स्कुल स्तरिय खुल्ला ब्याडमिन्टन प्रतियोगिता सम्पन्न

उमा मगर
नेपालगन्ज ३१ बैशाख
बांके जिल्ला ब्याडमिन्टन संघको आयोजनामा संचालन भएको स्कुल स्तरिय खुल्ला ब्याडमिन्टन प्रतियोगिता सिनियर र जुनियर गल्र्सतर्फ एसेम्बली अफ गड चर्चले कब्जा जमाएको छ ।
शनिबार भएको फाईनल प्रतियोगितामा जुनियरतर्फ एसेम्बलीका सुनिता रानाले सेरोन रानालाई २१-१९, २१-६ ले पाखा लगाउदै उपाधि जित्यो भने सिनियरतर्फ एसेम्बलीका सेरोन रानाले सुनिता रानालाई २१-१९, १९ -२१, २१-१० ले पराजित गरि उपाधि आफ्नो पोल्टामा पार्यो ।
त्यसैगरी सिनियर बोइर्सतर्फ फाईनल खेलमा ब्राइटल्याण्ड स्कुलका शिव थापाले आईडल स्कुलका सहोराज अहमद अन्सारीलाई २१-८, २१-१२ ले पराजित गर्दै उपाधि हात पार्यो भने जुनियर बोइसतर्फ वेष्टजोनका राकेश थापाले ब्राइटल्याण्डका शिव थापालाई २१-१७, २१-१८ ले पराजित गर्दै जित हासिल गर्यो ।
नेपालगन्ज रंगशालामा सम्पन्न भएको 'भेट्रान्स डबल्स' इभेन्टमाको फाईनलमा सिद्धान्त जंग राणा र राम प्रसाद भुषालको जोडीलाई विक्रम सिंह खडका र रमेश कुमार श्रेष्ठको जोडीले १६-१७, ३-१५ ले पराजित गर्दै उपाधि हात पार्यो । उक्त खेल पुराना खेलप्रेमिहरुको लागि भनेर आयोजना गरिएको हुादा १५ स्कोरमा खेलाइएको थियो ।
त्यसैगरी उत्कृष्ट खेलाडीको रुपमा बोइसतर्फ वेष्टजोनका सांरस शाह, र गल्र्सतर्फ एञ्जल्सका सुबान्जली राणा घोषित भईन । उदाउदो खेलाडीमा बोइसतर्फ वेष्टजोनका स्वरुप रेग्मी र गल्र्सतर्फ महेन्द्र नमुना स्कुलका तिला न्यौपाने घोषित भए ।
विजय तथा उपविजय खेलाडीहरुलाई समापन कार्यक्रमका प्रमुख अतिथी बााके जिल्लाका स्थानीय विकास अधिकार शम्भु प्रसाद लुईटेल, बांके जिल्ला ब्याडमिन्टन संघका अध्यक्ष अनोज बस्नेत, प्रतियोगिताका संयोजक अनिल लाखे, प्रशिक्षक जयन्त श्रेष्ठ, सशस्त्र प्रहरी नायब उपरिक्षक गोपी कृष्ण ठाकुर, क्षेत्रीय खेलकुद विकास समितिका प्रशिक्षण प्रमुख जयन्त शर्मा, नेपाल खेलकुद पत्रकार मंचका अध्यक्ष जयनारायण शाहलगायतले पुरस्कार वितरण गरेका थिए । प्रतियोगिता ३ दिनसम्म संचालन भएको थियो ।

स्कुल स्तरिय खुल्ला ब्याडमिन्टन प्रतियोगिता हुने

उमा मगर
बाके, नेपालगन्ज २८ बैशाख
बााके जिल्ला ब्याडमिन्टन संघको आयोजनामा विहीबारदेखि स्कुल स्तरिय खुल्ला ब्याडमिन्टन प्रतियोगिता हुने भएको छ । ब्याडमिन्टन खेलको उर्वरा भूमिको नामबाट चिनिने जिल्लामा ३ वर्षको अन्तरालपछि निश्कृय रहेको संघले प्रतियोगिता आयोजना गर्न लागेको हो ।
दुईवटा उमेरसमूहमा संचालन गरिने प्रतियोगितामा बााके जिल्लाका २० वटा विद्यालयका २ सय बढीको विद्यार्थीहरुको सहभागिता रहने संघका अध्यक्ष अनोज बस्नेतले बताए । प्रतियोगितामा शहरभित्र रहेका विद्यालयको मात्र सहभागिता रहेको छ ।
बुधबार नेपालगन्जमा आयोजना गरेको पत्रकार सम्मेलनमा अध्यक्ष बस्नेतले स्थानीय पुराना ब्याडमिन्टन खेल प्रेमिहरुका लागि भनेर 'भेट्रान्स डबल्स' इभेन्ट पनि समावेश गरिएको बताए ।
३ दिनसम्म संचालन हुने प्रतियोगितामा मुख्य रेप|mीको रुपमा नेपालका अन्तराष्ट्रिय ब्याडमिन्टन अम्पायर उदय अर्याल हुनेछन् । प्रतियोगिता संचालनका लागि करिब ९० हजारको खर्च हुने अनुमान गरिएको संघका सचिव अनिल लाखेले जानकारी गराए ।

