगन्ज, १६ असार ः नेपाल टेलिभिजनको क्षेत्रिय प्रशारण केन्द्र सार्ने निर्णयको विरोधमा प्रेस क्लब अफ कोहलपुरको अगुवाईमा बुधबार प्रशारण केन्द्रमा अनिश्चितकालिन तालाबन्दी गरिएको छ ।
कोहलपुरस्थित प्रशारण केन्द्र संचालनमा ल्याइनुको साटो कार्यालय नै सारिन थालिएपछि सञ्चालनको माग गर्दै चौतर्फी दवाव दिनका लागि चरणबद्ध आन्दोलन शुरु गरिएको बताइएको छ ।
चरणबद्ध आन्दोलन अन्तर्गत १९ गतेदेखी अनिश्चितकालीन अनशन वस्ने र २२ गते केन्द्रका सम्पुर्ण उपकरण सहित भवन कब्जा गर्ने लगायतका आन्दोलनका कार्यक्रम अघि सारिएको क्लवका अध्यक्ष जयसिंह केसीले जानकारी दिए ।
आफुहरुको आन्दोलनमा कोहलपुर उद्योग व्यापार संघ लगाएतका निकाय र संगठनको साथ रहेको क्लवले जनाएको छ । सशस्त्र द्धन्द्धको समयमा ०६१ साल फागुन १३ गते प्रशारण केन्द्रमा आगजनी गरिनुका साथै लुटपाट गरि क्षति पुर्‍याएपछि टेलिभिजनको प्रशारण सेवा बन्द रहकोेमा केही महिना पहिले मात्र कार्यालय संचालन गरिएको थियो ।

माधव नेपालद्धारा राजीनामा

नेपालगन्ज, १६ असार ः प्रधानमन्त्री माधवकुमार नेपालले अन्ततः बुधबार राजिनामा दिएका छन् । उनले देशवासीका नाममा बुधवार बेलुकी गरेको सम्बोधन मार्फत राजिनामाको घोषणा गरेका थिए ।
सम्बोधन लगत्तै सांझ राष्ट्रपति रामवरण यादवसमक्ष उनले राजीनामा बुझाएका थिए ।
राष्ट्रपति कार्यालय शितल निवासमा आफ्ना केही सहयोगीसहित पुगेर प्रधानमन्त्री नेपालले राजीनामा बुझाएका थिए । राजीनामा बुझाएपछि राष्ट्रपति प्रधानमन्त्रीबीच केहीबेर कुराकानी भएको थियो ।
लामो समयदेखि नेपालको राजिनामा मागिदै आएकोमा सरकार गठन गरेको १३ महिनापछि उनले राजीनामाको घोषणा गरेका थिए ।
प्रधानमन्त्री माधवकुमार नेपालले स्पष्ट बहुमत हुंदा हुंदै पनि शान्ति स्थापना र संविधान निर्माणका लागि वातावरण बनाउन राजीनामा दिएको बताएका छन् । पटक पटक सहमतिका लागि प्रयास गरेपनि सहमति हुन नसक्दा राजिनामा दिएको उनले बताए । राजिनामा दिएपनि शान्ति प्रक्रियामा आफ्नो योगदान कायमै रहने पनि उनले बताए । माओवादीले देशलाई अन्योलपूर्ण स्थितिमा पुर्‍याएको बताउंदै सत्ता कब्जाको भ्रम फैलाएको तथा अरु राजनीतिक दलको अस्तित्व स्वीकार नगर्ने प्रवृत्ति देखाएको बताए ।
५ महिनासम्म सदन चल्न नदिएर तथा बन्द, हडताल जारी राखेर माओवादीले निरन्तर असहयोग गरेको आरोप पनि उनले लगाए ।
प्रधानमन्त्रीको राजिनामापछि अब मुलुकले निकास पाउने अपेक्षा गरिएको छ । संसदको सबैभन्दा ठूलो दल एमाओवादीले राजिनामापछि मात्र निकासका लागि पहल गरिने बताउदै आएको थियो ।
माओवादीले राजिनामालाई सकारात्मक बताएको छ ।

पञ्चेबाजा बजाउदै धान रोपाई

कालिका -बर्दिया), १५ असार ः मानवअधिकारको वकालतमै व्यस्त रहनुहुने इन्सेकका अध्यक्ष सुवोधराज प्याकुरेल मंगलवार रौपेरेहरु मांझ धान रोप्नमै तल्लील भए ।
मानवअधिकारकै कामले फुर्सद नहुने प्याकुरेल मंगलबार भने अनौपचारिक पोशाकमा हातमा धानको व्याड लिएर छुपुछुप धान रोप्न कस्सिीए ।
असार १५ अर्थात् राष्ट्रिय धान दिवसको अवसरमा वर्दीयाको कालिकास्थित टेसनपुरमा आयोजित सामुहिक धान रोपाइ कार्यक्रममा उनी मात्र होइन विवीध क्षेत्रका व्यक्तिहरुले पञ्चेवाजाको धुनसंगै रमाएर हिलोमा धान रोपेे ।
ईन्सेकको अगुवाइमा मुक्त कमैया समाज, कृषी मजदुर संघ, कमासु दिगो विकास समाज, राष्ट्रिय भुमि अधिकार मंच, राष्ट्रिय दलित नेटवर्क, मानव अधिकार तथा वातावरण सरोकार केन्द्रद्धारा संयुक्त रुपमा आयोजित कार्यक्रममा धान रोपाइ मात्र गरिएन भूमि अधिकार र मुक्त कमैयाका सवाल वारे पनि धक फुकाएर बोलियो । कार्यक्रमका विशेष आकर्षण इन्सेक अध्यक्ष प्याकुरेलले धान रोप्न हिलोमा जानु अघि भाषणका क्रममा भनेे-'भूमिहिन समस्या स्वंयले नभइ राज्यले सृजना गरेकोले समाधान पनि राज्यले नै खोज्नुपर्छ ।'
स्थाइ रुपमा बस्न पाएका र लालपुर्जा नभएकाहरुलाई नागरिकता लगायतका समस्याबाट वञ्चित हुनुपरिरहेको उहांको गुनासो थियो । मुक्त कमैया समाजकी केन्द्रय सदस्य कृष्णा चौधरीले कमैया पुर्नस्र्थापनामा ध्यान नदिइरहेको सरकारले पुर्नस्थापीतहरुलाई समेत विस्थापीत गरिरहेको आरोप लगाए । बर्दियाका प्रमुख जिल्ल्ाा अधिकारी वेनीमणी माधव ज्ञवालीले भूमिहिन र मुक्त कमैयाका सवाललाई सुल्झाउन आफु क्रियाशिल रहेको भन्न चुकेनन् । ईन्सेकका संयोजक भोला महतले किसानका समस्याहरुलाई उजागर गर्ने तथा समस्या समाधानका लागी राज्यलाई सचेत गराउने पहल स्वरुप कार्यक्रम गरिएको जानकारी दिए । भूमिहिन र मुक्त कमैया सम्वन्धी विवीध नाराहरु लेखिएका व्यानरहरु सुसुुुज्जीत कार्यक्रमस्थलमा प्रहरी, माननवअधिकारर्मी, नागरिक समाजका अगुवा, सञ्चारकर्मी र कृषकहरुले सामुहिक रुपमा धान रोपे, दही च्यूरा खाए, गांए नाचे अनि रमांए ।
असार १५ लागिसक्दा पनि पर्याप्त पानी नपर्दा बांके, बर्दिया लगायतको क्षेत्रमा किसानहरुले अझैं धान रोप्न सकेका छैनन् ।

घर पालुवा र स्टीकर टांस नभएको रक्सी नष्ट

नेपालगन्ज, १४ असार ः आन्तरिक राजस्व कार्यालय नेपालगन्जले सामेबार घर पालुवा रक्सी र स्टीकर टांस नभएका रक्सीहरु नष्ट गरेको छ ।
सोमबार आन्तरिक राजस्व कार्यालयको अनुगमन तथा निरिक्षण समितिको बैठकले समातिएका ति रक्सीहरु नष्ट गर्ने निणर्य गरेपछि सो मदिरा नष्ट गरिएको हो ।
गत जेठ १४, १७ र असार ३ गते अनुगमन पछि कार्यालयले नेपालगन्जका विभिन्न स्थानमा छापा मारी समातेको ७० लिटर घर पालुवा रक्सी र ३१ क्वाटर स्टीकर टांस नभएको रक्सी नष्ट गरेको हो ।
त्यसैगरी मदिरा विक्री वितरण गर्ने इजाजत पत्र नलिई मदिरा विक्री वितरण गरेको भन्दै कार्यालयले समातेको ८४ थान वियर लिलाम गर्ने निर्णय पनि गरेको छ ।
ती विभिन्न ब्राण्डका वियरहरु खरिद मूल्य भन्दा न्यूनतम शुल्कमा लिलाम गर्ने सो बैठकले निर्णय गरेको छ । कार्यालयले विभिन्न समयमा अवैध मदिरा बिक्रि वितरण रोक्न नियमित रुपमा अनुगमन गर्दै आएको छ ।
बैठकमा आन्तरिक राजस्व कार्यालयका कर अधिकृत शिव कुमार कटुवाल, सहायक प्रमुख जिल्ला अधिकारी रेशम बहादुर पाण्डे, नेपालगंज उद्योग वाणिज्य संघका अध्यक्ष्ा सुनिल कुमार श्रेष्ठ, जिल्ला प्रहरी कार्यालयका प्रहरी निरिक्षक शशिधर अधिकारी, कोष तथा लेखा नियान्त्रण कार्यालयका सुदन प्रसाद श्रेष्ठ, होटल अर्गनाइजेसनका प्रेमलाल सापकोटालगायतको उपस्थिती रहेको थियो ।

आफ्ना नेता नहुंदा राहत पनि पाइएन

सुर्खेत, १४ असार ः आफ्नो पक्षमा बोलिदिने कुनै नेता कार्यकर्ता नभएको, फरक राजनीतिक आस्था भएका कारण सुर्खेतमा सशस्त्र द्वन्द्वबाट प्रभावित परिवारहरु अझै राहतबाट बञ्चित भएको पाइएको छ । करिव दुई महिनाको अवधिमा सशस्त्र द्वन्द्वबाट प्रभावितहरुको तथ्यांक लिने क्रममा इन्सेक सुर्खेतले सो कुराको खुलासा गरेको हो ।
सोमवार सुर्खेतमा द्वन्द्वपीडितहरुको पाश्र्वचित्र पूर्व समीक्षा कार्यक्रमको आयोजना गरी इन्सेक सुर्खेतका प्रतिनिधि दुर्गा थापाले आफ्ना नेताहरु नहुंदा करिव एक दर्जन पीडितहरुले राहत पाउन नसकेको बताए । उनले जिल्लाका ४८ वटा गाविसहरुबाट सो तथ्यांक लिएका थिए ।
सशस्त्र द्वन्द्वमा राज्य तथा तत्कालीन विद्रोही पक्षबाट के कतिको मृत्यु भयो, कुन हालतमा छन्, घाइतेको अवस्था कस्तो छ र राहतका वारेमा तथ्यांक लिन गत भदौ र असोज महिनामा गाविस दौडाहा गरेको जानकारी दिदैं सो क्रममा दल निकट नहुंदा, आफ्ना नेता नहुंदा राहत पाउन नसकेका परिवारहरु पत्ता लागेको थापाले बताए ।
तर दलहरुले भने छिटफुट रुपमा कोही राहतबाट छुटेपनि धेरैले पाएको जनाएका छन् । नेकपा एमाले सुर्खेतका अध्यक्ष नवराज रावतले नेता कार्यकर्ताको पहुंच पुगेकाले छिटै राहत पाउने तर पहुंच नभएकाले ढिलो पाउने गरेको पाइएको बताउछन् । एउटै घटनामा परेका केहीले पाउने र कोहीले नपाउने गरेको पाइएपनि प्रक्रियाबाट अघि बढाउंदा केही ढिलो हुनसक्ने उनको भनाइ छ ।
स्थानीय शान्ति समितिमा द्वन्द्वपीडितहरुको करिव दुई हजार ५०० निवेदन परेका छन् । छानविन गर्ने क्रममा केही ढिलो भएपनि बास्तविक पीडितहरुलाई भने राहतको सिफारिस गरिएको समितिले जनाएको छ । अहिलेसम्म करिव दुई सय ५० जना भन्दा बढीले सरकारबाट पाउने एक लाख राहत पाइसकेको जिल्ला प्रशासन कार्यालयले जनाएको छ ।
सुर्खेतमा जिल्लामा २०५२ देखि २०६३ सम्मको सशस्त्र द्वन्द्वका क्रममा दुई सय ८६ जनाको हत्या भएको तथ्यांक सार्वजनिक गरिएको छ । राज्यपक्षबाट एक सय ६३, विद्रोही पक्षबाट एक सय १६ र दोहोरी भिडन्त तथा बम विष्फोटमा परी सात जनाको मृत्यु भएको इन्सेक सुर्खेतले जनाएको छ ।
त्यस्तै राज्यपक्षबाट ११ र विद्रोही पक्षबाट तीन जना बेपत्ता भएको, अंगभंगमा राज्य पक्षबाट ८७ जना र विद्रोही पक्षबाट ७५ जना भएको पनि जनाइएको छ । यसैगरी दुई सय ६१ जना माओवादी जनसेना र चार सय ६२ जना सर्वसाधारण घाइते भएको इन्सेकको तथ्यांकमा छ ।
माओवादी जनसेनाको घाइतेहरुको संख्यामा सुर्खेतस्थित माओवादी जनसेनाको छैठौं डिभिजनले असुन्तष्टी जनाउंदै घाइतेको संख्या अझ थप हुने जनाएको छ । डिभिजनका पूर्ण झरना स्मृति विग्रेडका कमाण्डर सौगात आरसीले इन्सकेको तथ्यांकमा दुई सय ६१ जना मात्रै घाइते भएको तथ्यांकप्रति असहमति जनाउंदै संख्या धेरै भएको बताए ।
सुर्खेतमा रहेको माओवादी जनसेनाको तीन सहायक र एक शिविरमा गम्भीर घाइते जनसेनाको संख्या मात्रै ७०० भन्दा बढी रहेको जानकारी उनले दिए । केही बाहेक लगभग सवै जनसेना घाइते भएको दावी गर्दै उनले इन्सेकको तथ्यांकलाई पुनः परीक्षण गरेर एकीन संख्या तोकिने विग्रेड कमाण्डर आरसीले बताए ।
दलका नेताहरुले भने इन्सेकको तथ्यांकप्रति सहमति रहेको बताए । एमाले सुर्खेतका अध्यक्ष नवराज रावत, कांग्रेसका डण्ड ढकाल, राप्रपा नेपालका अमृत रानालगायतले प्रस्तुत तथ्यांकप्रति सहमति रहेका जनाएका छन ।

आदिवासी र गैह्र आदिवासी जनजाति मिलेर जानु पर्नेमा जोड

नेपालगन्ज, १४ असार ः अन्तराष्ट्रिय श्रम संगठन-आइएलओ) महासन्धी नं. १६९ लाई कार्यान्वयन गराउन आदिवासी जनजातिहरुले गैह्र आदिवासी जनजातिहरुसंग मिलेर जानु पर्ने सोमबार आयोजित एक कार्यक्रमका सहभागीहरुले जोड दिएका छन् ।
आदिवासी जनजाति अगुवाहरुसंग आइएलओको विषयमा भएको परामर्श बैठकमा सहभागीहरुले गैह्र आदिवासी जनजातिहरुलाई पाखा लगाएर कुनै पनि हालतमा ति अधिकारहरु प्राप्त नहुने भन्दै सहकार्यको विकल्प नरहेको बताएका थिए ।
आइएलओमा दिइएको अधिकारहरु कार्यान्वयन भए नभएको सम्बन्धमा आदिवासी जनजाति महासंघले अनुगमनको महत्वपूर्ण भूमिका खेल्नु पर्ने सहभागीहरुको जोड थियो । महासन्धी नं. १६९ मा दिएको अधिकारलाई कार्यान्वयन गराउन सरकारले संविधानमा नै महासन्धी नं. १६९ लाई सुनिश्चित गर्नु पर्नेमा सहभागीहरु एकमत भएका थिए ।
बैठकमा बोल्दै आइएलओ कार्यालयका कार्यक्रम अधिकृत शैलेन्द्र कुमार झाले महासन्धी नं. १६९ लाई सबैले आ-आफ्नो तरिकाले बुझेको हुंदा समस्या सिर्जना भएको भन्दै महासन्धीले दिएको अधिकारलाई सकारात्मक रुपमा बुझ्न आवश्यक रहेको बताए ।
अधिकृत झाले सरकारी कार्यालयहरुले आदिवासी जनजातिहरुलेे पाउनु पर्ने सुविधा दिएको छ वा छैन भन्ने सम्बन्धमा आदिवासी जनजातिहरु चनाखो भई निरन्तर रुपमा लाग्नुपर्नेमा जोड दिएका थिए ।
नेपाल आदिवासी जनजाति महासंघ जिल्ला समन्वय परिषद बांकेको आयोजनामा भएको कार्यक्रममा आइएलओ महासन्धी नं. १६९ लाई आगामि दिनमा कार्यान्वयन गराउन जनचेतना मुलक कार्यक्रम गर्नुपर्ने, स्थानीय सरकारी संरचनामा समावेशीकरण गर्नुपर्ने, स्थानीय श्रोत साधनमा आदिवासी जनजातिहरुको पहुंच बढाउनु पर्ने, सरकारी तथा गैह्र सरकारी संघ संस्थामा आइएलओ सम्बन्धमा जानकारी गराउनुपर्ने लगायतमा सम्बन्धीत निकायले पहल गर्नु पर्नेमा जोड दिइएको थियो ।
छलफल कार्यक्रममा आइएलओ काठमाण्डौंका सिनियर कनसलटेन रिकार्डो, लाहुर्निपका रामदास चौधरी, महासंघका अध्यक्ष डम्मर थापा, उमा थापा, मंगल सिंह थारु, महिला महासंघका अध्यक्ष माया पुन, मन बहादुर गुरुङ, अविनाश चौधरी, कृष्ण चौधरी, धनसिंह राना, रणप्रसाद रानालगायतले बोलेका थिए ।

बांकेमा खेत बांझै, बर्दियामा आंशिक

नेपालगन्ज, १४ असार ः आज असार १५ अर्थात धान दिवस वा धान रोप्ने दिन । तर, बांके जिल्लाका खेतीयोग्य जमिनहरु अझैसम्म पनि बांझै छन् । बषर्ा नहुंदा ति जमिनहरुमा असार लागि सक्दा रोपाईको काम शुरु हुन सकेको छैन ।
बर्दियामा भने बबई सिंचाइका कारण केही ठाउंमा मात्र रोपाइ भएको छ । त्यहां पनि अधिकांश खेतीयोग्य जमिन बांझै छ ।
कृषकको हलोले धान रोप्न खेत गोड्ने कामलाई अगाडि बढाउन सकेको छैन । यस वर्षको मनसुन ढिला भएको कारण र आकाशे पानीको भरमा बांके जिल्लाका अधिकांश कृषकहरु निर्भर हुनु पर्ने बाध्यताका कारण पनि रोपाईको काम शुरु हुन नसकेको हो ।
कुल २ लाख २५ हजार ८ सय ३६ हेक्टर क्षेत्रफल रहेको बांके जिल्लामा खेतीयोग्य जमिन ५७ हजार २ सय ५२ हेक्टर क्षेत्रफल मात्र रहेको छ । त्यो कुल क्षेत्रफलको जम्मा १३ प्रतिशत मात्र हो । खेती योग्य जमिनमा पनि खेती गरिएको जमिन ५२ हजार ८ सय ३८ हेक्टर क्ष्ाेत्रफल रहेको बांके जिल्ला कृषि विकास कार्यालयको तथ्याङ्कमा उल्लेख छ । यसरी बांके जिल्लाको कुल खेती योग्य जमिन मध्ये सिंचाई सुविधा जम्मा ११ हजार ६ सय २२ हेक्टर क्ष्ाेत्रफलमा मात्र पुगेको छ । ४१ हजार २ सय १६ हेक्टर क्षेत्रफल जमिन अझै पनि असिंचित छ । बांके जिल्ला कृषि विकास कार्यालयका योजना अधिकृत यादव पद्ययोतीका अनुसार ९० प्रतिशत कृषकहरु सिंचाई सुविधाबाट वञ्चित भएको हुंदा रोपाईको काम शुरु नभएको हो । जिल्ला कृषि विकास कार्यालयको गत वर्षको तथ्याङ्क अनुसार जम्मा ३६ हजार ५ सय हेक्टर क्षेत्रफलमा धान लगाउने गरिन्छ । उक्त जमिनमा जम्मा ३.६ प्रतिशतले धान उत्पादन हुने गरेको छ ।
रोपाईको काम शुरु नहुंदा दिनहुं कृषि विकास कार्यालयमा गुनासो गर्ने कृषकहरु आउने गरेको अधिकृत पद्ययोती बताउंछन् । तर पनि अधिकृत भन्छन् -' रोपाईको काम मनसुनको कारणले ढिलाई भएको मात्र हो । यसमा आत्तिनुनै पर्ने कारण छैन । किन भने अझै पनि मनसुन राम्रो भयो भने रोपाई गर्ने समयलाई सामान्य अवस्थामा भएको मान्न सकिन्छ ।'
अधिकृत पद्ययोती पहिलाको जस्तो अहिले समस्या नभएको बताउंछन् । पहिला भन्दा अहिले धानका जातहरुको प्रकार धेरै भएको कारण कृषकहरुले समयमा पानी नपर्दा रोपाई ढिला भयो भने धान कम उब्जेला भनेर आत्तिनु नपर्ने उहांको भनाई छ ।
अहिले तिन प्रकारको धान अगौटे, सामान्य र पछौटे धानका प्रकारहरु बजारमा उपलब्ध भएको हुंदा समयमा पानी नपरेपनि समस्या नपर्ने अधिकृत पद्ययोती बताउंछन् ।

