नेपालगन्ज जेष्ठ २७
मुलुकमा बढ्दै गइरहेको बैंकिङ्ग कारोबारमा निजी बैंकहरुले प्रतिस्पर्धा गरिरहेका बेला आज बााकेको नेपालगञ्जमा सहकारी बैंकको स्थापना गरिएको छ । आकर्षक व्याज र विभिन्न बचतका योजना लिएर प्रतिस्पर्धामा उत्रेको बााके बचत तथा ऋण सहकारी संस्था लिमिटेडको स्थापना गरिएको हो ।
उद्योग बाणिज्य संघ नेपालगञ्जका अध्यक्ष सुनिलकुमार शर्मा र समाजसेवी सेम शाक्यले संयुक्त रुपमा एक कार्यक्रमका विच संस्थाको उदघाटन गरे । सो संस्था ममता बचत खाता, शैक्षिक खाता, नारी खाता, श्रमिक खाता, जेष्ठ नागरिक खाता र बााके विशेष बचत खातालगायत आकर्षक योजनाका साथ मैदानमा उत्रेको हो ।
उदघाटनका क्रममा संस्थाका अध्यक्ष पवन बोहोराले निम्न वर्गदेखि लिएर उच्च वर्गसम्मले गरेको बचतमा उचित प्रतिफल दिने खालको वातावरण बनाउनेतर्फ संस्था प्रतिबद्ध रहने बताए । स-सानो बचत रकम संकलन गरी उत्पादनशिल क्षेत्रहरुको पहिचान गरेर उचित लगानी गर्ने भन्दै उनले संस्थामा गरिने अमुल्य बचत सुरक्षित रहने र निरन्तर लाभदायक हुनेमा दृढता व्यक्त गरे ।
समाजमा व्याप्त आर्थिक समस्यालाई सामुहिक पहलमा निराकरण गर्न सकिने मान्यताका आधारमा बचत संस्थाको स्थापना गरिएको बताउादै अध्यक्ष बोहोराले लगानीकर्ता एवं सरोकारवाला समक्ष संस्थाले उत्कृष्ट सेवा प्रदान गर्ने विश्वास समे व्यक्त गरेे । संस्थाले बेला बेलामा सीपमुलक तालिमको आयोजना गरी रोजगारीको मार्ग प्रशस्त गर्ने भन्दै उनले समाजमा बचत गर्ने बानीको विकास गर्ने कार्यहरु संस्थाको प्राथमिकतामा रहेको जानकारी गराए ।
उक्त संस्थाले बााके जिल्ला सहकारी संघमा संस्था दर्ता गर्नु भन्दा अगाडी नै ५ सय बढी सहकारी संस्थाहरु दर्ता भईसकेका छन् । यति धेरैको संख्यामा सहकारी संस्थाहरु दर्ता भएपनि यस क्षेत्रमा क्रियाशिल भएर काम गर्ने सहकारी संस्थाहरु १०/१२ वटा मात्र रहेका छन् । यद्यपी अन्य सहकारी संस्थाहरु दर्ता भएपछि किन क्रियाशिल भएनन् भन्ने सम्बन्धमा संघले कुनै पनि प्रकारको खोजी कार्य भने गरेको पाईदैन ।
