एमालेले नेपालगन्जमा वृहत आमसभा गर्ने

नेपालगन्ज, चैत्र २ । नेकपा(एमाले) बांकेले आगामी चैत्र २१ गते नेपालगन्जमा वृहत आमसभा गर्ने भएको छ । राष्ट्रको माग एमालेको अभियान, जेठ १४ भित्र शान्ति र संविधान भन्ने मूल नाराका साथ नेपालगन्जको कोरियनपुरस्थित आम वगियामा क्षेत्रीयस्तरको आमसभा आयोजना गर्ने लागेको एमाले बा“केका अध्यक्ष नन्दलाल रोकायले जनाएका छन् । जेठ १४ गते भित्र शान्ति र संविधान निर्माणको लागि दवाव दिन, सामाजिक, आर्थिक रुपान्तरण सहित जनताको खुसीयाली र समृद्ध नेपाल निर्माणका लागि दवाव दिन, वैदेशिक हस्तक्षेप रहित स्वाधीन नेपाल निर्माणका लागि दवाव दिन, वेरोजगारीको अन्त्य गर्दै राष्ट्रिय उद्योग, कलकारखाना स्थापनाकालागि दवाव दिन, कृषिको आधुनिकीकरण सहित वैज्ञानिक भूमि सुधार गर्नका लागि दवाव दिन र संघीय लोकतान्त्रिक गणतन्त्रको संस्थागत विकासका लागि दवाव दिने उद्देश्यले आमसभाको आयोजना गरिएको नेकपा एमाले बा“केका प्रचार विभाग प्रमुख प्रमोद धितालले जानकारी दिए । उनका अनुसार, आमसभालाई सफल बनाउन एमालेले सबैतिर प्रचार र व्यवस्थापन तयारी गरिरहेको छ ।