कोहलपुरमा ब्लड बैंक र रेडक्रसको भवन निर्माण शुरु

नेपालगन्ज, १३ असार ः नेपाल रेडक्रस सोसाइटी उपशाखा कार्यालय कोहलपुरले ब्लड बैंक सहित कोहलपुरमा आफ्नो भवन निर्माण कार्य शुरु गरेको छ ।
एक करोड चौंसट्ठी लाखको लागतमा निर्माण गरिने सो भवन निर्माणको लागी नगरबिकास समिति कोहलपुरले २ कट्ठा जग्गा उपलब्ध गराएको छ ।
भवन निर्माणका लागि हालसम्म ५ लाख भन्दा बढि सहयोग रकम जम्मा भईसकेको जानकारी भवन निर्माण समितिका संयोजक एवम उपशाखा कोहलपुरका सचिव नारायण प्रसाद गौंडेलले दिनुभयो ।
उहांले भवन निर्माणको लागि सहयोग गरिदिन रेडक्रसले सबैमा आग्रह गरेको जनाउदै सहयोग प्राप्त भैरहेको पनि बताए ।
विभिन्न मानविय सेवा गर्दै आएको रेडक्रस उपशाखा कोहलपुरले हाल भाडामा कार्यालय स्थापना गरेर रेडक्रस एम्बुलेन्स र ब्लड बैंक सञ्चालन गरिरहेको छ ।
भवन निर्माणको कार्य भर्खरै शुरु भएकोले सहयोग पनि पर्याप्त मात्रामा पाउने आशा रहेको नेपाल रेडक्रस उपशाखा कोहलपुरका अध्यक्ष लेख बहादुर क्षेत्रिले बताए ।
तिन चरणमा सम्पन्न हुने सो भवनको पहिलो चरणको निर्माण कार्य शुरु भैसकेको जनाउंदै उहांले भवन निर्माणपछि भाडामा बस्दै आएको उपशाखा कोहलपुर आफ्नै भवनमा सर्ने जनाए ।

रुख काटिएको ठाउंमा संसदीय टोली जांदै

नेपालगन्ज १३ असार ः वनमा जथाभावि रुख काटीएको भन्दै अनुगमनका लागि आएको संसदीय टोलीले आइतवार नेपालगन्जमा सरोकारवालाहरुसंग अन्तरकि्रया गरेको छ । राम कुमार शर्माको संयोजकत्वमा आएको संसदीय टोलीमा पट्टु थारु, मोहम्मद इस्तेयाक राई, शाखा अधिकृत झलक शर्मा सापकोटा, नासु चित्र वहादुर केसी रहेका छन् ।
टोलीले यस वर्ष बांके जिल्लामा भएको रुख कटानका विषयमा जिल्ला वन कार्यालय, राजनितिक दल, सञ्चारकर्मी, सामुदायीक वन उपभोक्ता महासंघ सबैसंग जानकारी लिएको थियो । सोही अवसरका जानकारी दिंदै बांकेका जिल्ला वन अधिकृत श्याम प्रसाद शर्माले वनको उचित संरक्षण हुन नसकेको वताउंदै यहि अवस्था रहिरहे आगामी १० वर्षमा नेपालको वन सखाप हुने वताए ।
उनले सरकारले हरिया रुख काटन केही वर्षका लागि वन्द गर्नु पर्ने वताए । वन कार्यालयमा गस्तीका लागि गाडीको अभाव, कर्मचारीको कमी, हतियार, वन रक्षकको अभाव आदीले गर्दा वन संरक्षणमा वाधा पुगेको वताए । उनले नेपालको सामुदायीक वन एशियामै राम्रो भने पनि भारतमा सामुदायीक नभएर पनि यहांको भन्दा त्यहांको वन राम्रो भएको वताए । अन्तरकि्रयामा राजनितिक दलका प्रतिनिधिहरुले भ्रष्टहरुले वन सिध्याउन लागेकोमा चिन्त व्यक्त गर्दै जथाभावि रुख काटने कार्य तत्काल रोक्नका लागि संसदिय टोलीलाइ अनुरोध गरेका थिए ।
अनुगमनका लागि आएको संसदिय टोलीले आज बांकेका विभिन्न ठाउंमा स्थलगत गइ रुख कटानको अवस्था वारे अनुगमन गर्ने संसदिय टोलीका सदस्य एवं बांके क्षेत्र न. १ का सांसद पट्टु थारुले जानकारी दिए । संसदिय टोलीका संयोजक राम कुमार शर्माले बांकेको राप्ती पारी बैजापर, कुसुम, शमशेरगन्ज लगाएतका ठाउंमा अनुगमन गरीने जानकारी दिए । टोली मंगलबार काठमाण्डौं र्फकने छ ।

बर्दियामा असार पन्ध्र भव्य मनाईने

नेपालगन्ज, १३ असार ः हरेक वर्ष आउने असार पन्ध्र पर्व अर्थात धान दिवसलाई यस पटक भने यहांका मुक्त कमैया लगायतले नौलो तरिकाबाट मनाउन लागेका छन् ।
असार १५ लाई बर्दियाको कालिका स्थित टेसनपुरमा भव्य रुपमा मनाउन लागेको आईतबार नेपालगन्जमा आयोजित छलफल कार्यक्रममा बताइएको छ ।
नेपाल कृषि प्रधान मुलुक भएपनि यो पर्व ओझेलमा परेको भन्दै यसलाई दिवसका रुपमा मनाउन लागेको आयोजकले जनाएको छ । देशको कुल जनसंख्या मध्ये ८० प्रतिशत कृषिमा आधारित भएकोले यो पर्वले विशेष महत्व राख्ने बताइएको छ । पछिल्लो समयमा यो पर्व ओझेलमा परेकोले यस पर्वलाई विशेष महत्वका साथ मनाउन लागेको इन्सेक क्षेत्रीय कार्यालयका संयोजक भोला महतले बताए । संयोजक महतले अन्य विषयवस्तुले अहिलेको समयमा निकै चर्चा पाएपनि यो पर्व विस्तारै ओझेलमा पर्दै गएको बताउंदै ग्रामीण स्तरमा पुगी परम्परागत र सांस्कृतिक रुपमा यसलाई बचाउन कार्यक्रम गर्न लागकोे जानकारी दिए । उनले अबका दिनमा भुमि अधिकारका सवालमा केन्दि्रत रहि कृषि क्षेत्रलाई माथी उठाउन राज्यले कृषिमा पनि उचित बजेट छुट्टयाउनुपर्ने बताए । छलफल कार्यक्रममा बोल्दै कृषि मजदुर संघ बर्दियाका अध्यक्ष जगविर थारुले भुमिमा जोत्नेको अधिकार स्थापित हुन नसक्नाले पनि कृषि क्षेत्र ओझेलमा परेको
बताए । उनका अनुसार यदि राज्यले कृषिमा उचित बजेटको व्यवस्था, मुक्त कमैया, भुमिहिन, हलिया र कृषि श्रमिकलाई व्यवस्थीत र पुर्नस्थापना गर्न सक्यो भने मात्र कृषि क्षेत्रमा केही सुधार हुनेछ । भोली मंगलबार बर्दियाको कालिका टेसनपुरमा हुने कार्यक्रमको सम्पूर्ण तयारी भईसकेको र यसको संयोजन इन्सेक लगायत विभिन्न संघ संस्थाले गरेका छन् ।

ठूलो मात्रामा चरेस बरामद

नेपालगन्ज, १३ असारः नेपालबाट भारत पुर्‍याई लागु औषधको अवैध चोरी तस्करी गर्दै आएका एक युवकलाई प्रहरीले १० किलो लागु औषध चरेस सहित पक्राउ गरेको छ ।
अञ्चल प्रहरी कार्यालय भेरीबाट खटिएको बिशेष टोली र लागु औषध नियन्त्रण तथा कार्यान्वयन इकाइ कार्यालय नेपालगन्जबाट खटिएको संयुक्त टोलीले बिशेष सुचनाका आधारमा बाँकेको खासकारकाँदो गाविसबाट बाँके महादेवपुरी ४ गुरुवागाउंका टेकबहादुर खत्रीलाई १० किलो ३ सय ग्राम लागु औषध चरेस सहित पक्राउ गरेको छ ।
आइतवार यहाँ आयोजित पत्रकार भेटघाट कार्यक्रममा जिल्ला प्रहरी कार्यालय बाँकेका निमित्त प्रहरी उपरिक्षक विनोद घिमिरेले नेपालगन्ज नाकाबाट लागु औषध चरेस ठुलो मात्रामा भारत तर्फ पठाउने काम भैरहेको सूचनाको आधारमा खोजतलास गर्दा उक्त चरेस सहित खत्रीलाई शुक्रवार पक्राउ गरिएको बताए ।
उनलेे खत्रीबाट सो परिमाणको चरेस सहित भे १ प ६१९१ नम्बरको एउटा हिरोहोण्डा मोटर साइकिल र एकथान मोबाइल पनि बरामद गरिएको बताए ।
पक्राउ परेका खत्रीले यसरी नेपालबाट भारततर्फ चरेस पठाउने एउटा गिरोहनै सक्रिय रहेको जनाएको बताउदै निमित्त प्रहरी उपरिक्षक घिमिरेले खत्रीले दिएको जानकारीका आधारमा धेरै ठाउमा छापा पनि मारिएको बताए । पक्राउ परेका खत्री राजधानीको ताहाचाल क्याम्पसमा आइएमा अध्ययनरत रहेको र उनि लागु औषध तस्करी गर्ने गिरोहको फन्दामा परेर काम गर्न लागेको खत्रीले बताएका
छन् ।

जनमुक्ति सेनाको कडा आपत्ती

नेपालगन्ज, १२ असार ः गत जेठ २८ गते बांकेको कोहलपुरका व्यापारी कर्णबहादुर कठायतलाई फोनमार्फत धम्क्याएर फिरौती रकम माग्नेमा आफ्नो डिभिजनको नाम जोडिएको भन्दै जनमुक्ति सेना नेपाल छैठौ डिभिजनले गम्भीर ध्यानाकर्षण भएको जनाएको छ ।
डिभिजन कमाण्डर महेन्द्र बहादुर शाही प्रज्वलले प्रेस विज्ञप्ति जारी गरेर आफ्नो डिभिजनमा कार्यरत जनमुक्ति सेना राजेन्द्रबहादुर रावतको सो कार्यमा नाम जोडिन गएकोमा दुःख प्रकट गरेका छन् ।
डिभिजनले गत जेठ २८ गते प्रयोग भएको ९८४८१२०२२० नम्बरको मोबाईल जाजरकोट दशेरा निवासी सूर्यबहादुर थापाले प्रयोग गर्दै आएको मोबाइल भएको जनाएको छ ।
यसरी जांचबुझ नै नगरी आफ्ना सैनिकको नाम सो कार्यमा जोड्नेहरुले बिचार गरेर काम गर्न सुझाव समेत उक्त विज्ञप्तीमा दिईएको छ । एनेकपा माओवादीले यस अघिनै खण्डन गरेको थियो ।

बालविवाह रोक्नेलाई अभिभावकको धम्की

ललित बसेल
सुर्खेत, १२ असार ः वालविवाह गर्नुहुदैन भनेकै आधारमा अहिले सुर्खेतका वावालिकाहरुले अभिभावकको धम्की सहनु परेको छ । जिल्लालाई यसै वर्षभित्रमा वालविवाह मुक्त घोषणा गर्ने साझा प्रतिबद्धता अनुरुप वालवालिकाहरु आफै यो अभियानमा सक्रिय छन् । तर समुदायमा काम गर्दा आफुहरुले पटक-पटक धम्कीहरु वेहोर्नु परेको उनीहरुको गुनासो छ ।
जिल्लाको पूर्वी गाविस घुमखहरेमा रहेको एकीकृत वाल नेटवर्कमा आवद्ध वालवालिकाहरुले यस्तै धम्की सहनु परेको छ । नेटवर्ककी अध्यक्ष स्वस्तिका एलजीले गाउंमा वाल विवाह रोक्न खोज्दा ज्यान मार्ने धम्की आएको बताईन । उनको समुदायमा वाल विवाह गर्न हुदैन भनेकै आधारमा अभिभावकहरुले अपहेलना गर्ने गुनासो उनले गरिन् ।
विशेषगरी स्थानीय राजनीतिक दलहरुले पनि आफुलाई सहयोग नगरेको उनको भनाई छ । समुदायले सहयोग नगर्दा गाविसमा ६ ओटा वावविवाहहरु रोक्न असफल भएको समेत उनले जानकारी दिईन् ।
त्यस्तै घुमखहरेमै रहेको लालिगुरांस वाल समुहकी अध्यक्ष गीता सुनारले वाल विवाहको विरोध गरेवापत आफुहरु गाउंलेको नजरमा घृणित भइरहेको वताइन् । उनले भनिन्- 'हामीलाई यो अभियानमा लाग्न निकै चुनौती छ । गाउंमा कसैले पनी सहयोग गर्दैनन्, बरु धम्क्याउंछन् ।ु आफुहरुले गाउंमा वाल विवाह रोक्नका लागि जति पहल गरेपनि अभिभावकहरुले नकारात्मक रुपमा हेर्ने गरेको उनको अनुभव छ ।
त्यस्तै लेखफर्सामा क्रियाशील वालवालिकाहरु पनि यस्ता धम्की सहन वाध्य छन् । यो गाविसलाई गतवर्षको मंसिरमा वाल विवाह मुक्त घोषणा गरिएपनि वालविवाहहरु रोकिएका छैनन् । लेखफर्सा वालनेटवर्कका अध्यक्ष ओमप्रसाद भट्टराईका अनुसार समुदायले सहयोग नगर्दा वालविवाह हुने गरेका छन् ।
उनले गांउमा वाल विवाह रोक्नखाज्दा आफुहरु लखेटिनु परेको दुखेसो पोखे । यस्तै गाविसका प्रतिनीधीले समेत वेवास्ता गर्ने गरेको उनको भनाइ छ । नेटवर्कका अनुसार बालविवाह मुक्त घोषणा भएपछि पनि गाविसमा ५ वटा वालविवाह भएका छन् । जसमा वाल समुहरुको प्रयासमा ३ वटा विवाह रोकिएका छन् भने २ वटा प्रहरीमा पुगेका छन् ।
बालविवाह विरुद्धको अभियानमा अहिले जिल्लामा वालकभन्दा पनि वालिकाहरु सक्रिय छन् । तर ती वालिकाहरुले परिवारवाट नै अभियानमा जान रोकावट हुने गरेको वताएका छन् ।
यता बालबालिकाहरुमाथि हुने हिंसा विरुद्धमा कार्यरत संस्था सुरक्षित समाजले भने सरकारी निकाय नै उदासिन भएकाले यो वर्षभित्रमा जिल्लालाई वाल विवाह मुक्त घोषणा गर्न सम्भव नभएको जनाएको छ । संस्थाका कार्यक्रम संयोजक कौशिला चन्दले वालवालिकाहरु सक्रियरुपमा लागिपरेपनी कानुनी रुपमा कडाइ नगरिएसम्म वालविवाह रोक्न चुनौति रहेको बताउछिन् । संस्थाका अनुसार समुदायमा वाल क्लवहरु सक्रिय भएपछि वाल विवाहमा कमी आएको छ । तर अभिभावकवाट आउने धम्की र उपेक्षा वालवालिकाहरुका लागि मुख्य चुनौती बनेको संस्थाले जनाएको छ ।

फोरम माओवादी संग निकट छैन, गुप्ता

नेपालगन्ज १२ असार ः मधेशी जन अधिकार फोरमका सह-अध्यक्ष जयप्रकास प्रसाद गुप्ताले मधेशवादी दलहरुलाई पाखा लगाएर संविधान वन्न नसक्ने वताएका छन् ।
शनिवार नेपालगञ्जमा आयोजीत 'शान्ति बहाली र संविधान निर्माणमा मधेशी दलहरुको भुमिका' बिषयक बृहत अन्र्तक्रिया कार्यक्रममा वोल्दै सह-अध्यक्ष गुप्ताले सो कुरा वताएका हुन् ।
उनले ठूला तिनदलहरुले मधेशवादी दलहरुलाई उपेक्षा गरेर आफनै तरिकाले अगाडी बढ्न खोजेको आरोप लगाउंदै त्यो सफल नहुने वताए । मधेशवादी दलहरु विचको अविश्वास र असमझदारीलाई अन्य दलहरुले आफनो फाईदामा ढालीरहेको उनले दावी गरे । फोरम माओवादीसंग निकट रहेको आरोपलाई खण्डन गर्दै सह-अध्यक्ष गुप्ताले माओवादीसंग थुप्रै कुरामा मतभिन्नता रहेको स्पष्ट पारे । संविधानसभालाई कम्जोर बनाउने षड्यन्त्र भईरहेको आरोप लगाउदै उनले यथा स्थितीमा अबको सरकार नटिक्ने वताए ।
अब सहमतीय आधारमा सरकार चल्नु पर्ने आवश्यकतामा जोड दिंदै गुप्ताले शान्ति वहाली र संविधान निमार्ण राष्ट्रिय सरकारले मात्र पुरा गर्ने वताए ।
कार्यक्रममा तमलोपाका केन्दि्रय सदस्यद्धय पशुपती दयाल मिश्र, विजय गुप्ता, फोरम लोकतान्त्रिक बांकेका अध्यक्ष हिरालाल लोनिया, प्रेस स्वतन्त्रता सेनानी पन्नालाल गुप्त लगायतले बोल्दै मधेश र मधेशीहरुमाथि अझै पनि भेदभाव भैरहेकोले मधेशीले अधिकार नपाएसम्म समस्या समाधान नहुने बताए ।
कार्यक्रममा सञ्चारकर्मी बिजय वर्माले प्रस्तुत गरेको 'शान्ति बहाली र संविधान निर्माणमा मधेशी दलहरुको भुमिका' बिषयक कार्यपत्रमा सहभागीहरुले टिप्पणी गरेका थिए ।
अवधी पत्रकार संघका अध्यक्ष सुर्यलाल यादवको सभापत्विमा भएको कार्यक्रमको स्वागत मन्तव्य संघका सदस्य कृपाराम वाडियाले गरेका थिए ।

सुनचाँदी कालिगढ संघमा जसगढ

नेपालगन्ज, १२ असार ः नेपाल सुन चांदी कालीगढ संघ बांकेको एक भेलाले जमील अहमद जसगढको अध्यक्षतामा ११ सदस्यीय तदर्थ समिति गठन गरेको छ ।
शनिवार नेपालगन्जमा सम्पन्न भेलाबाट उपाध्यक्ष, सचिव, सहसचिव र कोषाध्यक्ष्ामा क्रमशः रामजी विक, संजय सोनी, राजेश गहतराज र मनोज सोनी चयन भएका छन् ।
त्यसैगरी सदस्यहरुमा सन्तोष सोनी, लियाकत अलि शेष, विनोद कुमार सोनी, पप्पू जसगढ, मो.हाशिम अन्सारी र मिनू सोनी रहेका छन् ।
संघको सल्लाहकारहरुमा बन्टु सोनी, बाल कृष्ण वराल, पवन कुमार सोनी र शुसिल शाक्यलाई चयन गरिएको छ भने उपसमिति सदस्यहरुमा पवन कुमार रस्तोगी, अयाज अहमद जसगढ, पिन्टू सोनी, महेश मोरे र दयाराम सोनी रहेका छन् ।
१ सय ३७ जना साधारण सदस्य रहेको संघको भेलाले संघको नियमावली पनि पारित गरेको छ भने भेलामा मनोज सोनी, मो.हशिम अन्सारी, रामजी विक, सन्तोष सोनी, मिनु सोनी, विनोद कुमार सोनीलगायतले बोलेका थिए ।

