रुख काटिएको ठाउंमा संसदीय टोली जांदै

नेपालगन्ज १३ असार ः वनमा जथाभावि रुख काटीएको भन्दै अनुगमनका लागि आएको संसदीय टोलीले आइतवार नेपालगन्जमा सरोकारवालाहरुसंग अन्तरकि्रया गरेको छ । राम कुमार शर्माको संयोजकत्वमा आएको संसदीय टोलीमा पट्टु थारु, मोहम्मद इस्तेयाक राई, शाखा अधिकृत झलक शर्मा सापकोटा, नासु चित्र वहादुर केसी रहेका छन् ।
टोलीले यस वर्ष बांके जिल्लामा भएको रुख कटानका विषयमा जिल्ला वन कार्यालय, राजनितिक दल, सञ्चारकर्मी, सामुदायीक वन उपभोक्ता महासंघ सबैसंग जानकारी लिएको थियो । सोही अवसरका जानकारी दिंदै बांकेका जिल्ला वन अधिकृत श्याम प्रसाद शर्माले वनको उचित संरक्षण हुन नसकेको वताउंदै यहि अवस्था रहिरहे आगामी १० वर्षमा नेपालको वन सखाप हुने वताए ।
उनले सरकारले हरिया रुख काटन केही वर्षका लागि वन्द गर्नु पर्ने वताए । वन कार्यालयमा गस्तीका लागि गाडीको अभाव, कर्मचारीको कमी, हतियार, वन रक्षकको अभाव आदीले गर्दा वन संरक्षणमा वाधा पुगेको वताए । उनले नेपालको सामुदायीक वन एशियामै राम्रो भने पनि भारतमा सामुदायीक नभएर पनि यहांको भन्दा त्यहांको वन राम्रो भएको वताए । अन्तरकि्रयामा राजनितिक दलका प्रतिनिधिहरुले भ्रष्टहरुले वन सिध्याउन लागेकोमा चिन्त व्यक्त गर्दै जथाभावि रुख काटने कार्य तत्काल रोक्नका लागि संसदिय टोलीलाइ अनुरोध गरेका थिए ।
अनुगमनका लागि आएको संसदिय टोलीले आज बांकेका विभिन्न ठाउंमा स्थलगत गइ रुख कटानको अवस्था वारे अनुगमन गर्ने संसदिय टोलीका सदस्य एवं बांके क्षेत्र न. १ का सांसद पट्टु थारुले जानकारी दिए । संसदिय टोलीका संयोजक राम कुमार शर्माले बांकेको राप्ती पारी बैजापर, कुसुम, शमशेरगन्ज लगाएतका ठाउंमा अनुगमन गरीने जानकारी दिए । टोली मंगलबार काठमाण्डौं र्फकने छ ।