आगलागीबाट घर गोठ जलेर नष्ट

नेपालगन्ज चैत्र ४ । बाँके कचनापुर ७ टिकुलीपुर निवासी विकास देवकोटाको घरमा शनिबार दिउँसो एक्कासी आगलागी हुँदा एक तले घर र गोठ पूर्ण रुपमा जलेर नष्ट भएको छ । घरमा कोही नभएको अवस्थामा करिब १ बजे भएको आगलागीबाट घरमा रहेको सम्पूर्ण सामान, लुगा, भाडाकुडा, अनाज, गोठमा बाँकेको भैसीको पाडो र नगद रु ९० हजार जलेर नष्ट भएको जिल्ला प्रहरी कार्यालय बाँकेले जनाएको छ । आगोलाई स्थानीयवासी र प्रहरीले निभाउने प्रयास गरेपनि दिउसो ४ बजेसम्म बलेको आगोले घर र गोठलाई पूर्ण रुपमा नष्ट गरेको थियो । अहिले आगो नियन्त्रणमा आएको र पीडितलाई क्षतीपूर्तीको लागि पहला भईरहेको बाँके प्रहरीले जनाएको छ ।