विषादी भण्डारमा पानी चुहियो

नेपालगन्ज १२ असार ःविषादी भण्डारण गरी राखिएको नेपालगञ्ज स्थित जिल्ला सहकारी संस्थाको गोदाममा पानी चुहिन थालेपछि स्थानियवासीमा त्रास बढेको छ । गोदाम घर पुरानो तथा टिनले छाएको छाना खिया लगेर ठाउं-ठाउंमा प्वाल परेपछि पानी चुहिन सुरु भएको छ ।
२०१५ सालमा निर्माण गरिएको गोदाम घर अहिले जिर्ण भएको छ । करिव ८० टन मानव हानिकारक विषादी यस गोदाममा भण्डारण गरी राखिएको छ । अति खतरनाक सो विषादी कंही कतैबाट आगलागि भए वा लिक भएर बाहिर आए सिंगो नेपालगन्ज नै ध्वस्त हुन सक्ने विज्ञहरुको भनाइ छ ।
भवन मर्मत सम्भार नभएको र भवनको छत र भित्ताहरु चर्किएकाले जुनसुकै समयमा दुर्घटना हुन सक्ने खतरा बढेर गएको छ । वषर्ा शुरु भइसकेकाले पानी चुहिएर विषादीको गन्ध बाहिर आइरहेको हुंदा त्यस वरपरका वासिन्दाहरु त्रसित भएका छन् । नेपालगञ्ज १७ बगिया निवासी स्थानिय सन्तोषी सिंहले विषादीको गन्धले हैरान बनाएको वताउंछिन् । 'हावा चल्यो भने त झन यति नराम्रोसंग ग्यासं आउंछ सासै फेर्न गाह्रो हुन्छ- सिंहले भनिन् ।
पुर्व कृषि सामग्री संस्थान अर्थात अहिलेको राष्ट्रिय वीउ विजन कम्पनी नेपालगञ्जले २७ बर्षअघि कपास र तराकारीमा लाग्ने किटानु नष्ट गर्नका लागि बाहिरी देशबाट यी विषादी झिकाएको थियो । कमिसन खानका लगि आवश्यक्ता भन्दा बढी झिकाएको हुंदा ठुलो परिमाणमा विषादी प्रयोगमा नआएपछि त्यसै थन्क्याएर राखिएको थियो ।
म्याद नाघेका यी मानव हानिकारक विषादी मध्यपश्चिमका विभिन्न जिल्लाबाट ल्याइ जिल्ला सहकारी संस्थाको गोदाममा भण्डारण गरिएको छ । उपभोक्ता मञ्च नेपाल बांकेका अध्यक्ष डा नारायण प्रसाद सुवेदीले सो विषादी नेपालमा नष्ट गर्न नसकिने वताउंदै जुन देशबाट ल्याइएको हो त्यसै देशमा नष्ट गर्न लग्नु बाहेक अर्को विकल्प नरहेको वताए ।
'दुइ चार जनाको बदमासिले सारा मान्छेले दुःख पाइरहेका छन् । कुनै पनि बेला दुर्घटना हुने खतरा छ, सिंगो मानव वस्ती डराएको छ, विषादी राखिएको वरपरका वासिन्दा गन्धले सुत्न सकिरहेका छैनन् तर कसैलाइ मतलब छैन- उनले भने- यो विषादीलाइ नेपालबाटै बाहिर लग्नका लागि उपभोक्त मञ्च मन्त्रालयसम्म पुग्यो । नेता, मन्त्रिहरुलाइ ज्ञापन पत्र बुझायौं तर कुनै सुनुवाइ भएन ।
म्याद नाघेका तथा हानकारीक रासायनिक विषादी भएका कारण गोदाम घरको भवन भत्किए तथा विषादी चुहावट भए यहांको विषादीले नेपालगञ्ज,कोहलपुर, खजुरादेखि भारतीय रुपैडिहासम्म मानवीय तथा धनजनको ठुलो क्षती हुने मञ्चका अध्यक्ष डा. सुवेदीले जानकारी दिए ।
विज्ञहरुका अनुसार, १० टन विषादले करिव ४ किलोमिटर सम्म मानवीय धनजनको क्षती गर्छ , भने ८० टन विषादीले करिव ३२ किलोमिटर सम्म क्षती पुर्‍याउन सक्दछ । जापान र अन्य युरोपेली देशहरुबाट सरकारले बढी मुनाफा हुने गरी ठेक्का मार्फत ल्याईएका यी विषादी नष्ट गर्ने नेपालमा कुनै पनि उपाए छैन ।
जिल्ला सहकारी सस्था बांकेका अध्यक्ष रन बहादुर शाहका अनुसार, गोदाम घरमा inadast, एकालाण, एग्रोसियन जस्ता हानिकार म्याद नाघेका विषादी भण्डारण गरिइएको छ । यस सहकारी गोदाममा राखिएका विषादीका बोरा फुटेर विषादी भुंइमा पोखिएका छन् ।
यस्तै भारतको भोपाल शहरमा १२ बर्ष अघि यस्तै अमेरिकी कम्पनीले सञ्चालन गरेको विषादी ग्यांसको पाईप लिक हुंदा १० हजार बढी मानिसको मृत्यु भएको थियो भने हजारौं मानिस अपाङ्ग भएका थिए । सो क्षेत्रमा अहिले पनि अपाङ्ग, सुस्तमनस्थितिका बालबालिका जन्मने गरेका वताइएको छ ।

दुर्घटनामा दुई घाइते

नेपालगन्ज, १० असार ः बांकेमा भएका छुट्टा छुट्टै सवारी दुर्घटनामा २ जना घाईते भएका छन् । विहिबार दिउंसो नेपालगंजस्थित बि.पी.चौक नजिकै ना १ प ७७२ नंम्बरको मोटरसाईकलले ठक्कर दिदां बांके ईन्द्रपुर-७ का बालक उमेश बि.क घाईते भएका हुन् । घाईते बालकको नेपालगंजस्थित मेडिकल कलेजमा उपचार भैरहेको छ ।
ठक्कर दिने मोटरसाईकल र चालकलाई नियन्त्रणमा लिइएको जिल्ला प्रहरी कार्यालय बांकेले जनाएको छ ।
यसैबिच बुधबार राती सवा १० बजे नेपालगञ्जबाट कोहलपुर तर्फ जादै गरेको भे २ प ४८५३ नम्बरको मोटरसाईकलले कोहलपुर चौराहामा पैदल यात्री सुर्खेत राकम- ६ का ५३ बषिर्य नर बहादुर पुरायललाई ठक्कर दिदंा मोटरसाईकल चालक मध्यपृतना हेडक्वाटरमा कार्यरत सिपाई अमर थापा घाईते भएका छन् । घाईते थापाको कोहलपुर मेडिकल कलेजमा उपचार भैरहेको छ । पैदल यात्री बृद्ध चाहि सकुशल रहेको प्रहरीले जनाएको छ ।

युनाईटेड, पशुपती र अरुणोदय मावि विजयी

नेपालगन्ज, १० असार ः अखिल नेपाल फुृटबल संघको आयोजनामा भएको कोकाकोला अन्तर मावि छात्र तथा छात्रा राष्ट्रिय फुटबल प्रतियोगिताको विहीबारको खेल युनाईटेड एजुकेसनल एकेडेमी कोरियनपुर, पशुपति सेकेण्डरी स्कुल रांझा र अरुणद्धय बोडिडं स्कुल खजुराले जित्न सफल भएको छ ।
नेपालगन्जमा भएको पशुपति सेकेण्डरी स्कुल रांझा र होप इन्टरनेशनल एकेडेमी कारकांदोबीचको पहिलो खेल पशुपतिले शुन्यका विरुद्ध २ गोलले जित्न सफल भएको छ । पशुपतिका तर्फबाट शुभाष गुरुङ्ग र रविन्द्र शाहीले १,१ गोल गरी आफ्नो स्कुललाई जिताउन सफल भए ।
नेपालगन्जमा नै भएको दोश्रो खेल युनाईटेड एजुकेसनल एकेडेमी कोरियनपुर र सनविम हायर स्कुल धम्बोझीबीच भएकोमा युनाईटेडले पेनाल्टीमा १ गोलका विरुद्ध २ गोल गरी खेल जित्न सफल भयो । युनाईटेडका तर्फबाट मेनका चौधरी र लबली बक्सीले १,१ गोलको योगदान गरे भने सनविमका तर्फबाट आश्मा श्रीले १ गोल गरेको संयोजक मोहन थापाले जानकारी दिए ।
बोर्टस नेपाल प्रालिको प्रायोजनमा शुरु भएको प्रतियोगिता तर्फको खजुरमा भएको प्रतियोगितामा अरुणद्धय बोडिडं स्कुलले योगिनी माविलाई १ गोलका विरुद्ध २ गोल गरी खेल जितेको थियो ।

छात्रवृत्ती नपाएपछि पुन ः कमलरी

नेपालगन्ज, १० असार ः छात्रवृती पाएर पढने आशामा विद्यालय भर्ना भएका मुक्त कमलरीहरु छात्रवृती नपाएप्छि पुनःकमलरी बस्न बाध्य भएका छन् । आर्थिक वर्ष अन्त्य हुन लाग्दा पनि बांकेका मुक्त कमलरीहरुले सरकारबाट पाउनु पर्ने छात्रवृत्ती अहिलेसम्म पाउन सकेका छैनन् ।
कमलरी मुक्तिका लागि साझा मञ्च बांकेकी अध्यक्ष लक्ष्मी चौधरीले छात्रवृती नपाएपछि फिस तिर्न नसक्दा एक सय २४ मुक्त कमलरीहरु पढाइ छाडेर पुनः कमलरी बस्न गएको वताएकीछन् । उनले भनिन्- गत माघ महिना मुक्त भएका कमलरीहरु विद्यालयमा भर्ना भएका थिए । तर छात्रवृती ढिलाइका कारण फेरी जमिनदारको घरमा कमलरी बस्न गएका छन् ।
बांके जिल्लामा प्रावि, निमावि, मावि र उच्च शिक्षा गरी तिन सय २७ जना मुक्त कमलरी अध्ययनरत छन् । साझा मञ्चकी अध्यक्ष लक्ष्मी चौधरीले तत्काल सरकारकाले छात्रवृती नदिए थप मुक्त कमलरीहरुले पढ्न छाडेर कमलरी बस्न जान सक्ने वताइन् ।
छात्रवृती तुरुन्त उपलब्ध गराउनका लागि करिब चार दर्जन मुक्त कमलरीहरु विहिवार जिल्ला शिक्षा कार्यालय बांकेमा ज्ञापन पत्र बुझाएका छन् । विद्यालयमा मुक्त कमलरीहरुका लागि छुट्याइएको रकम जिल्ला शिक्षा कार्यालय वा सम्बन्धित विद्यालयहरुबाट कटौती हुन गएमा मुक्त कमलरीहरुले छात्रवृती रकम बहिस्कार गरी आन्दोलनमा जान बाध्य हुने ज्ञापन पत्रमा उल्लेख गरीएको छ । सरकारले विद्यालयमा अध्ययनरत मुक्त कमलरीका लागि प्रावि तहमा एक हजार, ६,७,८ कक्षाका लागि एक हजार पांच सय, ९,१०, कक्षाका लागि एक हजार सात सय र उच्च शिक्षामा अध्ययनरत मुक्त कमलरीका पांच हजार छात्रवृती तोकेको छ ।
तर बांके जिल्लाका कुनै पनि मुक्त कमलरीले अहिलेसम्म छात्रवृती नपाएको मुक्त कमलरीको साझा मञ्चले जनाएको छ । मुक्त कमलरीका लागि निःशुल्क शिक्षा भने पनि विद्यालयहरुले शुल्क लिइरहेको सो मञ्चले जनाएको छ ।
साझा मञ्चले दिएको तथ्यांक अनुसार, बांकेको गणेश मावि ढकेरीमा कक्षा १० मा अध्ययनरत शुशीला थारुबाट भौतीक ब्यवस्थापन शुल्क बापत पांच सय, लक्ष्मी उच्च मावि मदुइ कक्षा ९ मा अध्ययनरत दिपा चौधरीबाट भर्ना बापत एकसय १५, आर्थिक सहयोग एकसय ४० र परिक्षा शुल्क २५ गरी जम्मा दुइ सय ८० रुपैंया विद्यालयले लिएको छ ।
७५ प्रतिशत भन्दा बढी विद्यालयहरुले विभिन्न बाहानामा मुक्त कमलरीबाट शुल्क लिइरहेका सरकारको घोषणा कार्यान्वयन हुन नसकेको साझा मञ्चले जनाएको छ । आर्थिक बर्ष समाप्त हुन लागिरहेकाले तत्काल मुक्त कमलरीहरुलाइ छात्रवृती उपलब्ध गराउन मञ्चले माग गरेको छ ।

गाविस सचिवको राजिनामा फिर्ता

नेपालगन्ज, १० असार ः बढ्दै गएको असुरक्षाका कारण काम गर्न नसकेको भन्दै बांकेका गाविस सचिवहरुले दिएको राजीनामा विहीबार फिर्ता लिएका छन् । सचिवहरुले राजीनामा फिर्ता लिएपछि गाविसको कामकाज विहीबारदेखी नै सुचारु भएको छ ।
विहीबार जिल्ला विकास समितिको कार्यालयमा गाविस सचिव, बांके जिल्ला प्रमुख र निमित्त स्थानीय विकास अधिकारीबीच भएको छलफलपछि गाविस सचिवहरुले राजीनामा फिर्ता लिएका हुन् ।
जिल्ला विकास समितिमा भएको छलफलमा गाविस सचिवहरुलाई सुरक्षाको प्रत्याभूती जसरी भएपनि उपलब्ध गराउने र सचिवहरुले सुरक्षित भएको गाविसमा गई काम गर्ने र असुरक्षित भएको गासिवका सचिवहरुले जिल्ला विकास समितिमा नै रहि काम गर्ने सहमति भएपछि राजीनामा फिर्ता लिएको गाविस सचिव हकहित संरक्षण केन्द्र बांकेका पूर्व अध्यक्ष नवराज शाहले जानकारी दिए । सीतापुर गाबिसका सचिव ईन्द्र बहादुर श्रेष्ठको हत्यापछि आतंकित भएका बांकेका अधिकांस गाविस सचिवले सुरक्षाको माग गर्दै यस अघि नै गाविस छोडेका थिए । उनिहरु ग्ात तीन महिनादेखि गाबिसमा मन लागे जाने नलागे नजाने गर्दै आएका थिए ।
गाविस सचिव गाउं नगएकै कारण जिल्लाका बिभिन्न गाविसका योजना र ईलाका स्तरीय योजनाहरु पनि नेपालगन्जमै बैठक र गोष्ठी गरेर सम्पन्न भएका थिए ।सचिवहरुलेे सीतापुरका सचिव श्रेष्ठको हत्या भएको तीनमहिना बितिसक्दा पनि हालसम्म उनका हत्यारा पक्राउ गर्न प्रहरी प्रशासन असक्षम भएको जनाउदै प्रहरी प्रशासनको आलोचना गरेका छन् ।

दुई शरीर एक टाउको

नेपालगन्ज, १० असार ः भेरी अञ्चल अस्पतालमा बिहिबार बिहान दुई शरिर एक टाउको भएको शिशु जिवितै जन्मीएका छन् । तर जन्मे पश्चात उनको मृत्यु भएको छ ।
शिशुको अगाडि पछाडि मुख जोडिएको, छाति एउटै रहेको, चार हात, चार खुट्टा भएको उक्त बच्चा पुर्ण विकशित पुरुष रहेको थियो ।
भेरी अञ्चल अस्पतालको प्रसुति वार्डको ४६ नं बेडमा प्रसव बेथा लागेर भर्ना भएकी रोल्पा राङसी-३ पोखराकी २१ वषिर्या पवित्रा ओलीको कोखबाट पहिलो सन्तानको रुपमा जन्मेको उक्त शिशु जन्मेको करिव १० मिनेट भित्रै मृत्यु भएको थियो ।
बेथा लागेर रोल्पाको विभिन्न स्वास्थय केन्द्र हुंदै मंगलबार भेरी अञ्चल अस्पतालमा भर्ना भएकी ओलीले बिहिबार बिहानै करिव सवा १ बजेतिर साधारण अवस्थामै सो बच्चालाई जन्माएको प्रसुति कक्षकी ईन्चार्ज स्टार्फ नर्स सारदा चौधरीले बताइन् ।
बच्चाका बुवा मनबहादुर ओलीले आफ्नी पत्नीलाई गााउंकै विभिन्न स्वास्थ्य केन्द्रमा बेलाबेलामा चेक जंाच गरिएको भए पनि अन्तिम अवस्थामा मात्र रोल्पाको लिवाङ स्वास्थ्य केन्द्रले नेपालगन्ज लैजान रिफर गरेको बताए ।
भेरी अञ्चल अस्पतालका मेडिकल प्रमुख डा.विमल ढकालले गर्भाधानको बेलामा डिम्वको विकास हुंदा छुट्टनि नसकेको कारणले गर्दा हुन सक्ने वताए ।
उनले यस्ता घटना कहिंलेकाही मात्र हुने गरेको जनाउदै भेरी अन्चल अस्पतालमा सो शिशु हेर्नेहरुको भिड लागेको बताए ।

शिक्षा कार्यालयमा तालाबन्दी

नेपालगन्ज १० असार ः तलब भत्ताको समायोजन हुनु पर्ने लगायतका विभिन्न मागहरु राख्दै चरनबद्व आन्दोलन गर्दै आइरहेका राहत शिक्षकहरु फेरि आन्दोलनमा उत्रिएका छन् ।
राहत शिक्षक संघर्ष समिति बांकेले विहिवार देखि जिल्ला शिक्षा कार्यालय बांकेमा तालाबन्दि गरेको संघर्ष समितिका बांकेका अध्यक्ष बदि्र ढकालले जानकारी दिए ।
तालाबन्दीका कारण दिनभर कार्यालयको सम्पुर्ण काम काज ठप्प रर्‍यो । संचित बिरामी विदाको रकम व्यवस्था हुनुपर्ने, शिक्षक कल्याण कोषको रकम सरकारको तर्फबाट थप हुुनु पर्ने लगायतका माग राखी राहत शिक्षकहरुले आन्दोलन गर्दै आएका छन ।

खुकुरी हानाहान

नेपालगन्ज १० असार ः बांकेको खासकुश्मा ८ स्थित जनकल्याण सामूदायिक वनको रुख काट्ने विषयमा दुई युवा बिच विवाद हुंदा खुकरी हानाहान भएको छ । रुख काट्ने विषयमा दुई स्थानिय युवा बिच भनाभन हुन थालेपछि आक्रोशित भएका स्थानिय थमन बिकले खुकुरी प्रहार गर्दा शालिकराम भण्डारी घाइते भएको प्रहरीले जनाएको छ ।
घाइते भण्डारीको मेडिकल कलेज कोहलपुरमा उपचार भईरहेको छ । घटनाको बारेमा थप अनुसन्धान भई रहेको कुसुम प्रहरीले जनाएको छ ।

रेखाले बम निष्क्रीय पारिन्

नेपालगन्ज, १० असार ः नेपालगन्ज नगरपालिका वडा न.ं १२ बांके गांउस्थित एक होटेल अगाडी भेटिएको सकेट बम बिहिबार नेपाली सेनाले निस्कृय पारेको छ ।
ठुले तामाङको होटेल अगाडी भेटिएको सकेट बमलाई रांझास्थित कालिदल गणका सह सेनानी रेखा खत्रीको कमाण्डमा आएको नेपाली सेनाको बम डिस्पोजल टोलीले निस्कृय पारेको हो ।
बुधबार राती होटेल अगाडि राखिएको बमलाई बिहान होटल संचालकले देखेपछि प्रहरीलाई खबर गरेका थिए । बम भेटिएपछि घटनास्थल वरपर त्रास फैलिएको थियो ।

होलियावासी डुबानको त्रासमा

नेपालगन्ज, ९ असार ः गत दुईदिनदेखि परेको बषर्ाका कारण राप्ती नदिमा पानीको सतह बढ्दै गएपछि बांके होलिया गाविसका नागरिकहरु क्रसित हुन थालेका छन् । विगतका बर्ष झै यो बर्ष पनि सरकारले राप्ती नदिको कटान र डुवान कम गर्न कुनै पनि पूर्व तयारी गर्न नसकेकोले डुवान र कटानको भय बढेको हो ।
बांकेको होलिया गाविस ८ खडैचाका रवि शुक्लालाई यस पालिको वषर्ाले पुनः डुबाउने भयो भन्ने त्रासले सताउन थालेको छ । हरेक वर्षको वषर्ामा आउने बाढीका कारण राप्ती पारीका ६ वटा गाविसलाई प्रभावित पार्ने भएको हुंदा शुक्लालाई बषर्ा शुरुहुने बित्तिकै सो चिन्ताले सताउन थालेको हो ।
बषर्ा शुरु भै नदीमा पानीको सतह बढी सक्दा पनि सरकारी निकायले केही नगरेकोले उनिहरु डुबिने चिन्तामा त्रसित छन् ।
दुईदिन यता पानी पर्न सुरु गरेपछि राप्तीमा पानीको सतह बढेको होलिया गाविस ५ का रामकृष्ण शर्माले बताए । भारतले निर्माण गरेको कलकलवा बांध र लक्ष्मणपसुर बांधका कारण राप्तीको पानी जम्मा हंदा गत बर्षसम्म होलिया गाविसका १,२,३,४,५ र ६ वडाका स्थानियबासीहरु विस्थापित भईसकेका थिए भने यो बर्ष पनि पुर्व तयारी नभएका कारण बाकी ७,८ र ९ वडाका स्थानियबासी विस्थापित हुने सम्भावना बढेको होलिया ८ का फिक्कु कुमार विकले बताए ।
यता जल उत्पन्न तथा प्रकोप नियन्त्रण कार्यालयले राप्ती नदिमा सुरु गरेको पञ्च बर्षे योजना अन्तर्गत जनताको तटबन्धको पहिलो चरणको ९० प्रतिशत काम सम्पन्न भएको बताएको छ । पञ्चे बर्षे योजना अन्तर्गत आर्थिक बर्ष २०६६।६७ का लागि विनियोजन भएको १५ करोडमा १२ करोडको काम सम्पन्न भएको जनताकोतटबन्धका प्राविधिक ईन्जिनियर नारायण प्रसाद सुवेदीले जनाए । गएको वर्ष आएको बाढीले राप्ती पारीका ६ गाविस होलिया, बेतहनी, वनकटी, फत्तेपुर, गंगापुर र मटहैयाका करिब २५ हजार भन्दा बढी बासिन्दा प्रभावित भएका थिए भने १२ हजार भन्दा बढी सर्वसाधारणले विस्थापित हुनु परेको थियो ।
लक्ष्मणपुर बांध पीडित संघर्ष समितिका सचिव राजकुमार शुक्लाका अनुसार राप्ती पारीका जनता हरेक वर्ष आउने बाढीका कारण डुबान, कटान र पटानको समस्याले पीडित छन् । भारतले सीमानामा बनाएको लक्ष्मणपुर बांधका कारण वर्षेनी आउने बाढीले खेती योग्य जमिन कटान गरेर लैजाने हुंदा प्रमुख समस्याको रुपमा उनिहरुले खाद्य संकटबाट गुज्रीनु परेको छ ।
बाढी नियन्त्रणका लागि आएको जनताको तटबन्धन कार्यक्रमले पनि कुनै प्रभाव नपार्ने सचिव शुक्लाको भनाई छ । उनले १ वर्ष पुग्न लागि सक्दा पनि उक्त कार्यक्रमले मात्र नदिको किनारमा बास गाडने काम बाहेक अरु केही काम गर्न नसकेको बताए ।
अन्तर्राष्ट्रिय नियम अनुसार कुनै पनि देशले सीमा आसपासमा बांध र तटबन्ध निर्माण कार्य गर्दा ८ किलोमिटर क्षेत्रमा कुनै पनि बांध निर्माण गर्न नपाउने भएपनि भारतले होलिया गाविस स्थित नेपाल भारत सीमानाको ९ नम्बर सीमा स्तम्भ देखि ३ सय मिटर नजिकै लक्ष्मणपुर बाध निर्माण गरेको छ ।
बांधका कारण स्थानिय खोला गन्धौली, सिघौली,झिगिया र सोतैया खोलाको पानीको निकास बन्द गरेपछि बर्षेनी बषर्ातमा डुवान र कटान हुंदै आएको छ ।