क्रान्तिकारी भूमिसुधार लागु गरिने-मन्त्री चौधरी

उमा मगर
नेपालगन्ज २७ बैशाख
भूमिसुधार तथा व्यवस्था मन्त्री रामचरण चौधरीले क्रान्तिकारी भूमिसुधार लागु नगरेसम्म भूमिसम्बन्धी समस्याहरु समाधान गर्न नसकिने बताएका छन् । उनले भने-सबै सुकुम्वासी तथा भूमिहीनहरुलाई भूमिपति बनाउन सरकारले छिट्टै बैज्ञानिक तथा क्रान्तिकारी भूमिसुधार लागु गरिनेछ ।
क्रान्तिकारी पत्रकार संघ बांकेले मंगलवार नेपालगन्जमा आयोजना गरेको पत्रकार भेटघाट कार्यक्रममा बोल्दै भूमिसुधार तथा व्यवस्थामन्त्री चौधरीले भूमिसुधार सम्बन्धी समस्या मुलुकको लागि निकै जटिल र लामो समयदेखिको समस्या भएकोले सरकारले विभिन्न कार्यक्रम ल्याएर सबैलाई भूमिपति बनाउने सोच बनाएको बताए ।
सुकुम्वासीको नाममा हुने खानेले मात्र जग्गा पाउने र सुकुम्वासी सधैं सुकुम्वासी नै रहने गरेको जनाउदै उनले सबै सुकुम्वासीको पहिचान गरि उनिहरुलाई जग्गा वितरण गरेर यो समस्यालाई सधैंका लागि स्थायी रुपमा समाधान गरिने योजना बनाईने जिकिर गरे ।
हलिया, मुक्त कमैया र किसानका समस्या सबै जग्गासंग गांसिएकोले उनिहरुका समस्या समाधानलाई पनि उच्च प्राथमिकतामा राखिएको मन्त्री चौधरीको भनाई थियो ।
सुकुम्वासीलाई जग्गा दिने नाममा ठूलो रकम असुल गरिएको बारे सोधिएको एक प्रश्नको जवाफमा उनले आफुले पनि सुकुमवासीको सो गुनासो सुनेको जनाउदै सो प्रकरणको छानविन गराई ठगहरुलाई कडा कारावाही गरिने बताए ।
उनले त्यस्ता कुराहरुमा सुकुम्वासी समाधान आयोग सम्वद्धहरु नै संलग्न रहेको सुनिएकाले उनिहरुमाथि कारवाही हुने जनाए ।
भूमिसुधार मन्त्रालयमा हुने गरेका विकृति र विसंगतिका कारण मन्त्रालय धेरै बदनाम भैसकेको प्रष्ट पार्दै उनले यस पटक मन्त्रालय भित्रका विकृति र विसंगतिलाई पनि सुधार गर्ने योजना रहेको बताए ।
भूमिसुधार मन्त्रालय संग सम्बन्धित जिल्ला स्थित विभिन्न कार्यालयहरुमा दरबन्दीको आधा पनि जनशक्ति नभएकाले जनताको काममा समस्या उत्पन्न भएको पाईएको जनाउदै मन्त्री चौधरीले सरकारले सबै कार्यालयमा दरबन्दी अनुसारको कर्मचारी खटाउने बताए ।
सबैलाई समेट्ने गरि सरकार निर्माण गरेर अगाडी बढ्न खोजिएकाले नै मन्त्रीमण्डललाई पूर्णता दिन ढिलाई भएको उल्लेख गर्दै उनले यसै सरकारले जेठ १४ गते संविधानको एकिकृत मस्यौदा र ६ महिना भित्र शान्ति प्रक्रिया टुङ्गयाएर संविधान जारी गर्ने बताए ।
पत्रकार भेटघाट कार्यक्रम क्रान्तिकारी पत्रकार संघ बांकेका उपाध्यक्ष सिराज खानको सभापतित्वमा भएको थियो ।