नितिको अभावमा उपभोक्ता मर्कामा

नेपालगन्ज, ९ असार ः राज्यले उपभोक्ता हकसम्वन्धी स्पष्ट निती नबनाउंदा आम उपभोक्ताहरु मर्कामा पर्ने गरेको एक कार्यक्रमका सहभागिहरुले जोड दिएका
छन ।
वाणिज्य कार्यालय नेपालगंजको आयोजनामा नेपालगंजमा भएको उपभोक्ता हित सम्वन्धी एक दिने अन्तरक्रिया कार्यक्रमका सहभागिहरुले सो कुरामा जोड दिएका हुन ।
कार्यक्रममा सहभागिहरुले एउटै प्रकारको वस्तुको मुल्यमा एकरुपता नहुनु, मिसावटको खतरा, तौलमा ठगी, गुणस्तरको कमी, लगायतका समस्याले गर्दा दिन प्रतिदिन उपभोक्तहरु मर्कामा पर्ने गरेको वताएका थिए ।
राज्यले प्रचलित कानुनको कार्यान्वयन गरी नियमित बजार अनुगमन, उपभोग्य वस्तुको गुणस्तर, मुल्य सुचि संकलन, खाद्य वस्तुको कालो बजारीलाई प्रमुख रुपले अनुगमन र निगरानी गरेमा आम उपभोक्ताहरु गुणस्तरहिन समान प्रयोग गर्नवाट वञ्चित हुने सहभागिहरुको भनाई रहेको थियो । उपभोक्ता हित संरक्षणमा गैर सरकारी संस्थाको भूमिका एवं अन्य सरोकारवालाहरुको दायित्वको वारेमा डा. नारायण प्रसाद सुवेदी र वाणिज्य विभागको भूमिका एवं निरिक्षण अधिकृतको काम कर्तव्यका वारेमा खाद्य प्रविधि तथा गुण नियन्त्रण कार्यालय, नेपालगन्जका प्रमुख वेदनाथ गौतमले छुटाछुटै कार्यपत्र प्रस्तुत गरेका थिए ।
कार्यक्रममा उद्योगी व्यापारी, सरकारी कार्यालयका प्रतिनिधी, राजनैतिक दलका प्रतिनिधी, विभिन्न संघ सस्थाका प्रतिनिधी का साथै उपभोक्ताहरुको उल्लेखनिय सहभागिता रहेको थियो ।

जलवायु परिवर्तनसम्बन्धि गोष्ठी

नेपालगन्ज, ७ असार ः जलबायु परिवर्तन वातावरण सम्म्बन्धी २ दिने क्षेत्रीय अन्तरकि्रया गोष्ठी नेपालगन्जमा सम्पन्न भएको छ । गोष्ठीमा वातावरण सम्बन्धी निती, जलवायु परिवर्तनले परेको असर, समाधानका उपाय लगायतको विषयमा छलफल भएकोे थियो ।
गोष्ठीको सहजीकरण वातावरण मन्त्रालयका कृषि अर्थविद नरेश शर्मा लगायतले गर्नू भएको थियो । वातावरण मन्त्रालयको आयोजनामा भएको अन्तकि्रया गोष्ठीमा सामुदायिक वनका पदाधिकारी, सरकारी निकायका पदाधिकारी, सञ्चारकर्मी लगायतको सहभागिता थियो ।

डि्रमल्याण्ड,होप र जनसेवा विजयी

नेपालगन्ज, ७ असार ः अखिल नेपाल फुटबल संघको आयोजनामा शुरु भएको फुटबल खेलको सोमबार भएको खेल होप इन्टरनेशनल एकेडेमी, डि्रमल्याण्ड स्कुल र जनसेवा प्रस्तावित माविले जित्न सफल भएको छ ।
नेपालगन्जमा जारी प्रतियोगिताको पहिलो खेल होप इन्टरनेशनल एकेडेमी र एभरेष्ट सैनिक स्कुल बीच भएको थियो । उक्त खेलमा होप इन्टरनेशनलले एभरेष्ट स्कुलाई १ का विरुद्ध ३ गोल गरी खेल जित्न सफल भएको थियो । जसमा होप इन्टरनेशनका तर्फबाट सिपेन हमालले २ गोल र आशिस महतले १ गोलको योगदान गरेका थिए । एभरेष्ट स्कुलका तर्फबाट सुमन श्रेष्ठले १ गोल फर्काएका थिए ।
त्यसैगरी दोश्रो खेलमा डिूमल्याण्ड स्कुल रांझाले वाटरपार्क स्कुल धम्बोझीलाई शुन्यका विरुद्ध ३ गोल गरी बाजी आफ्नो हातमा पार्न सफल भयो । डि्रमल्याण्डका तर्फबाट खेमराज चन्दले २ गोल र दिवाकर बुढामगरले १ गोल गरेको प्रतियोगिताका संयोजक मोहन थापाले जानकारी दिए । बोटलर्स नेपाल प्रालीको प्रायोजनमा शुरु भएको 'कोकाकोला अन्तर मावि छात्र तथा छात्रा राष्ट्रिय फुटबल प्रतियोगिता २०६७' को खजुरा क्षेत्रमा भएको खेल भने जनसेवा प्रस्तावित माविले जित्न सफल भयो । जनसेवा प्रस्तवित मावि र ज्ञानोदय माविबीच भएको खेलमा जनसेवा प्रस्तावित माविले ज्ञानोदय माविलाई २ का विरुद्ध ४ गोल गरी खेल जित्न सफल भएको थियो । जनसेवाका तर्फबाट सोम बहादुर ज्ञवाली, हनुप नेपाली, संगम कुमार शाही र विजय सुनारले १/१ गोलको योगदान दिएका थिए भने ज्ञानोदयका तर्फबाट भने संगीत शाहीले २ गोल फर्काएको प्रशिक्षक अर्जुन थापाले जानकारी दिए ।
आजको खेल स्प्रेन्टल इंगिलिस मिडियम स्कुल र भेरी इंगिलिस मिडियम स्कुलबिच पहिलो खेल नेपालगन्जमा हुनेछ भने दोश्रो खेल मुनतारा इंगिलिस मिडियम र सूर्य ज्योती माविबिच हुने छ ।
त्यसैगरी खजुरा क्ष्ाेत्रमा योगिनी मावि र जनसेवा प्रस्तावित माविबीच पहिलो खेल छात्राको हुनेछ भने दोश्रो खेल छात्रको नेपाल राष्ट्रिय प्रस्तावित मावि टेडारी र अमर प्रस्तावित मावि सि गाउँबीच हुने आयोजकले जनाएको छ ।
खजुरा, नेपालगन्ज र कोहलपुरबाट फाईनलमा पुग्ने तिन समूहबीच फाईनल खेल हुने र जुन समूहले प्रतियोगिता जित्छ उक्त समूहले काठमाण्डौंमा हुने प्रतियोगितामा भाग लिने बताइएको छ । काठमाण्डौंमा हुने प्रतियोगितामा प्रथम हुनेले नगद २ लाख, प्रथम उपविजेताले १ लाख, द्धितिय उपविजेताले ४० हजार र तृतिय उपविजेताले २५ हजार पुरस्कार पाउने छन् ।

गाविस सचिवद्वारा सामुहिक राजिनामा

गाविस सचिव हकहित संरक्षण केन्द्रको आइतवार सम्पन्न बैठकले असुरक्षाका कारण काम गर्न नसक्ने वातावरण भएको भनि जिल्लाका सम्पूर्ण सचिवले सामुहिक राजिनामा दिने भनि निर्णय गरे बमोजिमनै सोमवार राजिनामा बुझाईएको हो ।
केन्द्रको निर्णय बमोजिम सोमवार केन्द्रका सचिव दिपक पौडेलले बांकेका स्थानीय विकास अधिकारी बिश्वराज डोटेललाई सामुहिक राजिनामा बुझाएका थिए ।
चन्दा आतंक बढेको, हत्या र आक्रमणको धम्की आएको तथा सुरक्षा व्यवस्था कमजोर भएको कारण बाध्य भएर सामुहिक राजीनामा दिनु परेको सचिव पौडेलले बताए ।
उनले गाउंमा बसेर काम गर्न सक्ने अलिकति पनि संभावना नरहेको कारण राजिनामा दिनु परेको जनाउदै प्रयाप्त सुरक्षा नभएसम्म काममा र्फकन नसकिने बताए ।
सचिवहरुले हठात् दिएको राजीनामा पछि बांके जिल्ला गाविस सचिवविहनि बनेको छ भने विकास निर्माणका काम ठप्प हुने भएका छन् । विकास निर्माणका कामसंगै जनताका अन्य अतिआवश्यक काम पनि ठप्प भएका छन् ।
बांकेका स्थानीय विकास अधिकारी डोटेलले सरकारले सुरक्षा व्यवस्था बलियो पार्ने विश्वास दिलाउदै राजिनामा फिर्ता लिन आग्रह गरेका थिए ।
सीतापुर गाबिसका सचिव ईन्द्र बहादुर श्रेष्ठको हत्यापछि आतंकित भएका बांकेका सबै गाबिस सचिवले सुरक्षाको माग गर्दै यस अघि नै गाबिस छोडेका थिए ।
पूर्ण रुपमा सुरक्षाको अनुभूति नभएसम्म गाबिसमा नजाने निर्णय गरेका सचिवहरुले अहिले गााउहरुमा ब्यापक चन्दा आतंक भएको तथा नदिए अपहरण र ज्यान मार्ने धमकी दिनदिनै आइरहेको बताएका छन् ।

थारु समुदायका महिलाहरु व्यवसायीक तरकारी खेतीमा

नेपालगन्ज, ७ असार ः केहि बर्ष पहिलेसम्म अर्काको जमिनमा बटैया खेती र मजदुरी गरेर आर्थिक जोहो गर्ने बांके वनकटुवा ९ गडरहीका थारु महिलाहरु अहिले आफ्नै जग्गामा व्यवसायिक तरकारी खेती र बंगुर पालन व्यवसायमा अग्रसर हुदै आएका छन् । घरघरमा तरकारी खेती लगाउन थालेपछि स्थानिय वनकटुवाका थारु महिलाका दिनहरु फेरिएका छन् ।
घरमा तरकारी नहुदा पहिले साझ विहान नुन,अचार र कहिलेकाही तरकारी किनेर खाने यहाका थारु महिलामा भने घरमै तरकारी फलेपछि सांझविहान हरियो र ताजा तरकारी खान पाएको स्थानिय सीतापती चौधरीले बताईन् ।
वनकटुवा गडरहीका थारु महिलाहरु मध्ये सीतापति चौधरी सफल र व्यवसायीक तरकारी खेती गर्नमा नमुना कृषकका रुपमा आजभोली परिचित हुंदैछिन् ।
उनले तरकारी खेतीबाट अहिले दैनिक ३ सयसम्म आम्दानी हुने गरेको बताईन । जसबाट मासिक ३ हजार बढि रुपैया आम्दानी हुने गरेको छ । घरघरमा तरकारी खेती लगाउन थालेपछि यहाका महिलाहरुले स्थानिय स्याउली बजार र सम्झना बजार देखि गाउगाउमा तरकारी डाला र ढकियामा राखेर बेच्न लैजाने गरेका छन् ।
तरकारी खेती जस्तै यहाका थारु महिलाहरु व्यवसायीक बंगुर पालनमा समेत सफल भएका छन् । गडरहीकी सफल बंगुर पालक बच्की थारु पनि एक हुन् । बच्ची थारुले सुरुमा ३ वटा बुंगुरबाट व्यवसाय सुरु गरेपनि उनीसंग अहिले १५ वटा बंगुर रहेका छन् ।
दुई बर्षदेखि बुंगुरपालन सुरु गरेकी बच्की चौधरीका आर्थिक आम्दानीको स्रोत बंगुर पालन व्यवसाय बनेको छ । उनी जस्तै गाउंका दर्जनौ महिलाहरुले व्यवसायीक बुंगुर पालेका छन् ।

नामै नसुनेको पार्टीको बन्दले जनवीवन प्रभावित

नेपालगन्ज, ७ असार ः अर्धभूमीगत हिन्दुबादी संगठन भिष्म एकता परिषद नेपालले आव्हान गरेको मध्यपश्चिम बन्दले सुर्खेत, बााके, बर्दिया, दाङलगाएतका जिल्लाको जनजिवन प्रभावित भएको छ । छोटो दुरीका सवारी साधन फाट्टफुट्ट चलेपनि लामो दुरीका सवारीका साधन चल्न सकेका छैनन् ।
सोमवार बिहानै देखि पसल बजार उद्योगधन्दा कलकारखाना बन्द भएका छन् । नेपाललाई हिन्दु राज्य बनाइनु पर्ने, नयां संविधानका लागि जनमत संग्रह गरिनुपर्ने लगाएतका ९ बुंदे माग राखी भिष्म एकता परिषदले सोमवार र मंगलवार मध्यपश्चिममा आमहड्ताल आव्हान गरेको छ ।
आफ्ना मागहरु प्रति सरकार सहित अन्य दलहरुले बेवास्ता गर्दै आएकाले बन्द हड्ताल गर्नुपरेको केन्दि्रय अध्यक्ष सिन्धुद्धारा हस्ताक्षरित बिज्ञप्तीमा उल्लेख गरिएको छ । बन्दमा कुनै अपि्रय घटना हुन नदिन सुरक्षा ब्यबस्था कडा पारिएको मध्यपश्चिम क्षेत्रीय प्रहरी कार्यालय सुर्खेतले जनाएको छ । बिहानैदेखि सवारीका साधन सञ्चालनमा नआएपछि गन्तव्यमा पुग्न हिंडेका यात्रुहरु अल्पत्र परेका छन् ।
यसैगरी परिषद्ले पर्चा वितरण गरी बन्दको आव्हान गरेपछि दाङमा उद्योगधन्दा, कलकारखाना, शिक्षणसंस्था, बजार र यातायात सेवा पूर्णतः ठप्प रहेका छन् । छोटो तथा लामो दूरीका कुनै पनि सवारीसाधन चलेका छैनन् । भीष्म एकता परिषद्ले बेवास्ता गरी हडतालको अवज्ञा गरेमा जुनसुकै मिति र समयमा कुनै जानकारीबिना नै कारवाही गरिने चेतावनी दिएको थियो ।
सोही चेतावनीका कारण यसअघि नामै नसुनिएको पार्टीको बन्दले यति धेरै प्रभाव पारेको हुनसक्ने अनुमान गरिएको छ । पर्चामा २०६३ सालमा सुदूरपश्चिमबाट परिषद्को स्थापना भएको र हिन्दू अधिराज्य लगायतका मागहरु राखी संघर्ष गर्दै आएको उल्लेख छ । उसले २०६६ असोज २१ गते शान्तिपूर्ण सुदूरपश्चिम बन्द सफल पारेको दावी गरेको छ । त्यसपछि चैत ९ गते सुदूर र मध्यपश्चिम बन्दको आव्हान गरिएकोमा हिन्दू धर्म भएको देश हेर्न नचाहनेहरुले अवज्ञा गर्दा सुदूर पश्चिममा एकदर्जन बढी सवारी साधनहरुमा आगजनी भएको पर्चामा उल्लेख छ । पर्चामा २०६२/०६३ को जनआन्दोलनमा जनताले राजतन्त्रको बारेमा फैसला गरेको तर धर्मनिरपेक्षताको विषयमा कुनै फैसला नगरेकाले यस विषयमा विचार नगरिए सम्म संघर्ष जारी रहने जनाइएको छ ।
वर्तमान सरकारलाई जनविरोधी सरकारको संज्ञा दिादै पर्चामा यसको राजीनामा र सर्वदलीय सरकारको माग पर्चामा उल्लेख छ । त्यस्तै, नेपाल हिन्दू अधिराज्य स्थापना हुनुपर्ने, नयां संविधानको बैधता जनमत संग्रहबाट गरिनुपर्ने, जातीय संघीयता चाहिंदैन, अपराधिक गिरोहलाई नियन्त्रण, राष्ट्रिय जनावर गाई हुनुपर्ने, शान्ति स्थापना हुनुपर्ने, भूमिहीनहरुको पुनस्र्थापना, द्वन्द्वपीडितलाई राहत र पुनस्र्थापना, प्राकृतिक स्रोतसाधनको जगेर्ना लगायतका मागहरु पर्चामा उल्लेख गरिएको छ ।

५० विद्यार्थी बराबर एक शिक्षक अनुदान दिइने

नेपालगन्ज, ७ असार ः जिल्ल्ाा शिक्षा कार्यालय बाँकेले शैक्षिक शस्त्र २०६७।६८ का लागि ५० विद्यार्थी बराबर एक शिक्षक अनुदान रकम वितरण गर्ने भएको छ ।
जिल्ला शिक्षा कार्यालय बाँकेले दिएको जानकारी अनुसार, विद्यार्थीको चाप बढ्दै गएपछि ५० विद्यार्थी बराबर एक शिक्षकको अनुदान दिने निर्णय गरिएको हो ।
बाँकेमा प्राथमीक बिद्यालय तहमा १ करोड ७९ लाख र निम्न माध्यामीक तहमा ४२ लाख अनुदान रकम वितरण गरिने जिल्ल्ाा शिक्षा कार्यालय बाँकेका शाखा अधिकृत मन प्रसाद रेग्मीले जानकारी दिए ।
शाखा अधिकृत रेग्मीका अनुसार जिल्लाका प्रावि तहमा ५० विद्यार्थी बराबर एक शिक्षकका लागि १ करोड ६९ लाख र निमावि तहमा ५० विद्यार्थी बराबर एक शिक्षक कार्यक्रम अन्तर्गत २८ जना शिक्षकलाई ४२ लाख अनुदान रकम यस आर्थिक वर्षमा दिईने छ ।
विद्यालयका लागि पिसीएफ अनुदान रकम यही असार २० गतेभित्र वितरण हुने पनि जिल्ला शिक्षा कार्यालय बाँकेले जनाएको छ । शिक्षक अनुदान रकम वितरण गरिएपछि जिल्लाका सामुदायिक विद्यालयहरुको अवस्था बलियो हुँदै गएको छ ।

कमलरीका अभिभावकलाई रोजगारीको व्यवस्था गर्न माग

नेपालगन्ज, ६ असार ः कमलरी प्रथा निर्मूल पार्न कमलरीका अभिभावकहरुलाई रोजगारीको ब्यबस्था गर्नुपर्नेमा जोड दिईएको छ ।
लालि गुरांस यूवा क्ल्ाव कोहलपुर र एफ एन सी को संयूक्त आयोजनामा कोहलपुरमा सम्पन्न भएको कमलरी प्रथा उन्मुलन बिषयक अन्र्तक्रिया कार्यक्रमका सहभागिहरुले सो कुरामा जोड दिएका हुन ।
कार्यक्रममा कमलरी प्रथा उन्मूलन गर्न अपनाउन सकिने उपायहरुको बारेमा समेत छलफल भएको थियो । बाबु आमाको आर्थिक स्थिति कमजोर भएकै कारण उनिहरुले छोरा छोरिलाई कमलरीको रुपमा राख्न बाध्य हुने भएकोले कमलरी प्रथा हट्न नसकेको निष्कर्श सो कार्यक्रममा निकालिएको छ ।
बांके, बर्दिया, दाङ, कैलाली रकन्चनपुर लगायतका जिल्लामा अझै पनि सैयौं बाल बालिकाहरु कमलरीको रुपमा बस्न बाध्य भएका छन ।
सरकारले कमलरी बसेका बाल बालिकाहरुलाई उद्दार गरि उनिहरुलाई सिप मूलक तालिम दिने भन्दै १२ करोड रुपियाको बजेट छुट्याएपनि सो बजेट अझै सबै आईनपुगेको एफ एन सी ले जनाएको छ ।
सो संस्थाका अनुसार बजेट समयमा आईनपुग्दा अझै सयौं कमलरी हरु नारकीय जिवनयापन गर्न बाध्य भएका छन् ।

बांकेका सम्पूर्ण गाविस सचिवले आज राजीनामा दिने

नेपालगन्ज, ६ असार ः पछिल्लो दिनमा बढ्दै गएको असुरक्षाका कारण काम गर्न नसकेको भन्दै बांकेका ४६ वटै गाविसका सचिवहरुले सोमवार सामूहिक राजीनामा दिने भएका छन् ।
जिल्ला विकास समिति बांकेमा आईतवार बसेको गाविस सचिव हकहित संरक्षण केन्द्रको आकस्मिक बैठकले चन्दा आतंक बढेको, हत्या र आक्रमणको धम्की आएको तथा सुरक्षा व्यवस्था कमजोर भएको कारण देखाएर सामुहिक राजीनामा दिने निर्णय गरेका हुन ।
गाविस सचिव हकहित संरक्षण केन्द्र बांकेको बैठकमा जिल्लाका प्रमुख जिल्ला अधिकारी बासुदेव दाहाल र प्रहरी प्रमुख महेशविक्रम शाहलाई गाउमा बस्न साहै्र असुरक्षा भएको जनाउदै उनिहरुले सुरक्षाको माग गरेका थिए । सो अवसरमा उनिहरुलाई प्रयाप्त सुरक्षा प्रदान गर्ने प्रतिबद्धता जनाउदै आवश्यक निर्देशनहरु पनि दिईएको प्रमुख जिल्ला अधिकारी दाहालले वताए ।
उनले गाविस सचिवहरुले सामुहिक राजिनामा दिने निर्णय गरेको मौखिक जानकारी दिएको पनि वताए ।
गाविस सचिव हकहित संरक्षण केन्द्रका पूर्व अध्यक्ष नवराज शाहले असुरक्षाका कारण सामुहिक राजिनामा दिने निर्णय गरिएको जनाउदै आईतवार सबै सचिवहरुको उपस्थिति नभएकोले सोमवार राजिनामा दिने तय गरिएको जनाए ।
उनले सचिवहरुले राजीनामा दिईसकेपछि अब सबै जिम्मेवारी स्थगित गर्ने निर्णय पनि गरिएको जनाउदै कुनैपनि काम नगर्ने बताए ।
आइतवार ३५ जना सचिवले सामुहिक राजिनामामा हस्ताक्षर गरिसकेको र बाँकीले सोमवार हस्ताक्षर गरेर स्थानीय विकास अधिकारीलाई बुझाईने पनि उनले वताए । सचिवहरुले राजीनामा दिने निर्णय गरेपछि बांके जिल्ला गाविस सचिवविहनि बनेको छ भने विकास निर्माणका सबै काम ठप्प हुने भएका छन् । सीतापुर गाबिसका सचिव ईन्द्र बहादुर श्रेष्ठको हत्यापछि आतंकित भएका बांकेका अधिकांस गाविस सचिवले सुरक्षाको माग गर्दै यस अघि नै गाविस छोडेका थिए । उनिहरु ग्ात तीन महिनादेखि गाबिसमा मन लागे जाने नलागे नजाने गर्दै आएका थिए ।
गाविस सचिव गाउं नगएकै कारण जिल्लाका बिभिन्न गाविसका योजना र ईलाकास्तरीय योजनाहरु पनि नेपालगन्जमै बैठक र गोष्ठी गरेर सम्पन्न भएका थिए ।
पूर्ण रुपमा सुरक्षाको अनुभूति नभएसम्म गाविसमा नजाने निर्णय गरेका सचिवहरुले अहिले गाउंहरुमा ब्यापक चन्दा आतंक भएको तथा नदिए अपहरण र ज्यान मार्ने धम्की आएकोले सामुहिक राजिनामा दिने निर्णय गर्नु परेको बताएका छन् ।
सचिवहरुलेे सीतापुरका सचिव श्रेष्ठको हत्या भएको तीनमहिना बितिसक्दा पनि हालसम्म उनका हत्यारा पक्राउ गर्न प्रहरी प्रशासन असक्षम भएको जनाउदै प्रहरी प्रशासनको आलोचना गरेका छन् ।
जिल्लाको दुर्गम क्षेत्रको रुपमा परिचित राप्ती पारिका गाबिस सचिवहरुले पटक पटक सुरक्षाका लागि सम्बन्धित निकायलाई गुहार्दा पनि सुनुवाई नभएको गुनासो गर्दै बाध्य भएर राजिनामा दिने निर्णय गरेको केन्द्रका पूर्व अध्यक्ष शाहले वताए ।
ग्ात माघ १२ गते गाविसको परिषद सकेर घर र्फकने क्रममा सीतापुर गाविसका सचिव ईन्द्र बहादुर श्रेष्ठको अपहरण गरि हत्या गरिएको थियो ।

२७ सय बढीलाई निशुल्क प्रसुती सेवा

नेपालगन्ज, ६ असार ः भेरी अञ्चल अस्पतालले आमा सुरक्षा कार्यक्रम अन्तर्गत आव ०६६/०६७ को बैशाख महिनासम्म २७ सय १७ जना आमालाई निःशुल्क प्रसुती सेवा प्रदान गरेको बताएको छ ।
नेपाल सरकारले गर्भवती महिलाको लागि ल्याएको विशेष कार्यक्रम अन्तर्गतको आमा सुरक्षा कार्यक्रममा गर्भवती महिलाले सुत्केरी हुंदाको समयमा लाग्ने सम्पूर्ण खर्च निःशुल्क गरेपछि सो सेवा निःशुल्क प्रदान गरेको बताएको हो ।
नेपाल सरकारले सुत्केरी हुंदा लाग्ने बेडचार्ज, ब्लड, अप्रेसन, मेडिसिनलगायत सम्पूर्ण खर्च सुत्केरी हुन आउने आमालाई निःशुल्क दिने गरेको र घर र्फकदा यातायात वापत रु ५ सय समेत दिने गरेको छ ।
आईतवार भेरी अञ्चल अस्पतालले आयोजना गरेको आमा सुरक्षा कार्यक्रमको सामाजिक लेखा परिक्षण कार्यक्रममा अस्पतालले दिने निःशुल्क सेवाहरुको बारेमा साथै अस्पतालले आमा सुरक्षा कार्यक्रम अन्तर्गत गरेको क्रियाकलापहरुको बारेमा जानकारी गराएको थियो ।
आमा सुरक्षा कार्यक्रमका लागि आव ०६६/०६७ मा आएको कुल १ करोड ५ लाख ७४ हजार रकम मध्ये स्वास्थ्य संस्थामा ६६ लाख ९५ हजार ५ सय र आमाहरुको लागि १३ लाख ३९ हजार रकम खर्च भईसकेको जनाएको छ ।
भेरी अञ्चल अस्पतालका प्रमुख विमल ढकालले नेपाल सरकारले गर्भवती महिलाले ४ पटकसम्म नियमित चेक जांच गराएवापत रु ४ सय उपलब्ध गराउने नियम बनाएपनि अझै सम्म सो रकम वितरण गर्ने वातावरण नमिलाएको बताए । कार्यक्रममा सहभागीहरुले यस क्षेत्रका दुर्गम गाविसबाट सुत्केरी हुन आउने आमाहरुलाई नेपाल सरकारले दिने रु ५ सय भत्ता अपुग भएको हुंदा त्यसलाई बढाउनुपर्ने सुझाव दिएका थिए ।

जोखिममा परेका बालबालिकालाई सहयोग

नेपालगन्ज, ६ असार ः जोखिममा परेका बालबालिकालाई सहयोग गर्न फातिमा फाउण्डेसनको सहयोगमा १७ सय ६४ रुपैया संकलन भएको छ । फातिमा फाउण्डेसनको शान्ति तथा पुनर्मिलनका लागि युवा कार्यक्रमले शुरु गरेको खुतुर्के अभियानबाट सो रकम संकलन भएको हो । आईतबार फातिमा फाउण्डेसनले एक कार्यक्रमको आयोजना गरी १८ वटा खुतुर्केबाट जम्मा भएको रकम सार्वजनिक गरेको हो ।
जम्मा भएको रकमलाई विभिन्न समयमा जोखिममा परेका बालबालिकालाई सहयोग गर्ने उद्देश्य रहेको कार्यक्रमका सहसंयोजक सपना भट्टराईले बताईन् ।
उनले उक्त कार्यक्रम अन्तर्गत खुतुर्केलाई गाउं गाउंमा वितरण गरेर प्रत्येक दिन एक रुपैया खुतुर्केमा जम्मा गर्ने र महिनाको अन्तिम दिन सबै खुतुर्केलाई जम्मा गरी त्यसमा संकलन भएको रकम जोखिममा परेका बालबालिकहरुलाई सहयोग गर्ने बताए ।
कार्यक्रममा सभासद मोहम्दी सिद्दिकीले सबैको सहयोग र सद्भावले मात्र केहि गर्न सकिने भएको हुंदा खुतुर्के कार्यक्रममा सहभागी भईदिन सबैसंग आग्रह गरेकी थिईन् ।

'सहमतिले सरकारलाई बाधा'- मन्त्री पोख्रेल

नेपालगन्ज, ६ असार ः सूचना तथा सञ्चार मन्त्री शंकर पोख्रेलले तीन दलबिच जेठ १४ गते भएको सहमती कार्यान्वयन भएलगत्तै सरकारले राजिनामा दिने बताएका छन् । उनले भने- सरकारका लागि राजिनामा दिनु कुनै ठूलो कुरा होइन, तर त्यसको लागि बिकल्प पनि तयार गरेर देखाउन सक्नु परयो ।
बांकेको रांझा बिमानस्थलमा आईतवार बिहान आयोजित पत्रकार सम्मेलनमा बोल्दै संचारमन्त्री पोखे्रलले तीन दल विच भएको सहमति कार्यान्वयन नहुंदा मुलुकमा थप जटिलता उत्पन्न भएको बताए ।
उनले तत्काल सहमति कार्यान्वयन गर्न सकिन्छ, कि सकिदैन भन्ने कुरा स्पष्ट पार्न तिन दलसंग आग्रह समेत गरे ।
तिन दल बीचको सहमती कार्यान्वयन नहुंदा र सबैले आ आफ्नै तरिकाले सहमतीलाई ब्याखा गर्दा सरकारलाई काम गर्न अप्ठ्यारो भइरहेको बताउदै मन्त्री पोख्रेलले सरकार तिन बुंदे सहमती कार्यान्वयनमा सहयोग गर्न सधै तत्पर रहेको पनि उल्लेख गरे । सरकारका प्रवक्ता समेत रहेका मन्त्री पोख्रेलले शान्ति र संविधानलाई निष्कर्षमा पुर्‍याउन राष्ट्रिय सहमतीको सरकारको विकल्प नरहेको प्रष्ट पार्दै सो विकल्प दलहरुले नदिएसम्म सरकारले कुनै हालतमा राजिनामा नदिने बताए ।
उनले राष्ट्रिय सरकारको आवश्यकता परेको बेला बहुमतीय सरकारको पुनः अभ्यास भइरहेकोमा असन्तुष्टि प्रकट गर्दै भने-बहुमत प्राप्त सरकार त अहिले नै छदै छ नि । त्यसैको फेरी कसरत गरेर कसरी शान्ति र संविधान निर्माण हुन सक्छ ।
अब पनि बहुमतीय प्रणालीमा जाने हो भने संविधान र शान्ति प्रक्रिया नटुङ्गनिे दावी गर्दै उहाले बहुमतीय सरकारको कसरत नगर्न दलहरुलाई आग्रह पनि गरे ।
यस्तै सोही अवसरमा बोल्दै गृहमन्त्री भिम रावलले दलहरु बिच भएको राजनीतिक सहमतीको अपब्याखा गर्न छाडेर अविलम्ब कार्यान्वयन गर्न आग्रह गरेे । उनले सो सहमती कार्यान्वयन नहुंदा सरकारलाई नीति,कार्यक्रम तथा बजेटको तयारी गर्न समस्या भइरहेको बताए ।
उनले सहमती कार्यन्वयनको बाटो पर्खेर सरकारका नियमित काम कारवाही भने नरोकिने बताउदै सरकारले आफ्नो जिम्मेवारी पुरा गर्न कुनै कसर बााकी नराख्ने बताए ।
पहिलेको तुलनामा अहिले मुलुकको शान्ति सुरक्षाको अवस्था धेरै राम्रो भएको दावी गर्दै उहाले सरकारलाई सहज तरिकाले काम गर्न नदिईएपनि सरकारले कानूनको राज्य स्थापनामा सफलता प्राप्त गरेको बताए ।

गर्मीका कारण दुधको अभाव

नेपालगन्ज, ६ असार ः अत्यधिक गर्मीका कारण भैसीको दुध दिने क्षमता घटेपछि बाँके र बर्दियामा दुधको अभाव सिर्जना भएको छ ।
जिल्ला पशु सेवा कार्यालयका अनुसार, गर्मीका कारण हरियो घांसको कमी हुनु र भैसीको प्रजनन समय भएकाले दुध दिने क्षमता घटेको हो ।
तराईमा गर्मीयाममा घांस नपाइने र परालको भरमा मात्र पर्याप्त दुध दिने क्षमता घटेको कृषकहरुले बताएका छन ।
भैसीको दुध दिने क्षमता घटेपछि दैनिक १५ हजार लिटर दुध खपत हुने गरेको नेपालगन्जमा अहिले दुध आपूर्ति हृ्वात्तै घटेको छ ।
बांके र बर्दियामा भदौ महिनादेखि बैशाखसम्म चार हजार ५ सय लिटर दुध संकलन हुने गरेकोमा जेठ महिनापछि दुवै जिल्लावाट दैनिक ५०० लिटर दुध मात्र संकलन भइरहेको दुग्ध विकास संस्थान नेपालगंजले जनाएको छ । नेपालगन्जमा बर्दिया र भारतबाट समेत दुधको आपुर्ति भएपनि उपभोक्तको माग अनुसार दुध उपलव्ध गराउन सकिएको छैन । बाँकेमा दुध प्रशोधन गरि वितरण गर्ने दुग्ध सेवा केन्द्र सात वटा रहेका छन् ।

अपाङता भएकाको समस्या प्रति संवेदनशिल हुनु पर्ने

नेपालगन्ज, ६ असार ः बांकेका प्रमुख जिल्ला अधिकारी वासुदेव दाहालले अपाङ्गता भएकाहरुको समस्यामा सबै संवेदनशील हुनु पर्ने बताएका छन् ।
अपाङ्गता भएका व्यक्तिहरुको अधिकार तथा शान्ति प्रक्रियामा सक्रिय सहभागिता विषयक अन्तरक्रिया कार्यक्रममा प्रजिअ दाहालले सो कुरा बताएका हुन् । प्रजिअ दाहालले अपाङ्गता भएकाहरुको समस्याका बारेमा सरकारी तवरबाट पनि पहल भईरहेको र यसतर्फ सबै निकायले सहयोग गर्नुपर्ने बताए ।
कार्यक्रममा सिप विकास तथा तालिम केन्द्रका केन्द्र प्रमुख जेण्टिल गौतमले अपाङ्ग पनि यो देशको नागरिक हो त्यसकारण अपाङ्गलाई पनि सपाङ्ग सरह व्यवहार गनर्ृ पर्ने बताए । अपाङ्ग शसक्तिकरण एवं संचार समूहको आयोजनामा भएको कार्यक्रममा जिल्ला कृषी विकास कार्यालयका राम प्रसाद गौतम, जिल्ला शिक्षा कार्यालयका प्रतिनिधि केशव गौतम, गैर सरकारी संस्था नेटवर्कका अध्यक्ष चन्द्र प्रसाद तिमिल्सेना, हेण्डिीकेप इन्टिरनेशनलका अरुण बेल्बासे लगायतले बोलेका थिए ।
संचार समूहका नमस्कार शाहले संचालन गरेको कार्यक्रममा संचार समूहका निर्देशक देवीदत्त आर्चायले अपाङ्गता भएका व्यक्तिहरुको अधिकार सम्बन्धि मासन्धि २००६ का विषयमा कार्यपत्र प्रस्तुत गरेका थिए भने समूहका कार्यवाहक अध्यक्ष इन्द्र शेरचनको अध्यक्षतामा कार्यक्रम सम्पन्न भएको थियो ।

बजेट निकासा नहुंदा पशु विकास कार्यक्रम प्रभावित

नेपालगन्ज, ५ असार ः जिल्ला पशु सेवा कार्यालय बांकेको सामूदायिक पशु विकास आयोजनाको तृतिय चौमाशिक बजेट निकासा नहुंदा पशु विकासको काम प्रभावित भएको छ ।
बांके जिल्लामा सञ्चालित सामुदायिक पशु विकास आयोजनाको करिव १५ लाख रुपैया रकम चैत महिनामा निकासा भईसक्नुपर्ने भएपनि असार लागिसक्दा समेत निकासा हुन सकेको छैन ।
चार- चार महिनामा अर्थ मन्त्रालयबाट निकासा हुनु पर्ने उक्त रकम अहिलेसम्म निकासा नभएपछि लक्ष्य अनुसार पशु विकास कार्यक्रम हुन सकेको छैन ।
समयमा रकम निकासा नहुंदा बाके जिल्लामा सञ्चालित सामुदायिक पशु विकास कार्यक्रम अन्तर्गत प्राविधिक सहयोग,औषधी उपचार,प्रचार प्रसार, पशु कृत्रिम गर्भपतन, नियमित खोप लगायतका काम प्रभावित भएको पशु सेवा कार्यालयका पशु चिकित्सक जनकराम भण्डारीले बताएका छन् ।
उनले रकम निकासाको लागि सम्बन्धित निकायलाई अनुरोध गरिएको पनि जनाए ।
समयमा बजेट प्राप्त नभएपछि विभिन्न कार्यक्रम अलपत्र परेकोले पुन सुचारु गर्न समस्या हुने देखिएको छ ।

करेन्ट लागेर युवकको मृत्यु

नेपालगन्ज, ५ असार ः करेन्ट लागेर शनिवार बांके जिल्लामा एक जनाको मृत्यु भएको छ ।
शनिवार दिउंसो १२ बजेतिर घरमा बिद्युतको काम गरिरहेका बेला करेन्ट लागेर बाँके जिल्लाको उढरापुर गाउं बिकास समिति- ५ का ४५ वषिर्य विद्याराम कमारको मृत्यु भएको ईलाका प्रहरी कार्यालय धनौली खजुराले जनाएको छ ।
इलाका प्रहरी कार्यालय धनौलीका अनुसार कमारको घटनास्थलमै मृत्यु भएको हो ।
विद्युतमा अहिले निकै कम भोल्टेज आईरहेकाले पनि पटक पटक तार लगायतमा मर्मत गर्नु परेकोले यस्तो अवस्था सृजना हुने गरेको स्थानीय वासिन्दाले बताएका छन् ।
जिल्लाका अन्य स्थानमा समेत बिद्युत आपूर्तिमा देखिएको समस्यालाई सर्वसाधारणले आफै समाधान गर्न खोज्दा असावधानी हुंदा करेण्टको शिकार हुनु परेको छ ।

गर्मी र खडेरीले आक्रान्त बांके, बर्दिया

नेपालगन्ज ५ असार ः केहि साता देखि पश्चिम तराइमा बढेको गर्मीले यस क्षेत्रका वासिन्दा आक्रान्त भएका छन् । दिन प्रति दिन गर्मी बढने क्रम जारी छ, जनजीवन कष्टकर बन्दै गइरहेको छ । यता खडेरीका कारण यस वर्ष कृषी उत्पादनमा ठुलो ह्रास आउने कृषी विज्ञहरु वताउंछन् ।
बांके र बर्दियामा अत्यधिक गर्मीले घर भित्रका सबै समान तातिएका छन् । कोठा भित्र पंखा चलाएर बस्दा खलखली पसिना आइरहेको हुन्छ । त्यतिमात्र होइन कुर्सी, टेबुलमा हात राख्दा होस या मोबाइल, टेलीफोन कानमा लगाउंदा होस् चसक्क पारेर आगोले पोलीएको जस्तो अनुभुती हुन्छ ।
दिन दिनै तापक्रम बढ्दो क्रममा छ । जल तथा मौषम विज्ञान विभाग काठमाण्डौंका अनुसार, शनिवार नेपालगन्जको अधिकतम तापक्रम ४०.०२ डिग्री सेलसीयस पुगेको छ । गर्मीका कारण चार दिन अघि मात्र नेपालगन्जमा हिंड्दा हिंड्दै एक जनाको मृत्यु भएको छ ।
नेपालगन्जमा आजभोली रातको ११,१२ वजेसम्म मानिसहरु घरको छत माथि बसिरहेका हुन्छन् । गर्मीले घरका भित्ताहरु तातीने हुनाले राती अबेर मात्र कोठामा सुत्न आउने गरेको नेपालगंज - १ धम्बोझीकी सरिता केसी वताउंछिन् । 'पखंा चलायो भने तातो हावा फाल्छ । छत तातीएर सुत्नै सकिदैन ।-सरिता भन्छिन्- राती अली सितल हुन्छ त्यसपछि मात्र कोठामा सुत्न आउंछु ।
गर्मीले दिउंसो १२ वजेपछि नेपालगंजका बजार तथा सडकहरुमा आवत जावत गर्ने मानिसको संख्या ज्यादै न्युन हुन्छ । वाहिर हिंड्दा गर्मी र त्यसमा पनि तातो हावा वहने हुंदा जन जिवन निकै अस्त व्यस्त भएको छ । सहि नसक्नु गर्मी बढेपछि बजारमा एसी, कुलर, टेबल पखांको विक्री बढेको नेपालगन्जका इलेक्टूोनिक पसलहरुले वताएका छन् । ठेला, रिक्सा तथा टांगाहरु सवारी बोक्न छाडेर गर्मी छल्न रुखको छहारी मुनी बसेका हुन्छन् । भारत नानपार निवासी ओम प्रकाश मिश्र शनिवार दिउंसो नेपालगंज सुर्खेतरोड छेउमा रुख मुनी आफ्नै रिक्सा माथि आनन्दले सुतीरहेका थिए ।
१५ वर्ष देखि नेपालगन्जमा रिक्सा चलाउंदै आएका मिश्रले निन्द्राबाट ब्युंझियपछि भने-यहां रिक्सा चलाउन थालेको धेरै वर्ष भयो यस्तो गर्मी त कहिल्यै थाहा पाएको थिएन । रिक्सा चलाउन गयो भने बेहोस हुने गर्मी छ, पैसा भन्दा ज्यानको माया भयो नि । उनले गर्मीले गर्दा रिक्सा मजदुरको कमाइ घटेको वताए ।
नेपालगन्ज बजारको ठाउं ठाउंमा चिसो पेय पदार्थ, उखु, आंपको जुस, लस्सी विक्रीका लागि राखिएको हुन्छ । सडकमा हिंड्ने बटुवाहरु गर्मी कम गर्न त्यहि जुस, लस्सी पिउने गर्दछन् । गर्मी कारण तिर्खा लाग्न हुनाले कोकाकोला, फेन्टा, स्प्राइट लगायत चिसो पेय पदार्थको विक्री बढेको छ । चोक चोकमा ड्युटीमा खटीएका प्रहरीहरु पनि अत्यधिक गर्मी भएकाले सितल भएको ठाउंमा झुम्मि रहेका हुन्छन् । एक प्रहरीले भने-गर्मीले गर्दा ड्यूटी गर्नै गाह्रो भइसक्यो, सितल खोज्दै छहारी मुनी जानु पर्छ । गर्मीले व्यापारीक कारोबारमा समेत गिरावट आएको छ ।
नेपालगन्जका होटल व्यावसायीहरु पनि गर्मीको चपेटामा परेका छन् । दिउंसो प्रायःसबै रष्टुरेन्टहरु ग्राहक नआएकाले खाली हुन्छन् । नेपालगन्ज सुर्खेत रोडमा रहेको सिदार्थ रेष्टुरेन्टका संचालक कृष्ण भण्डारीले गर्मीले ग्राहकहरु नआउंदा ठुलो घाटा लागि रहेको वताउंछन् ।
गर्मीले व्यापारीक कारोबारमा समेत गिरावट आएको छ । 'गर्मीले मानिसहरुको हिंडडुल निकै पातलीएको छ कसरी कारोबार बढनु धेरै घटेको छ - व्यापारी प्रेम खड्काले भने । असारको पहिलो साता वितिसक्दा पनि बांके र बर्दियामा पानी नपर्दा कृषकहरुमा हाहाकार मच्चिन थालेको छ । खोला नालाहरुमा पानीको सतह निकै घटेको छ भने खडेरीले पानीको सतह तल गएकाले ठाउं ठाउंमा थुपै्र धाराहरु समेत सुकेका छन् ।
यस क्षेत्रमा पम्पीन्सेटबाट पानी चलाएर लगाएको धानका ब्याड सुकेर पहेंला भएका छन् भने मकैबाली पानी नपाएर सुकेर कक्रक्क परेका छन् ।

महिला अधिकारमा जोड

नेपालगन्ज, ३ असार ः सक्रमणकालिन न्याय प्रदान गर्ने प्रकृयामा महिलाको सवाललाई प्राथामिकता दिनु पर्ने एक कार्यक्रमका सहभागिहरुले जोड दिएका छन् ।
युएनएफएको सहयोग तथा एड्भोकेसी फोरम नेपाल, क्षेत्रीय कार्यालय नेपालगन्जले गरेको संक्रमणकालिन न्याय र महिला विषयक क्षेत्रीय प्रशिक्षण कार्यक्रमका सहभागिले यस्तो बताएका हुन ।
द्वन्द्वको बेलामा घटेका मानवअधिकार उल्लंघन तथा ज्यादतिको शिकार अधिकांश महिला तथा बालबलिका भएकोले न्यायीक प्रकृयाको थालनी गर्दा सो प्रकृयामा अनिवार्य महिलाको सहभगिता बनाउनु पर्ने यस क्षेत्रका सरोकारवालाहरु एकमत भएका हुन ।
एड्भोकेसी फोरमका भुपेन्द्र खानलले द्वन्द्व प्रभावित महिला तथा बालबलिकाको समस्या पहिचान गरी उनीहरुलाई कसरी न्यायीक प्रकृयामा समावेश गराउन सकिन्छ भन्दै कार्यक्रमको आयोजना गरीएको बताउदै महिलाको समस्या महिलाले मात्र बुझ्ने भएकोले द्वन्द्वको बेलामा घटेका बिभिन्न घटनामा अनुसन्ंधान गर्ने निकाय महिला मुखि नभएसम्म महिलाले न्याय पाउन नसक्ने धारणा राख्नुभयो ।
क्षेत्रीय संयोजक सुशील लाखेले संक्रमण काल भन्दै कुनै पनि मानवअधिकारको ज्यादतिको घटनामा संलग्नले उन्मुक्ति पाउनु नहुने बताउनुभयो ।
तीन दिनसम्म चल्ने प्रशिक्षणमा अधिवक्ता विनु श्रेष्ठ, जितेन्द्र बोहरालागयतले सत्यनिरुपन तथा मेलमिलाप आयोग, संक्रमण कालिन न्यायीक प्रकृया, महिलाको न्यायमा पहुच लागयतका विषयमा प्रशिक्षण दिने बताईएको छ ।

नेपाल टीभीको कोहलपुर प्रशारण केन्द्र बन्द गर्ने निर्णय

नेपालगन्ज, ३ असार ः नेपाल टेलिभिजन सञ्चालक समितिले टेलिभिजनको कोहलपुरस्थित क्षेत्रीय प्रसारण केन्द्र बन्द गर्ने निर्णय गरेको छ ।
विकेन्दि्रत अवधारणा र संघीय संरचनाको बहस भैरहेका बेला सरकार नियन्त्रित टेलिभिजनले रजत वर्ष मनाइरहंदा एकमात्र क्षेत्रीय प्रसारण केन्द्र बन्द गराउन थालेको हो ।
१५ वर्षदेखि मध्य तथा सुदूरपश्चिम क्षेत्रमा सञ्चार सेवा पुर्‍याउादै आएको क्षेत्रीय प्रसारण केन्द्र पुनःसञ्चालनको कुरा चलिरहंदा एक्कासी बन्द गर्ने निर्णय गरिएको टेलिभिजन श्रोतले जनाएको छ । क्षेत्रीय प्रसारण केन्द्रले मध्य तथा सुदूरपश्चिम क्षेत्रका बासिन्दालाई शिक्षा, स्वास्थ्य, खेलकुद, मनोरञ्जन, विकास तथा समाचारलगायत हरेक प्रकारका सञ्चार सेवा पुर्‍याउंदै आएको थियो ।
क्षेत्रीय प्रसारण केन्द्र बन्द गर्ने निर्णय गरिएकोप्रति यस क्षेत्रका वासिन्दा दुःखी भएका छन् । क्षेत्रीय प्रसारण केन्द पुनःसञ्चालनका लागि यस क्षेत्रका स्थानीय वासिन्दा, उद्योगी, व्यापारी, राजनीतिक दलका प्रतिनिधिलगायतले प्रधानमन्त्री तथा मन्त्रीहरुलाई भेटी पटक-पटक गराएको ध्यानाकर्षणको सुनुवाई गर्नुको सट्टा बन्द गर्ने निर्णय गरेर जनभावनाको अवमूल्यन गरिएको उनीहरुको भनाई छ ।
यस क्षेत्रमा सञ्चार सेवा पुर्‍याउन २०५३ सालमा स्थापना भएको केन्द्रले उत्पादन तथा प्रसारणका विभिन्न काम गर्दै आएकोमा २०६१ फाल्गुण १३ मा माओवादी आक्रमणपछि प्रसारण बन्द हुन पुगेको थियो । अन्तरिम व्यवस्थापिका संसदमा यसक्षेत्रका विधायकहरुले पटक-पटक आवाज उठाएपछि केन्द्रलाई पुनःसञ्चालन थालिएको थियो ।
श्रोतका अनुसार, २०६३ को टेलिभिजन सञ्चालक समितिले केन्द्रलाई समाचार संकलन तथा कार्यक्रम उत्पादन केन्द्रका रुपमा पुनःसञ्चालनमा ल्याउने निर्णय गरेअनुरुप तयारीका काम चलिरहेको थियो । तत्कालीन व्यवस्थापनको निर्णय कार्यान्वयन गर्ने क्रममा केन्द्रले मध्यपश्चिमको हालखबर नामक कार्यक्रम उत्पादन गरी केेन्द्रबाट प्रसारण गराउंदै आएको थियो भने ६ जना जनशक्ति व्यवस्थापन गरी समाचार संकलनको कामसमेत गर्दै आएको थियो । दक्ष जनशक्ति र उपकरणको अभावमा अपेक्षित निरन्तरता पाउन नसकेको केन्द्र पुनःसञ्चालनका लागि सहयोग
गर्न स्थानीय वासीसमेत तयार भएका थिए । निजी क्षेत्रका टेलिभिजन विकेन्दि्रत भैरहेका बेला नेपाल टेलिभिजनले कुनै पनि क्षेत्रमा आफ्नो व्यूरोसमेत खोल्न सकेको छैन ।
जनभावना विपरित आफ्नो क्षेत्रमा रहेको प्रसारण केन्द्र बन्द गर्ने निर्णय गरिएको थाहा पाएपछि स्थानीय वासीहरु आन्दोलनको तयारीमा छन् । कोहलपुर उद्योग व्यापार संघका अध्यक्ष राजेन्द्र श्रेष्ठले टेलिभिजन बोर्डले उक्त निर्णय फिर्ता नलिए चरणवद्ध आन्दोलन गर्ने बताए ।
मधेशवादी दलहरुले मधेशमा रहेको एकमात्र टेलिभिजन प्रसारण केन्द्र बन्द गरी यस क्षेत्रको विकासमा दोहोरो भूमिका निर्वाह गरेको टिप्पणी गरेका छन् । टेलिभिजनले विभिन्न भाषाभाषी र क्षेत्रलाई स्रंरक्षण दिनुको सट्टा केन्द्रीकृत गर्न खोजेको भन्दै आपत्ति जनाएका छन् । एक्कसी केन्द्र बन्द गर्ने निर्णय गरपछि करोडौंको भौतिक संरचना र महत्वपूर्ण उपकरण अलपत्र हुने भएको छ ।

गर्मीले पश्चिम नेपालमा १७ को मृत्यु

नेपालगन्ज, ३ असार ः अत्याधिक गर्मीका कारण हालसम्म मध्य र सुदुरपश्चिममा १७ जनाको मृत्यु भइसकेको छ भने समयमा पानी नपर्दा कृषकहरु साहै्र चिन्तित भएका छन् ।
अत्याधीक रुपमा बढेको गर्मीका कारण अहिलेसम्म पश्चिम नेपालमा मात्रै १७ जनाको मृत्यु भएको प्रहरीले जनाएको छ । ज्यान गुमाउनेहरु मध्ये ९ जनाको गर्मीका कारण पौडी खेल्ने क्रममा मृत्यु भएको छ भने ८ जनाको बेहोस भएर ज्यान गएको प्रहरी र मौसम विभागले जनाएको छ ।
मध्यपश्चिम क्षेत्रिय प्रहरी कार्यालयका अनुसार अत्याधीक रुपमा बढेको गर्मीका कारण पौडि खेल्न गएका दाङमा २ बालीका, कैलालीमा १ युवक, अछाममा एक शिक्षक र सुेर्खेतमा एक बालिकाको ज्यान गएको थियो ।
त्यसै गरी गत हप्ता मात्रै डोटीको कालासैनमा पौडी खेल्ने क्रममा एकै घरका २ भाइलाई खोलाले बगाएकोे थियो भने कञ्चनपुरको बेलझुन्डीमा २ जनाको पनि पौडि खेल्ने क्रममै ज्यान गएको जल तथा मौसम बिज्ञान बिभागले जानकारी दिएको छ । यसै गरी लामो खडेरी संगैको गर्मीका कारण बेहोस भएर मध्य तथा सूदुरपश्चिममा गरी ७ जनाको ज्यान गैसकेको पनि मौसम बिभागले जानकारी दिएको छ ।
पछिल्लो पटक गर्मीका कारण बेहोस भएर बुधवार मात्र नेपालगन्ज १४ का गोपाल कांदुको मृत्यु भएको थियो ।
यस्तै गर्मीकै कारण पश्चिम नेपालका अस्पतालहरुका दिनदिनै बिरामीहरुको चाप समेत बढ्दै गएको बिभागले जनाएको छ ।
पानी परेपछि खेतीपाती गर्नेे आसमा बसेका पश्चिम नेपालका किसानहरु लामो समयसम्म पनि मनसुन सुरु नंहुदा साहै्र चिन्तीत बनेका छन ।
जल तथा मौसम बिज्ञान बिभागका अनुसार फाटफुट रुपमा तत्कालै पानि परिहाले पनि मनसुन सुरु हुन भने अझै करिब १ हप्ता लाग्ने छ । केही दिन अघि देखी मुलुकका केही क्षेत्रमा फाटफुट रुपमा पानी परेपनि खेती लगाउने गरी पानी नपर्दा यस्तो समस्या आएको हो । नेपालगन्ज्ा लगायतका क्षेत्रमा यस बर्ष करिब ४५ डिग्री सेल्सीयस भन्दा बढी तापमान पुगीसकेको छ ।
बरिष्ठ मौसमबिद राजेन्द्रप्रसाद श्रेष्ठका अनुसार बिहार बंगालको मनसुनी प्रभाव र नेपालको उच्च वायुमण्डलमा पश्चिमी वायुले बढी असर गरेका कारण मनसुनमा ढिलाई भएको हो । उनका अनुसार अबको करिब एक हप्तामै पुर्बी वायु पश्चिमतिर फकिर्ने निश्चित भएकाले चाडै मनसुन सुरु हुने छ ।

आन्तरिक राजस्वको छापा

नेपालगन्ज, ३ असार ः आन्तरिक राजस्व कार्यालय नेपालगन्जले बांकेको विभिन्न ठाउंमा छापा मारेर ८४ थान वियर समातेको छ ।
बिहिबार कार्यालयका कर अधिकृत यम प्रसार ढुंगानाको नेतृत्वमा गएको टोलीले छापा मार्दा इजाजत पत्र नलिई व्यवसाय गरेको पसलहरुबाट सो सामानहरु फेला पारेको हो ।
केही समय यता आन्तरिक राजस्व कार्यालयले इजाजत पत्र र प्यान नम्बर नलिई पसलहरु संचालन गर्नेहरुको अनुगमन गरिरहेको र सो पसलहरुलाई बारम्बार कार्यालयमा आई ईजाजत पत्र लिन अनुरोध गर्दा पनि नलिएको हुंदा छापा मारेको बताइएको छ ।
छापा मारिएका सामानहरु मुचुल्का गरी कार्यालयमा बुझाइ सकेको कार्यालयका प्रमुख शिव कटुवालले जानकारी दिए । कार्यालयले केही समय यता छापा मार्ने कार्यलाई तिव्रता दिएको छ । नेपालगन्जको आन्तरिक राजस्व कार्यालय गएको ०६६,०६७ आवमा अधिराज्य भरीका २२ वटा आन्तरिक कार्यालय मध्ये राम्रो काम गरेको भन्दै प्रथम भएको थियो ।

मोटरसाइकलको ठक्करबाट घाइते

कोहलपुर, ३ असार ः बांकेको कोहलपुरस्थित इलाका प्रहरी कार्यालय अगाडि मोटरसाईकलको ठक्करबाट एक महिला घाईते भएकी छन् ।
नेपालगञ्जबाट कोहलपुर चौराहा तर्फ आउदै गरेको लु ७ प ८२९७ नम्बरको मोटरसाईकलको ठक्करबाट मुगु श्रीनगर ४ कि ५७ बषिर्या लक्ष्मि हितान घाईते भएकी हुन् ।
घाईते हितानको शिक्षण अस्पताल कोहलपुरमा उपचार भईरहेको छ । भने ठक्कर दिने मोटरसाईकल र चालकलाई इलाका प्रहरी कार्यालय कोहलपुरले नियन्त्रणमा लिएको छ ।

मदरसामा रिक्शा वितरण

नेपालगन्ज, २ असार ः मदरसामा गुणस्तरीय शिक्षाका लागि संस्थागत मूलप्रभावी कार्यक्रम अन्तर्गत नेपालगन्जको दारुल उलुम गुलसने मदिना मदरसालाई पांच थान रिक्सा उपलव्ध गराइएको छ ।
बांके युनेस्को क्लबले संचालन गरेको सो कार्यक्रम अन्तर्गत उपलव्ध रिक्सा संचालनवाट प्राप्त आम्दानी मदरसामा अध्यनरत विद्यार्थीलाई छात्रवृत्ति र शैक्षिक सामग्री प्रदान गरिने कार्यक्रम संयोजक खुसीराम चौधरीले बताए । बांकेका पांच गाविस र नगरपालिकाको १५ मदरसाका लागि संचालित सो कार्यक्रम अन्तर्गत विहिबार नेपालगन्जमा अर्को मदरसा अहयाउल उलुमलाई पनि पांच रिक्सा प्रदान गरिने जनाइएको छ ।
बुधवार गरिएको एक कार्यक्रममा क्लबका सल्लाहकार निरज गौतमले दारुल उलुम मदरसाका प्रधान अध्यापक मोहम्मद नसरुद्धिन अन्सारीलाई रिक्साको सांचो र कागजात हस्तान्तरण गरे ।
पांच कक्षासम्म अध्यापन हुने सो मदरसामा हाल १ सय १ छात्र र १ सय ९ छात्रा गरि २ सय १० विद्यार्थी अध्यनरत रहेका छन । बांकेमा रहेका कूल १ सय २७ मदरसा मध्ये जिल्ला शिक्षा कार्यालयमा ९६ मदरसा दर्ता भएको बताइएको छ ।

संचारको विकास स्थानीय तहबाटै हुनुपर्ने माग

नेपालगन्ज, २ असार ः संचार गृह तथा संचार संस्थाकोे भौतिक तथा आर्थिक विकास र सेवा सुधारका लागि स्थानिय तहवाट प्रयास थालिनु पर्नेमा बुधबार आयोजित कार्यक्रममा सहभागीहरुले जोड दिएका छन् ।
संचार सम्बन्धि स्थानिय समन्वय समिति हुलाक कार्यलय नेपालगन्जले आयोजना गरेको 'बांके जिल्लाको संचारस्थिति र गर्नु पर्ने सुधार' विषयक गोष्ठीका सहभागिहरुले सो कुरामा जोड दिएका हुन् ।
कार्यक्रममा जिल्लाको समग्र अवस्था, आम संचार, लोक कल्याणकारी विज्ञापनको कार्यन्वयन, न्युनतम पारिश्रमिक, हुलाकको प्रभावकारी र टेलिकमका समस्या लगायतका विषयमा सहभागि
पत्रकारहरुबिच छलफल भएको थियो । बांकेका संचार संस्थाहरुले भोग्नु परिरहेको समस्या समाधानका लागि
सरकारले स्पष्ट संचार नीति निर्माण गर्नु पर्ने सुझाव समेत दिएका थिए ।
कार्यक्रममा समन्वय समितिका संयोजक तथा हुलाक अधिकृत केशरसिंह माझीले संचारको स्थिती र सुधारका विषयमा अवधारणपत्र प्रस्तुत गरेका थिए । प्रस्तुत कार्यपत्र र समग्र संचारको अवस्थाको बारेमा समन्वय समितिका सदस्य झलक गैरे, पे्रस स्वतन्त्रता सेनानी पन्नालाल गुप्ता, पत्रकारहरु हेमन्त कर्माचार्य, निरज गौतम, तुला अधिकारी, अछरी पोख्रेल, मो.हारुन लगायतले बोलेका थिए ।

गर्मीले एक युवकको मृत्यु

नेपालगन्ज, २ असार ः अत्याधीक गर्मीका कारण बुधवार दिउंसो नेपालगन्जमा एक युवकको मृत्यु भएको छ ।
स्थानीय सेतुविक चोकबाट सदरलाईनतर्फ हिंडेर आइरहेका नेपालगन्ज १४ का गोपाल कांदु बुधवार दिउसो एक्कासी न्यूरोडस्थित स्वस्तिक होटेल नजिक सडक छेउमा ढलेका थिए ।
करिब ३० बषिर्य कांदुको मुखबाट सडकमा ढले लगतै अत्याधीक फिज आएपछि स्थानियबासीहरुले सितलमा लगेर सुताए पछि उनको मृत्यु भएको थियो । घटनाको खबर पाएलगत्तै घटनास्थलमा पुगेका वडा प्रहरी कार्यालय नेपालगन्जका प्रमुख प्रहरी निरिक्षक मुकुन्द रिजालले कांदुको मृत्यु मिर्गी आएर वा अत्याधिक गर्मी मध्ये कुनै एक कारणले भएको हुनसक्ने बताए ।
उनले तत्काल प्रहरी घटनास्थलमा पुगेपनि कांदुलाई बचाउन नसकिएकोमा दुख ब्यक्त गरे ।
जिल्ला प्रहरी कार्यालयको मुद्दा फांटको टोलीले आएर मुचुल्का गरेर शवलाई भेरी अन्चल अस्पतालमा पुरयाएसम्म कांदुको सनाखत हुन सकेको थिएन भने पछि उनको सनाखत भएको थियो ।
कांदुको शवलाई पोष्टमार्टमपछि उनका आफन्तलाई बुझाईएको प्रहरीले जनाएको छ ।

२२ वटा सवारी साधनलाई कार्वाही

नेपालगन्ज, २ असार ः जिल्ला ट्राफिक कार्यालय बांकेले बुधबार चेक जांचका क्रममा २२ वटा सवारी साधनलाई कार्वाही गरेको छ ।
बांकेको सानो खजुरा र धनौली चौकी नजिक गरेको चेक जांचका क्रममा छतमा सवारी राखेर चलाएको सवारी साधन र लाइसेन्स नभएका
सवारी साधनहरुलाई कार्वाही गरेको प्रहरीले जनाएको छ ।
कार्वाहीमा मोटरसाईकल, बस, जिप र ट्रक रहेका छन् । विना लाइसेन्स सवारी साधन चलाउनेलाई र छतमा सवारी राखेर चलाउने सवारी साधनलाई नियन्त्रणमा लिन चेक जांच गरिएको बताइएको छ ।
जिल्ला ट्राफिक कार्यालय, बांकेका प्रहरी सहायक निरिक्षक चक्रदेव भट्टको नेतृत्वमा गएको टोलीले चेक जांचकै क्रममा १५ सय ७५ रुपैयंा राजस्व संकलन गरेको बताएको छ । जिल्लामा अनाधिकृत रुपमा भन्सार छलेर चोरी पैठारीका सवारी साधनहरु सीमा सुरक्षाले समात्न थालेपछि जिल्ला ट्राफिक कार्यालयले चेक जांचको कार्यलाई तिव्रता दिएको छ ।

१७ लाख राजस्व संकलन

नेपालगन्ज, १ असार ः वाणिज्य कार्यालय नेपालगञ्जले पछिल्लो ११ महिनाको अबधिमा १७ लाख मुल्य बराबरको राजश्व संकलन गरेको छ ।
२०६६ साउन देखि २०६७ जेठ मसान्त सम्म जिल्लाका बिभिन्न पसलहरुको अनुगमनबाट कार्यालयले राजश्व संकलन गरेको हो ।
निजी फारम दर्ता नगरि पसल संचालन गरेको र म्याद नाघेका बस्तुहरु बिक्री वितरण गर्ने पसलहरुबाट राजश्व असुल गर्ने क्रम जारी रहेको बाणीज्य कार्यालयका देवीप्रसाद श्रेष्ठले जानकारी दिए ।
बाँकेका बजारहरुमा अखाद्य बस्तुको बिक्रि, म्याद नाघेका औषधी तथा अन्य पेय पदार्थको बिक्रि बढेको गुनासो चारैतिरबाट आएपछि पछिल्ला दिनमा आएर सो कार्यालयले बजार अनुगमन कार्यलाई तिव्रता दिएको थियो ।
बजार अनुगमन बढ्दै जाँदा स्थानीय व्यवसायीहरुले आ आफ्नो पसलमा तदारुकताका साथ खाद्य सामाग्री लगायतमा चनाखो भएर राख्न थालेका छन् । उनिहरुले पसलमा मूल्यसूचि राख्ने सोच बनाएका छन् ।

ग्रीनपीस मावि विजयी

कोहलपुर, १ असार ः अखिल नेपाल फुटबल संघको आयोजनामा विहीबारदेखी शुरु भएको 'कोकाकोला अन्तर मावि छात्र तथा छात्रा राष्ट्रिय फुटबल प्रतियोगिता २०६७' को मंगलबारको खेल गि्रन पिस माविले जित्न सफल भएको छ ।
बोटलर्स नेपाल प्रालीको प्रायोजनमा शुरु भएको प्रतियोगितामा छात्रतर्फकोे मंगलबार भएको खेलमा गि्रनपिस माविले दिप ज्योती माविलाई ट्राई बे्रकरमा २ गोलका विरुद्ध ४ गोल गरेर गि्रनपिसले खेल जित्न सफल भएको हो ।
गि्रनपिस मावि र दिप ज्योतीबीचको खेलमा निर्धारित समयभित्र दुवै समूहबाट कुनै पनि गोल नभएपछि टूाई बे्रकरमा गि्रन पिस माविले ४ गोल र दिप ज्योती माविले २ गोल गरेको संघका महासचिव लोक थापाले जानकारी दिए ।
प्रतियोगितामा विजयी हुने छात्र र छात्राको समूहले काठमाण्डौंमा हुने प्रतियोगितामा सहभागी हुन पाउने छ । काठमाण्डौंमा हुने प्रतियोगितामा प्रथम हुनेले नगद २ लाख, प्रथम उपविजेताले १ लाख, द्धितिय उपविजेताले ४० हजार र तृतिय उपविजेताले २५ हजार पुरस्कार पाउने छन् । कोहलपुरमा शुरु भएको प्रतियोगिता यहि असार ३ गतेसम्म सञ्चालन हुने छ भने प्रतियोगिताको फाइनल खेल भने नेपालगन्जमा हुने जनाइएको छ ।

अन्तरालको सांगितिक श्रृंखलामा रुपाखेती

नेपालगन्ज, १ असार ः नेपालगञ्जका युवा गजलकार राजन रुपाखेती अन्तरालको जेठ श्रृंखलामा प्रस्तुत भएका छन् । मासिक रुपमा संगीत श्रृंखला गर्दै आएको अन्तरालको जेठ श्रृंखलामा पहिलो पटक रुपाखेतीले गीत गाएका थिए ।
मानवीय सम्बन्ध र प्रेमलाई गजलको माध्यमबाट कलात्मक अभिब्यक्ति दिंदै आएका रुपाखेतीले गायनका लागि छनौट गरेको गीत 'मैले गाएको गीतमा तिम्रै हंसिलो मुहार छ, मैले लाएको प्रीतमा तिम्रै रसिलो प्यार छ' ले दर्शकलाई यथेष्ठ मनोरन्जन दिएको थियो । कवि भूपि शेरचनद्वारा लिखित उक्त गीत गाइरहंदा मन्त्रमुग्ध बनेका दर्शकहरुलाई राजनले पहिलो पटक स्टेजमा गायनकालागि आएको भन्ने छनक नै महसुस हुन दिएनन् ।
गायक दीपक सल्मानी, गायिकाद्वय नम्रता पन्त र रेश्मा केसीले समेत अन्तरालको जेठ श्रृंखलामा स्वर दिएका थिए । तवलामा भरत थापा, गिटारमा निता गुरुङ्ग र प्रतीक देवकोटा तथा इफेक्टमा कृष्ण केसीले साथ दिएको यस श्रृंखलामा ९ आधुनिक गीतहरु प्रस्तुत गरिएको थियो ।
हरेक नेपाली महिनाको अन्तिम शनिवार मासिक रुपमा नेपालगञ्जमा संगीत श्रृंखला सञ्चालन गर्दै आएको अन्तरालले जेठको श्रृंखला ३१ गते अन्तराल भवन बुलबुलियामा आयोजना गरेको थियो ।

दिप ज्योती सेमिफाइनलमा

कोहलपुर, ३१ जेठ ः बाँकेको कोहलपुरमा जारी मध्यपश्चिम क्षेत्र स्तरिय कोकाकोला कप अन्तर माबि छात्र छात्रा फुटवलमा सोमबार बिहान भएको छात्रा तर्फको सेमीफाइनल खेलमा दिप ज्योति मा. वि फाइनलमा प्रवेश गरेको छ । सागरमाथा ज्ञानपुञ्ज्ा र दिप ज्यति मा.वि. बीच भएको खेलमा दुबै समुहले निर्धारित समय तथा थप समयमा पनि कुनै गोल गर्न नसकेपछि पेनालटीको अधारमा ४ गोल गरी दिप ज्योति फाइनलमा प्रबेश गरेको थियो ।
दिप ज्योति मा.वि.को तर्फबाट भद्रकला वि.क, पुनम राना, इन्दिरा पुन, नन्दनी पुनले १/१ गोल गरी आफ्नो समुहलाई विजयी बनाएका थिए ।
बाँके जिल्ला फूटबल सङ्घले आयोजना गरेको प्रतियोगीताका लागी नेपालगन्ज र कोहलपुर गरी २ केन्द्र तोकिएको छ ।
दुवै ठाउँमा विहान र बेलुका खेल सञ्चालन भइरहेका छन् ।

ठगी गरेको भन्दै कार्यालय घेराउ

कोहलपुर, ३१ जेठ ः सहयोग एन्ड बिकाश कम्पनिले ठगी गरेको बताउदैै कोहलपुरका ग्राहकहरुले शाखा कार्यालय घेराउ गरेका छन ।
सो कम्पनीले ठगी गरेको जनाउदै आक्रोशित भएका ग्राहकहरुले सोमवार उक्त कम्पनिको एक भ्यानको टायर निकालेर भ्यान,समेत नियन्त्रणमा लिएका छन ।
सहयोग एण्ड बिकाश कम्पनिले एक जना ग्राहकबाट ६ हजार ५ सय रुपैयांका दरले रकम उठाएको उनिहरुले बताएका छन् । साथै सो कम्पनिले एक जना ग्राहक बनाए बाफत रु ५०० कमीशन दिने समेत जनाएको थियो ।
सरकारले नेटवर्किङ ब्यबसायमा प्रतिबन्ध लगाएपछि सो कम्पनिले इलेक्ट्रोनिक्स सामानमा कारोबार गर्ने बताएको थियो । कोहलपुर क्षेत्रमा मात्र सो कम्पनिका ३०० जना ग्राहक रहेको बताईएको छ ।
यसैबिच इलाका प्रहरी कार्यालय कोहलपुरले कम्पनि संचालकलाई प्रकाउ गरेको छ । यस बारेमा थप अनुसन्धान भईरहेको इलाका प्रहरी कार्यालय कोहलपुरका प्रहरी निरिक्षक रुपेश रावलले बताए ।

वातावरण संरक्षणमा जोड

नेपालगन्ज, ३१ जेठ ः घरेलु तथा साना उद्योग कार्यालय बांके र बर्दियाको आयोजनामा औंधिगिक विकास र वातावरणीय सचेतना सम्बन्धी १ दिने गोष्ठि सोमबार नेपालगन्जमा सम्पन्न भएको छ ।
घरेलु तथा साना उद्योग कार्यालय बांकेका प्रमुख उद्योग अधिकृत डण्डपाणि भुसालको अध्यक्षतामा सञ्चालन भएको उक्त गोष्ठिको उद्घाटन बांकेका बन अधिकृत श्याम प्रसाद शर्माले गरेका थिए ।
सो गोष्ठिमा घरेलु तथा साना उद्योग कार्यालय बांकेका प्रमुख उद्योग अधिकृत डण्डपाणि भुसाल र महेन्द्र बहुमुखि क्याम्पस नेपालगन्जका सह-प्राध्यापक डा. कविप्रसाद पोख्रेलले दुई वटा छुट्टाछुट्टै कार्यपत्र प्रस्तुत गरेका थिए । प्रस्तुत कार्यपत्रमाथी उपभोक्ता महासंघ बांकेका अध्यक्ष डा. नारायणप्रसाद सुवेदी, वातावरण सञ्चारकर्मी विष्णु प्रसाद तिमिल्सीना, निमित्त स्थानीय विकास अधिकारी हिरामणि सुवेदीले टिप्पणी गरेका थिए भने महिला विकास अधिकृत शोभा शाह, घरेलु तथा साना उद्योग महासंघ बांकेका अध्यक्ष जीवनाथ सापकोटा, घरेलु तथा साना उद्योग महासंघ वर्दीयाका अध्यक्ष लिलामणि सुवेदी लगायतले बांके वर्दीया जिल्लामा स्थापीत उद्योगहरुले मैत्री पद्धती अपनाई वातावरण संरक्षणप्रति सचेत हुनुपर्ने वताएका थिए ।

राहत वितरण

नेपालगन्ज, ३१ जेठ ः बांकेको राप्ती पारीका अग्नी पीडितहरुलाई बागेश्वरी असल शासन क्लब -वास) ले सोमवार राहत स्वरुप लत्ताकपडा वितरण गरेको छ ।
राप्ती पारीको नरैनापुर गाविसको वार्ड नं. ५ र ६ का करिब २५ घर परिवारलाई बासले लत्ताकपडा वितरण गरेको हो ।
नरैनापुरको प्रहरी चौकीमा भएको राहत वितरण कार्यक्रममा बांकेका निमित्त प्रमुख जिल्ला अधिकारी रेशम बहादुर पाण्डे, अञ्चल प्रहरी कार्यालयका प्रमुख वरिष्ठ प्रहरी उपरिक्षक जयबहादुर चन्द र जिल्ला प्रहरी कार्यालयका प्रमुख प्रहरी उपरिक्षक महेश विक्रम शाहले अग्नी पीडितहरुलाई ५ सय वढी लत्ताकपडा वितरण गरेका थिए । सो अवसरमा बासका वरिष्ठ उपाध्यक्ष ईश्वर विक, निर्देशक नमस्कार शाह र केन्दि्रय सदस्य रिता कोईरालाको उपस्थिती रहेको थियो ।

रक्तदाताहरु सम्मानित

नेपालगन्ज, ३१ जेठ ः विश्व रक्तदाता दिवस सोमबार बांकेमा विभिन्न कार्यक्रम गरी मनाईएको छ ।
सो दिवसको अवसरमा नेपाल रेडक्रस सोसाइटीमा दिनभर खुला रक्तदान कार्यक्रम सम्पन्न भयो । सो अवसरमा नेपाल रेडक्रस सोसाइटी, बांकेले रक्तदाता उत्प्रेरणा तथा रक्तदान अन्तरक्रिया कार्यक्रमको आयोजना गरेको थियो । अन्तरक्रिया कार्यक्रममा रक्तदाताहरुको योगदान र आउने दिनहरुमा उनीहरुले गर्ने भूमिकाको बारेमा छलफल भएको थियो । छलफलमा रक्तदान गर्न रक्तदाताहरुलाई उत्प्रेरणा गराउन रक्तदाता संगठनको आवश्यकता भएको हुंदा त्यसतर्फ रक्तदाताहरुले पहल गर्नु पर्नेमा जोड दिइएको थियो ।
नेपाल रेडक्रस सोसाइटीका केन्दि्रय उपाध्यक्ष अजित कुमार शर्माको प्रमुख आतिथ्यमा सम्पन्न कार्यक्रममा १० पटक भन्दा बढी रक्तदान गर्ने २१ जना रक्तदाताहरुलाई प्रशंसापत्र प्रदान गरिएको थियो भने २५ पटक भन्दा बढी रक्तदान गर्ने ८ जना रक्तदाताहरुलाई रेडक्रस सोसाइटीको आजिवन सदस्यता प्रमाणपत्र प्रदान गरिएको थियो । सोसाइटीका अध्यक्ष गोबर्द्धन सिंह सम्झनाको अध्यक्षतामा सम्पन्न कार्यक्रममा सोसाइटीका उपसभापति शान्ति श्रेष्ठ, मन्त्री अरुणलाल श्रेष्ठ, उपमन्त्री अजीज अहमद सिद्दिकीलगायतले मनतव्य दिएका थिए । अन्तरक्रियामा सोसाइटीका वरिष्ठ अधिकृत ईश्वर रेग्मीले विश्व रक्तदाता दिवस र रक्तदाता उत्प्रेरणा कार्यक्रमको सन्दर्भमा प्रकाश पारेका थिए ।
यसै अवसरमा बागेश्वरी असल शासन क्लब -बास) ले रक्तदाता दिवसको अवसर पारी रक्तदान कार्यक्रम सम्पन्न गरेको छ ।
रक्तदान गर्नेहरुमा टिका वोहरा, अनिता वोहरा, तृष्णा वोहरा, लोकेन्द्र राणा, अमरेश प्रताप सिंह लगायतले रक्तदान गरेको संयोजक प्रतिमा महत्ाले बताए ।

दुर्घटनामा परी २३ घाइते,केही गम्भीर

बर्दिया, ३१ जेठ ः बांके, बर्दिया र सुर्खेतमा भएका छुटटा छेटटै दुर्घटनामा परि २३ जना घाईते भएका छन् । घाइतेहरु मध्ये केहीको अवस्था गम्भीर रहेको छ ।
बर्दियाको चिसापानी खण्डमा सोमवार बिहान एक यात्रुवाहक बस दुर्घटना हुदा २१ जना यात्रु घाइते भएका छन ।
काठमाण्डौबाट महेन्द्रनरतर्फ जादै गरेको ना ३ ख ३८८२ नम्बरको यात्रुवाहक बस अनियन्त्रित भई सडकमा पल्टिएर दुर्घटना भएको बर्दिया प्रहरीले जनाएको छ । प्रहरीका अनुसार सो घटनामा परी घाइते भएका सबैको नेपालगन्ज मेडिकल कलेजको शिक्षण अस्पताल कोहलपुरमा उपचार भईरहेको छ । घाइते मध्ये दुई जनाको अबस्था गम्भिर रहेको प्रहरीले जनाएको छ ।
यसैगरी सुर्खेत र बांकेको सीमानामा पर्ने चिसापानी आर्मी ब्यारेकको दुई किलोमिटर उत्तरमा आइतवार राती कार र मोटरसाइकल एक आपसमा ठोकिदा मोटरसाइकल चालक गम्भिर घाइते भएका छन ।
बुटबलबाट सुर्खेत तर्फ आउदै गरेको लु १ च ३०९२ नम्बरको कार र भे २ प ४५३६ नम्बरको मोटरसाइकल एक आपसमा ठोकिदा मोटरसाइकल चालक सुर्खेत इतराम २ का ३० वषिर्य प्रकाश खड्का गम्भिर घाइते भएको प्रहरीले जनाएको छ ।
घाइते खडकालाई शिक्षण अस्पताल कोहलपुरमा सामान्य उपचार पछि थप उपचारका लागि काठमाण्डौ लगिएको छ ।

तर्सिन थाले राप्ती किनारका बासिन्दा

नेपालगन्ज, ३१ जेठ ः होलिया गाविस ८ खडैचाका रवि शुक्लालाई यस पालिको वषर्ाले पुनः डुबाउने भयो भन्ने शंकाले मन पिरोल्न थालेको छ । हरेक वर्षको वषर्ामा आउने बाढीका कारण राप्ती पारीका ६ वटा गाविसलाई प्रभावित पार्ने भएको हुंदा शुक्लालाई अहिले चिन्ताले सताउन थालेको हो ।
वषर्ा नजिकिदै गर्दा राप्ती पारीका सर्वसाधारण कहिले बाढी आउने हो र डुबाउने हो भनेर दिन गनेर बस्न बाध्य छन् । आकासमा बादल गर्जियो भने पनि उनीहरु अब पो केही हुने हो कि भनेर डरले चिन्तित हुने गर्छन् ।
सोही गाविसका नन्नु यादवलाई पनि शुक्लालाई जस्तै चिन्ता छ । पोहोर सालको बाढीले मेरो घर जग्गा सबै बगाएर लग्यो र म विस्थापित हुन बाध्य भए,- नन्नु यादव दुखी हुदै भन्छन्-अब यस पालि पनि त बाढीले बगाउने त होला नि ।
गएको वर्ष आएको बाढीले राप्ती पारीका ६ गाविस होलिया, बेतहनी, वनकटी, फत्तेपुर, गंगापुर र मटहैयाका करिब २५ हजार भन्दा बढी बासिन्दा प्रभावित भएका थिए भने १२ हजार भन्दा बढी सर्वसाधारणले विस्थापित हुनु परेको थियो ।
लक्ष्मणपुर बांध पीडित संघर्ष समितिका सचिव राजकुमार शुक्लाका अनुसार राप्ती पारीका जनता हरेक वर्ष आउने बाढीका कारण डुबान, कटान र पटानको समस्याले पीडित छन् । वर्षेनी आउने बाढीले खेती योग्य जमिन कटान गरेर लैजाने हुंदा प्रमुख समस्याको रुपमा खाद्य संकटबाट गुज्रीनु परेको छ । बाढीका कारण त्यहांका जनतामा भोकमरी, विभिन्न रोगको संक्रमण देखा पर्ने गर्छ । बाढी नियन्त्रणका लागि आएको जनताको तटबन्धन कार्यक्रमले पनि कुनै प्रभाव नपार्ने सचिव शुक्लाको भनाई छ । उनका अनुुसार १ वर्ष पुग्न लागि सक्दा पनि उक्त कार्यक्रमले मात्र नदिको किनारमा बास गाडने काम बाहेक अरु केही काम गर्न सकेको छैन । ढुंगाले रोक्न नसक्ने बाढी के बांसले रोक्न सक्छ भनि शुक्लाले सरकारलाई प्रश्न गरे ।
जनताको तटबन्ध कार्यक्रमका इन्जिनियर नारायण प्रसाद सुवेदीका अनुसार लक्ष्मणपुर बांधको समस्या राष्टिय समस्या भएको हुंदा नितिगत तहबाट समाधान निकाल्नु पर्ने बताए । उनले भारतले बनाएको कलकलवा बांध प्रमुख समस्या भएको बताउदै आफूहरुले यस पालि कम्तिमा पनि बाढीले कटान नहोस भनेर काम गरिरहेको बताए ।

छोराद्वारा आमाको हत्या

बर्दिया ३० जेठ ः बर्दियाको कणर्ाली पारी छोराले बञ्चरो प्रहार गरी आमाको हत्या गरेका छन् । मनाउ गाविस-१ गुप्तीपुर निवासी २६ बषिर्य वुद्धिराम मगरले ६५ बषिर्या आफ्नी आमा धनिपुन मगरको आइतबार बेलुका बञ्चरो प्रहार गरेर हत्या गरेको प्रहरीले जनाएको छ ।
इलाका प्रहरी कार्यालय पाताभारका प्रहरी निरिक्षक कमल रजौरेका अनुसार, मदिरा सेवन गरेका वुद्धिरामले घांटीमा बञ्चरो प्रहरी गरी आमाको हत्या गरेका हुन् । वुद्धिरामले आमासंग झगडा गर्दै बञ्चरोले हानेको प्रहरी निरिक्षक रजौरेले जानकारी दिए ।
आमाको हत्या गर्ने वुद्धिरामलाई इलाका प्रहरी कार्यालय पाताभारले हिरासतमा लिएको छ ।

अपाङ्गले सभासद्लाई भेटे

नेपालगन्ज, २० जेठ ः मध्यपश्चिमका अपाङ्गता भएका व्यक्तिहरुले सभासद सन्ध्या देवसंग बन्न लागेको संविधानमा अपाङ्गता भएकाहरुको अधिकार सुनिश्चितताको माग गरेका छन् ।
सभासद सनध्या देव गृह जिल्ला नेपालगन्ज आएको अवसर पारि भेटका क्रममा उनीहरुले अपाङ्गहरुलाई राज्यले नेपाली नागरिकको दर्जा नदिएको गुनासो गरे । भेटेका अपाङ्गहरुले शिक्षा, स्वास्थ्य र रोजगारीको ग्यारेण्टी गराउन ति अधिकारहरुलाई संविधानको मौलिक हकमा नै लेखिनु पर्ने माग राखेका थिए ।
सुर्खेतकी शोभना खड्काले अपाङ्गका सवालमा राज्य कत्तिपनि गम्भिर नभएको गुनासो गर्दै भनिन -'राज्यले अपाङ्गहरुलाई दिने सेवा सुविधाहरु उटको मुखमा जिरा भएको छ । अपाङ्गलाई सुविधा दिएको छ त भन्छ, तर कतैपनि अपाङ्गहरुले सेवा सुविधा पाएको छैन । '
उनले उच्च शिक्षामा बे्रन लिपिको व्यवस्था नहुंदा उच्च शिक्षा हासिंल गर्न अपाङ्गहरुले सुनेकै भरमा अध्ययन गर्नु बाध्यता रहेको बताइन् । बर्दियाका कृष्ण बहादुर क्षेत्रीले राज्यले अपाङ्गहरुको लागि शिक्षा निःशुल्क गरेको भनिएपनि अपाङ्ग विद्यार्थीहरुले निःशुल्कको नाममा विभिन्न वहानामा शुल्क तिरेर अध्ययन गरेको बताए ।
पयूठानकी शान्ता खनालले अपाङ्गता भएकाहरुको लागि आफूहरुले विभिन्न कार्यक्रम गरेको भएपनि दुर्गम जिल्ला भएको कारण आफूहरु सबै गाविसमा पुग्न नसकेको बताईन । उनले दुर्गम जिल्लाका अपाङ्गहरुको समस्यालाई राज्यले विशेष प्रकारले हेरिनुपर्ने माग राखिन ।
मगुका झक्कु प्रसाद पोख्रेलले भने सभासद देवसंग अहिलेको संविधानमा अपाङ्गता भएकाहरुको लागि राज्यले कस्तो कार्ययोजना अघि सारेको छ भन्ने जिज्ञासा राखे ।
कालिकोटका अमर सिंह शाहीले आफूहरु अपाङ्ग भएपनि सपाङ्ग सरह काम गरिरहेको भन्दै आफ्नो जिल्लाका अपाङ्गहरुको लागि जनचेतनामुलक तालिमहरुको आवश्यकता रहेको, अपाङ्गहरुले प्रयोग गर्ने सहायक सामग्रीहरुको अभाव भएको हुंदा ति आवश्यकता पुराउन पहल गर्नु पर्ने माग राखे ।
भेटका क्रममा अधिकांश अपाङ्गता भएका ति व्यक्तिहरुले आफूहरुलाई राज्यले गांस, बांस र कपासको व्यवस्था गरिनु पर्ने बताए । आफ्ना मागहरुलाई बन्न लागेको संविधानमा जसरी भएपनि सम्बोधन गराउनु पर्छ भन्ने उनीहरुले माग राखे ।
मध्यपश्चिमका ति अपाङ्गता भएकाहरुको माग सुनेपछि सभासद देवले आश्वासन बाहेक केहि दिन सकिनन् । उनले जसरी भएपनि ति मागहरुलाई सम्बन्धित निकाय समक्ष पुर्‍याउने बाचा गरिन् । अपाङ्गहरुको माग जायज भएको भन्दै ति मागहरु पुरा गर्ने जिम्मेवारी आफ्नो भएको सभासद देवले बताईन ।

गर्मीले ठाउँ-ठाउँमा आगलागी

नेपालगन्ज ३० जेठ ः अत्यधीक गर्मी र लामो समयसम्म वषर्ा नहुंदा ठाउं-ठाउंमा आगलागि भइरहेका छन् । घामले तातेको छाना र तिब्र रुपमा बहने हावाले एउटा घरमा आगलागि भएमा गाउंनै सखाप हुने गरेको छ ।
बारुण यन्त्रको कमी, विकट ठाउं आदिका कारण आगलागि शुरु भएको छिनभरमै घर ध्वस्त हुने गरेका छन् । ह्वार ह्वार आगो दन्किदां घर भित्र भएको कुनै पनि सामागि्र निकाल्न नपाउंदै सबै जलेर खरानी बन्न जान्छ र पीडितलाई सांझ विहान दुइ छाक टार्न निकै समस्या पर्छ ।
प्रायः गरिब, दुःखी नै आगलागीको मारमा पर्ने गरेका छन् । किनभने अशिक्षाका कारण साना बालबालिकाबाट हुने लापरवाही, खरले छाएका घरका छानाका कारण बढी जसो यस्तै घरहरुमा आगलागि भइरहेको छ । बांकेको नरैनापुरमा त दुइ महिनामा तिन पटक आगलागि भएको छ ।
यस्तै आइतवार बांके र बर्दियाका छुटा छुटै स्थानमा भएको आगलागीमा आठ घर जलेर ध्वस्त भएका छन् । बांकेको राप्तिपारी नरैनापुर गाविस - ८ मा पौने १० बजे पप्पु बिश्वकर्माको घरबाट आगो सल्किदा छ घर जलेका छन् ।
आगलागी भए लगत्तै प्रहरी तथा स्थानियवासिन्दा पुगी आगो नियन्त्रणमा आएको थियो । आगलागीबाट भएको क्षतिको पुर्ण बिबरण आउन नसके पनि थुप्रै क्षति भएको जिल्ला प्रहरी बांकेले जनाएको छ । यसअघि नरैनापुर दुइ स्थानमा आगलागि भएको थियो । आगलागिबाट लाखौं मूल्य बराबरको नोक्सानी हुन पुगेको थियो भने एक जना बालक र आधा दर्जन पशु चौपायाको मृत्यु भएको थियो । घर जलेपछि ति आगलागि पिडीत अहिले पनि दुःख पूर्ण जिवन विताइरहेका छन् ।
यस्तै बांकेको पुरैना - ७ बिर्ता गाउंमा स्थानिय सतिक खांको घरमा आगलागी हुदां लत्ताकपडा, भंडाकुडा, तथा नगद ४० हजार गरि करिब डेढ लाख बराबरको क्षति भएको छ । राती साढे १ बजे घरमा अचानक आगलागी भएपछि वडा प्रहरी कार्यालय नेपालगन्जबाट गएको प्रहरीको टोली र स्थानिय बासिन्दाले आगो निभाएका थिए । एक घण्टापछि मात्र आगो नियन्त्रणमा आएको थियो ।
यसैगरी बर्दियाको नेउलापुर - ८ गोदाना स्थित नविन शाहिको घरमा आगलागी हुदां करिब एक लाख मूल्य बराबरको धनमाल जलेर नष्ट भएको छ । गएराती भान्सा घरबाट एक्कासी आगो सल्केको वर्दिया प्रहरीले जनाएको छ । स्थानियासिन्दाको सक्रियतामा आगो नियन्त्रणमा लिईएको प्रहरीले जनाएको छ ।

लायन्सको निशुल्क स्वास्थ्य शिविर

कोहलपुर, २९ जेठ ः बांकेको राप्ती पारी विनौना गाविस-६ मा शनिबार एक दिने निःशुल्क स्वास्थ्य शिविर सञ्चालन गरिएको छ ।
लायन्स क्लब अफ कोहलपुरको आयोजना तथा जिल्ला जनस्वास्थ्य कार्यालयको सहयोग र नेपालगन्ज मेडिकल कलेजको प्राविधिक सहयोगमा सञ्चालन गरिएको शिविरमा १३ सय ३२ जनाले स्वास्थ्य परिक्षण गराएका थिए । त्यस मध्ये विभिन्न रोगका ३ सय ५४ जना विरामीहरुलाई अप्रेशनको लागि शिक्षण अस्पताल कोहलपुरमा रिफर गरिएको क्लबका जोन चियर प्रशन चिन्तामणी धिताले जानकारी दिए ।
उनीहरुलाई अप्रेशनमा ५० प्रतिशत छुट दिनुका साथै विपन्न वर्गहरुलाई त्यसमा पनि छुट दिने बताइएको छ । नाक, कान घांटी, दांत, आंखा, स्त्रीरोगलगायतको निशुल्क परिक्षण गरिएको क्लबका अध्यक्ष टिपी न्योपानेले बताए ।

भवन शिलान्यास

कोहलपुर, २९ जेठ ः उच्च माध्यामिक शिक्षा परिषद् क्षेत्रिय कार्यालय भवनको शनिबार कोहलपुरमा शिलान्यास गरिएको छ । परिषद्को भवनको शिल्यानास पुरनावेदन अदालत नेपालगजका मुख्य न्यायाधिश हरिराम कोइरालाले गरेका थिए ।
एक आवास सहित निमार्ण हुन थालेको भवन आउदो वर्षसम्म बनिसक्ने परिषद्का क्षेत्रिय प्रमुख उत्तमदेव विष्टले जानकारी गराए । करिब १ करोड ५० लाख रुपैयांको लागतमा निर्माण हुन थालेको भबन ३ तलेको हुनेछ ।
परिषदको आप\mनै लगानीमा पहिलो पटक ४ कट्टा जग्गामा क्षेत्रिय कार्यालय बनाउन थालेको हो ।
शिल्यानास संगै भवनको निर्माण कार्य पनि शुरु भैसकेको परिषद्का प्रमुख विष्टले बताए । सबै जिल्लाको केन्द्र कोहलपुर परेकेाले यहा परिषद्को भवन बनाउन थालेको बताइएको छ । भवनको लागि कोहलपुर नगरविकास समितिले न्युनतम मूल्यमा जग्गा उपलब्ध
गराएको थियो । अहिले नेपालगज घर भाडामा लिइ कार्यलय संचालन गरिरहेको परिषद् भवन बनेपछि कोहलपुरमा सर्नेछ । परिष्दले मध्यपश्चिमाञ्चल क्षेत्रको रोल्पा र प्युठान बाहेक १३ जिल्लाका उच्च माविहरुको काम कारबाही संचालन गर्दछ । परिषद्बाट कक्षा ११ र १२ को मार्कसिट, लब्धागंपत्र तथा प्रोभिज्नल उपलब्ध गराउने गर्दछ

मन्दिर नजिक एक शिशु फेला

कोहलपुर, २९ जेठ ः बांकेको हवलदारपुर स्थित रामजानकी माविको परिसर भित्र रहेको सरस्वती मन्दिर नजिकै एक शिशु फालिएको अवस्थामा शनिवार बिहान जीवित फेला परेको छ ।
४/५ दिनको शिशु कपडामा ढाकेर राखेको अवस्थामा जीवित फेला परेको इलाका प्रहरी कार्यालय कोहलपुरले जनाएको छ । पारिवारिक झगडाका कारण आमाले शिशुलाई त्यहि छोडेर गएको हुन सक्ने स्थानिय बासिन्दाको अनुमान रहेको छ । शिशुलाई कोहलपुर नगर विकास समितिका सदस्य गोपाल तामौलीले जिम्मा लिएका छन् ।
बाबु, आमाको पहिचान नहुन्जेल सम्म शिशु आफ्नो संरक्षकत्वमा रहने तमौलीले जानकारी दिए ।
शिशुको परिवारको खोजी कार्य जारी रहेको जिल्ला प्रहरी कार्यालय बांकेले जनाएको छ ।

गोरखाको दशौं वाषिर्क उत्सव

कोहलपुर, २९ जेठ ः गोरखा युनाइटेड उच्चमाविले आफ्नो दशांै वाषिर्क उत्सव शनिवार एक कार्यक्रम गरि मनाएको छ । उत्सवमा बांके जिल्ला शिक्षा अधिकारी राम सुरेश यादवले विद्यालय, शिक्षक र विद्यार्थीको समन्वयले शैक्षिक गुणस्तर राम्रो हुने बताए । उनले शैक्षिक र भौतिक वातावरण अनुकुल विद्यार्थीको पढाई हुने भन्दै गुणस्तर शिक्षा दिनका लागि विद्यालयको ठुलो हात हुने उल्लेख गरे । अधिकारी यादवले गोर्खा युनाइटेडले स्थापना कालदेखि नै शैक्षिक स्तर संगसंगै अन्य क्रियाकलापमा राम्रो दखल दिएको बताउदै यस भेगका विद्यार्थीलाई राम्रो शिक्षा प्रदान गरिरहेको उल्लेख गरे ।
विद्यालयका संस्थापक निर्देशक केशर बहादुर आलेको सभापतित्वमा सम्पन्न कार्यक्रममा विद्यालयका प्राचार्य राजेन्द्र गुरुङले विद्यालयको आगामी कार्यक्रमबारे प्रकाश पारेका थिए । कार्यक्रममा विद्यालयलेे उत्कृष्ठ शिक्षणबापत शिक्षिका रचना ज्ञवाली, प्रशासनिक तर्फ खडग लामा र विद्यालयलाई सरसल्लाह दिने अभिभावक डिल्ली चपाईलाई सम्मान गरेको थियो । कार्यक्रममा विद्यालयले विभिन्न स्तरका छात्रवृति विद्यार्थीलाई प्रदान गरको थियो भने विद्यार्थीहरुले नृत्य तथा गित समेत प्रस्तुत गरेका थिए

कुर्सी तानातानको विमोचन

नेपालगन्ज, २९ जेठ ः 'म जति रोगि भएपनि बांचुञ्जेलसम्म सक्रिय भएर तपाईहरु माझ बाच्न चाहन्छु ।' वरिष्ठ संगितकार, गितकार तथा गायककार प्रेम प्रकाश मल्ल 'मधुकर' ले एक कार्यक्रममा आफ्नो भावना यसरी पोखे । भ्रष्टाचार विरुद्ध गीति एल्बम 'कुर्सी तानातान' को विमोचन कार्यक्रममा बोल्दै संगितकार मल्लले भने -'मलाई तपाईहरु मांझ रहनमा तपाईहरुसंग सहयोगको आशा गरेको छु, तपाईहरुले गरेको काम र तपाईहरुले म प्रति गर्ने सहयोग र सहाराले म बहुतै गौरवान्वित भएको छु, ।'
शनिवार भएको विमोचन कार्यक्रममा बोल्दै महिला बालबालिका तथा समाज कल्याण मन्त्री सर्वदेव ओझाले भ्रष्टाचार विरुद्धको गितले देशमा हुने गरेको भ्रष्टाचार कम गर्नमा एक आयम थप्ने बताए । कथाकार महेश विक्रम शाहले गीति एल्बमले सांगितिक क्षेत्र संगै भ्रष्टाचार विरुद्धमा सर्वसाधारणलाई जानकारी दिन सहयोग गर्ने बताए । बागेश्वरी असल शासन क्लब-बास)को प्रस्तुती कुर्सी तानातानमा ५ वटा गितहरु समावेश गरिएको छ । तिनवटा देउडा गित समेटिएको उक्त गिति एल्बममा शुक्रऋषि चौलागाई, रुक्मिणी शाह, नेमबहादुर शाहीको शब्द संयोजन गरिएको छ ।
चम्फा कठायत, ईश्वर विक, रेशम शाही, यमुना हमाल, जयन्ता गिरीलगायतले स्वर दिएको कुर्सी तानातानमा संगीत केशव बढु र बिरु रानाले दिएका छन् ।

शान्ति र सदभावका लागि समन्वय समिति

नेपालगन्ज, २९ जेठ ः कन्हैयालाल टण्डनको संयोजकत्वमा शनिवार नेपालगन्जमा १५ सदस्यी नागरिक समन्वय समिति गठन गरिएको वडा प्रहरी कार्यालय नेपालगन्जका प्रहरी निरिक्षक मुकुन्द रिजालले जानकारी दिएका छन् ।
अपराध नियन्त्रण तथा शान्ति सुव्यवस्था कायम राख्ने कार्यमा स्थानीय प्रहरी प्रशासनलाई सहयोग गर्न गठन गरिएको समितिको सदस्यहरुमा अजय गुप्ता, उमाशंकर केशरवाल, शिव प्रसाद पाण्डे, नन्दलाल वैश्य, अमिताभ शुक्ला, धर्मेन्द्र सोनी, सर्वतारा आलाम, रसिद अहमद कुरेसी, श्याम खेतान, कमला गुप्ता, विजय चौबे, राजन मैनाली, अर्जन वैश्य र सलाउद्धिन जसगढ रहेका छन् ।
समितिले समाजमा आपसी सद्भाव र समझदारी कायम राख्न मद्दत पुर्‍याउने, आफ्ना क्षेत्रका स्थानीयवासीका गुनासाहरु, पीर मर्काहरुलाई सुन्ने र तीनका समस्याहरुलाई आपसी छलफलबाट, विचार विमर्श र सहमतिबाट समाधान गर्ने, धार्मिक स्थल, सडक, बाटो घाटो, गल्लि, पेटी, चोक, पुल पुलेसा, पाटी पौवा आदिको संरक्षण र विकास लागि आवश्यक पहल गर्ने उद्देश्य लिएको छ ।
नेपालगन्जमा पहिलो पटक नागरिक समाजका समस्यालाई ध्यानमा राखी गठन गरिएको नागरिक समन्वय समितिको आवश्यकता, औचित्य र महत्वको बारेमा जिल्ला प्रहरी कार्यालय बांके प्रहरी उपरीक्षक महेशविक्रम शाहले एक अवधारणा पत्र प्रस्तुत गरेका थिए ।

शान्ति र सदभावका लागि समन्वय समिति

नेपालगन्ज, २९ जेठ ः कन्हैयालाल टण्डनको संयोजकत्वमा शनिवार नेपालगन्जमा १५ सदस्यी नागरिक समन्वय समिति गठन गरिएको वडा प्रहरी कार्यालय नेपालगन्जका प्रहरी निरिक्षक मुकुन्द रिजालले जानकारी दिएका छन् ।
अपराध नियन्त्रण तथा शान्ति सुव्यवस्था कायम राख्ने कार्यमा स्थानीय प्रहरी प्रशासनलाई सहयोग गर्न गठन गरिएको समितिको सदस्यहरुमा अजय गुप्ता, उमाशंकर केशरवाल, शिव प्रसाद पाण्डे, नन्दलाल वैश्य, अमिताभ शुक्ला, धर्मेन्द्र सोनी, सर्वतारा आलाम, रसिद अहमद कुरेसी, श्याम खेतान, कमला गुप्ता, विजय चौबे, राजन मैनाली, अर्जन वैश्य र सलाउद्धिन जसगढ रहेका छन् ।
समितिले समाजमा आपसी सद्भाव र समझदारी कायम राख्न मद्दत पुर्‍याउने, आफ्ना क्षेत्रका स्थानीयवासीका गुनासाहरु, पीर मर्काहरुलाई सुन्ने र तीनका समस्याहरुलाई आपसी छलफलबाट, विचार विमर्श र सहमतिबाट समाधान गर्ने, धार्मिक स्थल, सडक, बाटो घाटो, गल्लि, पेटी, चोक, पुल पुलेसा, पाटी पौवा आदिको संरक्षण र विकास लागि आवश्यक पहल गर्ने उद्देश्य लिएको छ ।
नेपालगन्जमा पहिलो पटक नागरिक समाजका समस्यालाई ध्यानमा राखी गठन गरिएको नागरिक समन्वय समितिको आवश्यकता, औचित्य र महत्वको बारेमा जिल्ला प्रहरी कार्यालय बांके प्रहरी उपरीक्षक महेशविक्रम शाहले एक अवधारणा पत्र प्रस्तुत गरेका थिए ।